تكييف كيا سيراتو 2010

**yosersev** · 21-08-2014 03:42 AM

السلام عليكم

كباس سيراتو 2010 كان بايظ

ولفيت على كباس مش لاقي

لدرجة اني كتبت موضوع هنا وماحدش رد عليا
http://www.nilemotors.net/Nile/435755-2010.html

في كهرباء صاحب اخويا وحبيبه .. قالي هركب لك كباس مكروباص تويوتا

وركب وكله تمام والتبريد تمام

عايز اعرف ان الكباس ده كده غلط على ماتور العربية من حيث الجهد وكده ...باعتبار انه بتاع مكروباص ... ولا عادي .

**svneleven** · 21-08-2014 05:55 AM

عامة أنا مش من هواة التغيير الجامد ده. يعني لو مكانك و ما لا قتش كان ممكن أفكر مثلا في كباس السيراتو اللي قبلها أو الانترا لو ينفع يركب لكن ميكروباص.
ما اعتقدش حد يقدر يجزم أنه مش تقيل علي العربية. أنت حاسس بالعربية عادية لما تشغل التكييف و الا أدائها قل عن قبل كده؟

**yosersev** · 21-08-2014 02:35 PM

المشاركة الأصلية كتبت بواسطة svneleven

أنت حاسس بالعربية عادية لما تشغل التكييف و الا أدائها قل عن قبل كده؟

الصراحة اول يوم كانت عشره على عشره وكنت مبسوط اوي من التكييف لانه ما كنش بيفرق معاه ليل او نهار او شمس حتى

تاني يوم جيت ادور العربية وبعدين جيت امشي لقيت الباور تقيل جدا ...بطلت العربية و نزلت لقيت السير واقع

جه الكهربائي ركبه وبعدين شده ومن بعدها بدأ احس بموضوع تقل الباور
وحاسس ان الباور بتاع العربية تقل شويه معايا

وكمان عزم العربية ... بدأت احس ان العربية تقيله شوي لما اطلع بيها وابدأ ادوس بنزين
حتى لو مش مشغل التكييف

اول يوم ما كنش فيه تقل في العربية كان صوت صرخة السير بس بسيطة والكهربائي قالي هتروح

التقل بدأ يظهر بعد ما السير وقع تاني يوم والكهربائي ركبه وشده

ولو الكباس مش غلط .... ايه حل موضوع صرخة السير وتقل الباور معايا .
مع العلم ان زيت الباور تمام

**عبدالله برعى** · 21-08-2014 04:51 PM

طبعا بلا شك يفرق لانك بتركب كباس بتاع موتور 2500 سى سى

**ahmedelrayan** · 21-08-2014 06:34 PM

يا باشا انا شايف ان حضرتك غلطت لما ركبت كباس مكروباص حضرتك لو كنت دورت كويس اكيد كنت هتلاقى وعلى فكرة غالبا وبنسبة كبيرة بتاع الالنترا زيه بالظبط

**Abo Yasso** · 26-08-2014 09:53 AM

انا اسمع والله اعلم ان الكباس كله واحد يفرق بس فى القاعده بتعته يعنى اتنين او ثلاثه مسمار
اعتقد ان تقل الباور ملوش علاقه بالكباس لآنك بتقول ان ده بيحصل حتى وانت مش مشغل التكيف

**crazy car** · 26-08-2014 03:59 PM

متابع

**yosersev** · 27-08-2014 12:15 AM

عموما ان غيرت الكباس

لاني لقيت كباس بنفس القواعد والمسامير واشتغل تمام ... ورجعت بتاع المكروباص لصاحبه

بس انا عندي مشكله واحده دلوقتي وهي ان الباور احيانا يبقى تقيل واحيانا يبقى كويس

مش عارف ده من ايه ؟