تكيف سيراتو ٢٠١٥ عمانى

**motaz60002003** · 20-08-2014 11:37 PM

ما هو اداء التكيف ده لانى حاسس ان العربيه تكيفها الصبح او مايشتغل بيكون مش كويس بس بعد شويه بيكون كويس انا كان معايا اوبل استرا كان تكيفها تلاجه
العربيه بتكون مركونه فى الشمس فتره وبفتح التكيف الساعه ١ الظهر بلاقى التكيف مرطب بس مش ساقع مع العلم درجه الحراره فى الخارج من ٣٤ الى ٤٠ هل هو كده مستوى التكيف ولا اروح اكشف العربيه ليسه جديده معملتش صيانه الالف هل هتفرق بعد الصيانه
العربيه سيراتو عمانى ٢٠١٥
عايز اعرف للى معاه العربيه ده التكيف كده ولا لا

**Dr . Mohamed** · 21-08-2014 12:10 AM

العربية لو شغلت التكييف الصبح يفضل بعد ما تسخن طبعاً بيكون أفضل فى الآداء لأن لسه العربية مسخنتش من الشمس و بيبرد بسرعة
بعد ما تتركن فى الشمس فترة التكييف بيبرد العربية و بتحس بفرق بعد دقايق قليلة مثلاً خمس دقايق كدا بتبتدى تحس بفرق بين برا و جوه
انما الهوا الساقع بيطلع على طول بعد فتح التكييف مباشرة ً

**hi_nmr** · 21-08-2014 12:41 AM

طبيعي جدا ان اداء التكييف والعربيه واقفه يكون اقل من وهي ماشيه ولو ماشي علي خط سريع ادائه بيعلي اكتر
تكييف عربيتك زي تكييف البيت مش اول ما بنفتحه بنحس بالفرق لا دا احنا بنستني شويه علي ما يبرد هواء الغرفه كذلك تكييف العربيه لازم تنتظر شويه وخاصه انها مركونه في الشمس ياعني كل الهوا اللي جوه الصالون درجه حرارته مرتفعه

**mr.moustafa** · 21-08-2014 01:42 AM

بصراحة فعلا السعودي ما شاء الله اقوى اصدار . الحرارة 40 اقل تقدير و ثلاجة في عز الظهر

**bakkarahmed** · 21-08-2014 09:29 AM

انا معايا عماني والتكييف ماشاالله تلاجه...اداء التكييف بيتحسن بعد الالف كيلو
في عز ماكانت درجه الحراره 44 كان بيتلج العربيه ويفصل
بعد الالف كيلو لو ماباقاش تلاجه اكشف عليه