مميزات وعيوب تويوتا الملكة 1994

**meno flicia** · 21-08-2014 11:26 AM

السلام عليكم .. انا مقبل علي شراء عربية تويوتا الملكة 1994
وعاوز اعرف اية المميزات والعيوب وقطع الغيار ؟؟
بلتفصيل الممل ..

دي طبعا صورتها .. وقولولي الرينج بتاع سعرها كام اليومين دول في السوق المصري ؟؟
دي صورة ارشيفية ليها

**mr_sameh** · 21-08-2014 11:41 AM

عربيه ممتازه جدا وكانت معايا لمدة عشر سنين تقريبا ولسه بايعها من 3 اشهر وندمان عليها مشكلتها انها واطيه من الارض انا كنت بايع عربيتي 58 الف كانت 94 كامله وحالتها ممتازه

**meno flicia** · 21-08-2014 12:02 PM

شكرا يا استاذ سامح .. بعتها بكام ؟؟ واية الموضوع بلنسبة للسخونة .. اصلي انا بعاني من موضوع حرارة الموتور جدا لاني معايا عربية سكودا وبتسخن ...

**Ahmed abdkarim** · 21-08-2014 12:06 PM

عربية ممتازة بس سعرها عالى فى السوق يعنى لما تكون عربية موديل 1994 يعنى بقالها عشرين سنة بتمشى على الارض و يكون سعرها 57000 جنية اعتقد كتير حتى لو هى عربية كويسة

**Mohamed.Mohsen** · 21-08-2014 12:32 PM

المشاركة الأصلية كتبت بواسطة mr_sameh

عربيه ممتازه جدا وكانت معايا لمدة عشر سنين تقريبا ولسه بايعها من 3 اشهر وندمان عليها مشكلتها انها واطيه من الارض انا كنت بايع عربيتي 58 الف كانت 94 كامله وحالتها ممتازه

مبروك التغيير .. واهلا بزميل الملكة القديم عشان كده مش عايز ابيع الملكة واندم ..ممكن تقولى غيرت لايه وليه ندمان وبالتوفيق دائما يا مستر سامح .. طيب ممكن تقدرلى سعر موديل 93 مانيوال 1300 اول يد - صيانة توكيل حالة ممتازة ستاندارد تكييف ..بصفتك لسة بايع قريب ..

**Mohamed.Mohsen** · 21-08-2014 12:35 PM

المشاركة الأصلية كتبت بواسطة ahmed abdkarim

عربية ممتازة بس سعرها عالى فى السوق يعنى لما تكون عربية موديل 1994 يعنى بقالها عشرين سنة بتمشى على الارض و يكون سعرها 57000 جنية اعتقد كتير حتى لو هى عربية كويسة

العيب الوحيد انها منخفضة ع الارض شوية طيب ال 2014 وكل الحديث كده ..بالنسبة للسعر للحالات السليمة ده طبيعى جدا .. وبيبقى في اللي بيقدر ويدفع .. وبيقل طبعا للحالات غير السليمة ..

**mr_sameh** · 23-08-2014 02:05 PM

المشاركة الأصلية كتبت بواسطة mohamed.mohsen

مبروك التغيير .. واهلا بزميل الملكة القديم عشان كده مش عايز ابيع الملكة واندم ..ممكن تقولى غيرت لايه وليه ندمان وبالتوفيق دائما يا مستر سامح .. طيب ممكن تقدرلى سعر موديل 93 مانيوال 1300 اول يد - صيانة توكيل حالة ممتازة ستاندارد تكييف ..بصفتك لسة بايع قريب ..

غيرت لكورولا 2010 جنوب افريقي
ندمان لان الملكه عربيه خاماتها الداخليه اقوي , عربيه ثباتها محترم جدا مشاكلها بسيطه تكييف كويس
اما الكورولا اللي اشترتها الخامت الداخليه ضعيفه جدا وبالاخص التابلوه بالاضافه الي ثبات الملكه افضل وسحب الموتور اللي كنت مسقطه في المكنه افضل كتير وعندي شعور ان العربيه عمرها ماتقدر تستحمل وتعيش الفتره اللي عاشتها الملكه معايا
انا غيرت فقط للاسف من اجل الوجاهه الاجتماعيه

**shoshasam** · 24-08-2014 03:50 PM

لسه شاريها من اربع شهور اوتوماتيك 1300 سي سي ب 55 ألف
اكتر حاجه فيها عاجباني , ثابته علي الطريق حتي لو بعمل غرز
أنا بطير بالعربيه وبجيب العداد علي اخره ومش بحس باي شئ
وكل الميكانيكيه بيفهموا فيها وبيحبوا يشتغلوا فيها
ماسكة سعرها بقالها سنين طويلة يعني مافيش اي خسارة من اي نوع
تقدر تضيف ليها اي كماليات بسهولة وقطع غيارها رخيصه حتي لو الاصلي
(يفضل قطع غيار استيراد وعن تجربة 4 مرات في 4 مشكلات مختلفة)
بنزين 80 ماشي وماله بنزين 92 هاطير بيك وتختفي
تجميعها وسرعتها والكيك داون ممتازه

العيب الوحيد اللي ملاحظه فيها العزل الحراري وعزل الصوت
وده طبعا مش يعيبها لانها موديل قديم
لكن يتحل بالمواضيع اللي في المنتدي عن العزل

ملحوظه مهمة جدا :
لو هاتجيبها اوتوماتيك اكشف علي الفتيس كويس جدا

وربنا يوصلك للخير باذن الله