طقم شنبر وطقم صبابات

**romany_ac** · 20-08-2014 12:21 PM

السلام عليكم
روحت من يومين للميكانيكى علشان موضوع نقص الزيت قالى ان العربية محتاجة طقم شنبر وطقم صبابات وهنبص على الوش لما نفتح محتاج خراطة ولا وهيغير طبعا طقم الجوانات اية رايكم اتوكل واخلية يشتغل ولا اعمل اية؟
هو هياخد300 مصنعية وقطع الغيار اللى طلبها شاملة زيت وبوجيهات هتعمل حوالى 850جنية وسير الكاتينة حوالى200

**meno flicia** · 20-08-2014 12:43 PM

ياةةةةة كانتها عربيتي بلظبط ......... وكنت هعمل موضوع دلوقتي رحت لاقيت موضوعك في وشي ..
بص الموضوع هيخش في 1500 جنية ..

انا بصراحة سألت علي موضوع موتور استيراد لاقيتة ب 3000 الاف جنية .. رحت قولت لنفسي احط علي فلوس الشمبر و كدة واجيب الاستيراد بدل ما اجيب الطلبات وبعد شوية تبوظ تاني .. موتور استيراد قطع غيارة جواة اصلية واسقط علطول من غير وجع دماغ وهيبقي عندي القديم اخد منة قطع غيار مش هيكلفني حاجة في المستقبل ... دي فكرة رقم 1

_______
فكرة رقم 2

اني اجيب موتور mpi 1.6 الي هو مفيهوش مشكلة السخونة خالص ودا كلو ب 5000 الاف جنية ..
بس كاني راكب حاجة حلوة مفيهاش مشكلة سخونة و انجكشن ودي صورتة

انا بستشيرك .. اعمل اية ؟؟ واية الافضل من وجة نظرك ومن وجة نظر الاخوة ؟؟؟
انا علي فكرة هغير سير الكاتينة بردو عشان عامل صوت عالي

**romany_ac** · 20-08-2014 04:01 PM

المشاركة الأصلية كتبت بواسطة meno flicia

ياةةةةة كانتها عربيتي بلظبط ......... وكنت هعمل موضوع دلوقتي رحت لاقيت موضوعك في وشي ..
بص الموضوع هيخش في 1500 جنية ..

انا بصراحة سألت علي موضوع موتور استيراد لاقيتة ب 3000 الاف جنية .. رحت قولت لنفسي احط علي فلوس الشمبر و كدة واجيب الاستيراد بدل ما اجيب الطلبات وبعد شوية تبوظ تاني .. موتور استيراد قطع غيارة جواة اصلية واسقط علطول من غير وجع دماغ وهيبقي عندي القديم اخد منة قطع غيار مش هيكلفني حاجة في المستقبل ... دي فكرة رقم 1

_______
فكرة رقم 2

اني اجيب موتور mpi 1.6 الي هو مفيهوش مشكلة السخونة خالص ودا كلو ب 5000 الاف جنية ..
بس كاني راكب حاجة حلوة مفيهاش مشكلة سخونة و انجكشن ودي صورتة

انا بستشيرك .. اعمل اية ؟؟ واية الافضل من وجة نظرك ومن وجة نظر الاخوة ؟؟؟
انا علي فكرة هغير سير الكاتينة بردو عشان عامل صوت عالي

بس ازاى اضمن ان الماتور الاستيراد هيكون كويس من جوة؟ وانا بالمناسبة معنديش مشكلة السخونية
علشان اجيب 1.6 وبعدين دة هيبقى سفاح بنزين ومعلوماتى ان قطع غيارة مش متوفرة
احنا الاثنين نستنى اراء زميلنا فى القسم وبعدين نقرر

**meno flicia** · 20-08-2014 10:29 PM

انا مستني .. :) مش هتسرع

**zxcv38** · 20-08-2014 11:28 PM

الموضوع حقيقي محير بسب قطع الغيار المضروبة
الماتور ال في الصور انا شفته هوهو في الجولف وابيزا

**aw2100** · 21-08-2014 01:27 AM

بلاش الموتور 1600 ده محتاج تغيير الضفيرة بالكامل والموضوع بيتكلف والمشكلة ان مالهوش قطع غيار حتى لو جوان وش
الأفضل تشترى شورت بلوك بس وخصوصا لو وش السلندر سليم وتركبه عليه وكده تبقى شايف قلب الموتور لو فيه حاجة بايظه تبقى باينة لكن لو جبت موتور متقفل عاده بيكون خفيف وشويه حيحتاج 1/2 عمرة وممكن يطلع مفوت وانت وبختك
انصح بالشورت بلوك اللى هو 1/2 الموتور السفلى واهم حاجه تتأكد من اوراق الجمارك ومبروك مقدما وربنا يقويكم !!!!

**smsm2014** · 15-11-2014 04:48 PM

المشاركة الأصلية كتبت بواسطة ehab mobarak

انا غيرت طقم شنبر اسباني وجلب صمامات وجوانات وتجليخ وش السلندر وكله ساعتها كلفني 580 جنيه تقريبا بالمصنعية والعربية بعدها كويسة وانت وحالة العربية واللي شايفه مناسب

عاوز افهم ايه وجلب صمامات دة الشمايز ولا تقصد حضرت جلد الصباب؟؟

**f0lf0l** · 15-11-2014 11:21 PM

انا كمان لسه جايب موتور استيراد من غير التغذيه ب2700 ج بسم الله مشاء الله عليه هو كان انجكشن
والميكانيكى ركب عليه الكاربيراتير القديم وحطله طرمبه بنزين كهربا خارجيه يابانى
هو كان عايز سير كاتينه بس لانه كان صوته خشن ولسه شارى كاتينه بالترسين والسير تشيكى اصلى ب150 ج
وكمان غير جوان التقسيمه واولسيه الزيت

**أحمد جودة** · 16-11-2014 01:16 PM

حيــــــــــرة بجـــــــد
طقم الشنبر بما انه يوصل لـ 1500 جنية يبقي بلاش منه وتفكر فى تسقيط استيراد ومتديش ودانك لحد يقولك الاستيراد زي البطيخة ...... لاء انتا بتشتري الموتور بالضمان وبتدفع جزء من السعر والجزء الاخير بعد التجربة دة لو كنت هاتشتري من مكان محترم

أما العمرة وقت ومجهود ومصاريف ونتيجة هيا اللي زي البطيخة وكمان قطع الغيار المضروبة اللى مالية السوق ..... انا شايف ان طقم الشنبر أو العمرة فكرة تحفها المخاطر من جميع الجوانب

وفكرة الموتور الـ 1600 سي سي بردو مستبعدة علشان الموتور دة بيقولو ملوش قطع غيار وناس تانية بتقول ان الموتور دة بيركب عليها حاجات الابيزا والبولو ..... وكلة كلام ومفيش تجربة حقيقية

بعد الرغي دة كلة الخلاصة لو انا مكانك

هشيل الموتور دة قطع غيار واسقط موتور 1300 فى يوم واحد واخلص من وجع القلب

ملحوظة :- هذه اراء يمكمن ان تصيب أو تخطئ