الموضوع: اجيب ايه ب 40000

ما فيش حاجة اسمها هاتفرج لوحدي واشتري لوحدي ، ده مش موبايل ولا لاب توب ، ثم انها اول سيارة كمان ، احذرك من اختيارسيارة بمفردك الا من صديقة او شخص موثوق ١٠٠٪ .

مع اني ضد ركوب السيدات للسيارات في شوارع مصر
بسبب ما تتعرض له من مضايقات
أو ما تسببه السيدات لنا من مضايقات وتعطيل (واحيانا كوارث و حوادث)
لكن لو انتي مضطرة والموضوع حتمي ولا بد منه ممكن انصك لوجه الله
1- اتفقنا انه مش هتشتري لوحدك لازم والدك او احد اخوتك او خال او عم (وهم كمان يكونوا بيركبوا أو بيعرفوا في العربيات أو معاهم صديق موثوق خبرة و بيفهم كويس)
2- لو معاكي مبلغ 40 ما ينفعش اجيب بالمبلغ كله, اشتري في حدود 36 والباقي لزوم اي مصاريف او صيانات او طواريء (وللا عايزة لما تعطلي تركنيها لحد ما تحوشي وبعدين تصلحي)
3- نظرا لأنك أول مرة تركبي استبعدي السيارات السيدان الكبيرة وخليكي في الهاتشباك والسيارات صغيرة الحجم والاقتصادية (من 1000 الى 1300 سي سي بالكتير) لسهولة التحكم وادراك الابعاد والركن.
4- نظرا لأنك أول مرة تركبي استبعدي السيارات المعقدة (التي تحتاج لمراكز صيانة أو ميكانيكي متخصص) وخليكي في نطاق السيارات سهلة الصيانة عند أي فني
5- مبلغ ال36000 هيخلي اختياراتك محدودة جداً في الاوتوماتيك
ممكن كيا برايد - دايهاتسو ميرا 2001- دايهاتسو شاريد 1990:(+2000) (هاتشباك و سيدان صغيرة)- هيونداي اكسل (سيدان متوسطة) - سوزوكي سويفت (سيدان صغيرة)
فيه حاجات تاني بس عربيات كبيرة واسعار قطع الغيار نار
6- لو قررتي عربية مانيوال الكلام هيختلف تماماً