الموضوع: اوكتافيا 1.6 a7 او بيجو 508

المشاركة الأصلية كتبت بواسطة mohamed.hany

ال ٥٠٨ فئة اعلي من السكودا a7 ، في رأي لو معاك ٢٤٥ الف هات البيجو و لو الفلوس مش هتقضي يبقي السكودا اختيار جميل برضو بس لو سألتني بيني و بينك هقولك ال ٥٠٨. و لو انت بتسأل علي مقارنة مبين الاتنين فالبيجو تتفوق
الثبات ،العفشة، الوسع،الفخامة،الموتور ،الاوبشنز،الامان
و ده ترجمة لفرق السعر ٣٠ الف جنيه و ده لا يعيب السكودا لانها عربية محترمة بس زي مقلت لك دي فئة و دي فئة و لو عاوز تقارن يبقي تقارن سكودا سوبيرب مع بيجو ٥٠٨ عشان تبقي مقارنة متكافئة.

يا ريت حاليا كان الفرق 30 الف بس يا استاذ / محمد ولكن للأسف الأوكتافيا الفئه الثانيه مش موجودة وبتتباع بأوفر برايس وتصل الي 222 و 223 والبيجو ممكن تخلص في المعارض علي240 يعني بقي كل الفرق حوالي 18000
ولكن مشكلتي ان سمعت عن تغيير شكل قريب جدا للبيجو والواحد مش عايز يركب موديل 2015 وابقي الشكل القديم وخاصة اننا مش عارفين لو الشكل نزل هيبقي سعرة ايه بعني لو نزل بنفس الثمن او زيادة حاجه بسيطه الواحد هيندم انه جاب الشكل القديم أما لو نزل بفرق كبير نسبيا الواحد هيبقي مبسوط
وطبعا كل واحد وتقيمه للأمور في ناس كتير اختارت البيجو الشكل الحالي وعن اقتناع ان الشكل الجديد مش فارق كتير وانها افضل المتاح في هذه الفئه السحريه
ويبقي لكل واحد اختيارة وراحته النفسيه المؤديه لهذا الأختيار .
تحياتي