الموضوع: فولت الصنى 2013 شكل قديم 80 بالغلط ومش حاسس بفرق

في واحد معانا هنا بردو معاه نفس عربيتك و بيفول 80 "عن قصد"
عشان يوفر فرق فلوس بنزين 92
الخلاصه ان التفويله دي بإذن الله مش هتأذي الموتور بس لو اتكررت فلتر البنزين هيتسد و هيحصل ما لا يحمد عقباه وتوفير حق البنزين هيتدفع فعمره موتور وأكتر لا قدر الله

والدي فووووول العربيه 80 ف السفر لان مكنش فيه الا 80 ساعتها

وبيقلي مفيش اي فرق تماماا

فى السفر وفى الطرق السريعه مش ها تحس بأى فرق . وهو حط حوالى 31لتر 80 يعنى العربيه كان فيها حوالى من 15 الى 19 لتر 92 هما دولت اللى حسنوا الأداء شويه . لو المره الجايه حطيت 80 ها تبدأ تكركر معاك فى الطلعه او مع القرص انما فى السرعات مش ها تحس بحاجه . انا لما بتزنق باحط ربع التانك 92 والباقى 80 .واهم حاجه متقرصش وسايسها فى الطلعه عقبال ما شويه البنزين دول يخلصو من التانك . لأن طبعا التسقيف او الكركره على المدى الطويل بيأثر على المحرك .

المشاركة الأصلية كتبت بواسطة adnfalcon

في واحد معانا هنا بردو معاه نفس عربيتك و بيفول 80 "عن قصد"
عشان يوفر فرق فلوس بنزين 92
الخلاصه ان التفويله دي بإذن الله مش هتأذي الموتور بس لو اتكررت فلتر البنزين هيتسد و هيحصل ما لا يحمد عقباه وتوفير حق البنزين هيتدفع فعمره موتور وأكتر لا قدر الله

انا مختلف معاك فى النقطة دى
فلتر البنزين اعتقد ملوش علاقة بنوع البنزين، عشان البنزين كله بينزل من عربية واحدة، 80 و 92 و 95
الفرق فى الرقم الاوكتينى لكل بنزين وهنا بتفرق مع نسبة انضغاط الموتور مش اكتر
فالمعلومة اللى بتقول ان البنزين ال80 مليان شوائب غلط
لان كل البنزين فى مصر منيل بنيله ومليان شوائب من ال80 بس
وبتختلف من بنزينة لاخرى على حسب نضافة الخزانات بتاعتها

المشاركة الأصلية كتبت بواسطة ahmad--ezzat

والدي فووووول العربيه 80 ف السفر لان مكنش فيه الا 80 ساعتها

وبيقلي مفيش اي فرق تماماا

مادة اللى انا حاسة حاليا
ويمكن كمان عشان مش بكبس على العربية وماشى بالراحة

المشاركة الأصلية كتبت بواسطة fo1fo

فى السفر وفى الطرق السريعه مش ها تحس بأى فرق . وهو حط حوالى 31لتر 80 يعنى العربيه كان فيها حوالى من 15 الى 19 لتر 92 هما دولت اللى حسنوا الأداء شويه . لو المره الجايه حطيت 80 ها تبدأ تكركر معاك فى الطلعه او مع القرص انما فى السرعات مش ها تحس بحاجه . انا لما بتزنق باحط ربع التانك 92 والباقى 80 .واهم حاجه متقرصش وسايسها فى الطلعه عقبال ما شويه البنزين دول يخلصو من التانك . لأن طبعا التسقيف او الكركره على المدى الطويل بيأثر على المحرك .

هى الحمد لله معملش كدة معايا ولا مرة
واعتقد كلامك صح بخصوص ان نسبة ال92 كان مش قليلة فى التانك ودة محسن الاداء بشكل ملحوظ

المشاركة الأصلية كتبت بواسطة hany63

بالظبط كده
الفرق مش بيبان من اول تفويله

تمام شكرا للافادة

المشاركة الأصلية كتبت بواسطة svneleven

اختلف في حاجة واحدة أن ال 80 لا هيسد الفلتر و لا حاجة و لا صحة لما يقال ان ال 92 أنضف و الكلام ده. طالما عربية حضرتك مش بتكركر مع كبس البنزبن يبقي ال 80 مناسب ليها غير كده حط 92.

منا بقول كدة وقريت الكلام دة فى منتديات كتير اوى
لكن كلو بيقول ال80 غلط ومش نضيف وبيأثر على الموتور
وهيسد فلتر وحساسات ورشاشات وبوجيهات وبوابة وهيعمل بلاوى فى الموتور
لكن مش عارف اعمل اية
ال80 حلو معايا لانى مش من هواه الجرى
كمان بيعد فترة اطول بكتر من ال92، ولان اصلا النيسان بتاكل بنزين ياما عن باقى العربيات
فمش عارف اعمل اية
بس الاكيد انى مش هواظب عليه
ممكن حبة 92 وكل فترة والتانية اجرب احط 80