تحذير من محطة التعاون صلاح سالم

**Medo007** · 20-08-2014 10:27 AM

كنت بحط بنزين النهرده من بنزينة التعاون اللى بعد البانوراما وكان فيه واحد قدامي بيمون واللى بيملى عامل عبيط والمسدس وقف وهو مكمل لحد ما البنزين ادلق على الارض وكمية كبيرة , لما لقيت كده قلت للتاني اللى بيمون عندي خلي بالك لما المسدس يقف خلاص متزودش تاني مردش قلتهاله كمان مره عمل عبيط , المسدس فصل وهو سايق العبط وباصص الناحية التانية ومكمل لحد ما البنزين طلع وادلق كمية كبيرة عالارض وطرطش عليا وانا واقف جنبه , قمت مزعق فيه وقلت له ما انا عمال اقولك لما المسدس وقف وانت حاطط ايدك ومكمل والعربية اللى قدامي نفس الحركة , انتو مظبطين مع بعض ولا ايه ؟!!!!
قالى ماهو المسدس لما بيفصل حتى لو حاطط ايدي هيقف , قلت له انت بتكلم واحد مبيفهمش يعني ايه لو المسدس فصل وانت حاطط ايدك هيقف ازاي يعني !!! مانت ضاغط وهيفصل وهيكمل طول ما انت ضاغط
, المهم عمل غلبان ونظرة البؤس والحزن وكاني ظالمه , قمت دافع له الحساب وماشي

انا بكره اي بنزينة تعاون بس كنت مضطر عشان مكنش معايا نقطة بنزين

**sas5** · 20-08-2014 10:58 AM

بنزينه مقرفه وبطلت ادخل فيها بسبب اسلوب الشحاته للبقشيش كانه بيعطينا شى ملكه

**Elsebily** · 20-08-2014 12:04 PM

ازبل بنزينه علي مستوي مصر وعمري ما ادخل عربيتي امون فيها وفوق كده كزا مشكله لحد من اصحابي علي خلط ميه بالبنزين

**houba85** · 20-08-2014 01:21 PM

دي لايمكن تكون بنزينة من الاصل انا لو مفيش بنزين عندي عمري ما حمون منها اسلوبهم زفت غير انهم بيدوا الناس ال 80 على انه 92 وبيخلطوا عليه كمان مية بطين ... غلطت مرة ومونت هناك نص التنك او اقل لخبط كيان العربية وقعدت تكركر طول منا ماشية وبعدها باسبوع روحت اغير فلتر البنزين طلع من تحت ايد الميكانيكي اسود هباب

الافضل حضرتك لو عديت على موبيل او توتال حتى لو التنك ناقص عشرة لتر فول من هناك وريح دماغك