الموضوع: سوزوكى سويفت ٢٠١٥ ،. رؤية سريعة من المعرض

من مول العرب معرض الطارق فى عربية. فضى موجودة ، العربية انا معجب بيها من فترة لما كان الموجود الديزاير بس
الهاتشباك سمعتها كويسة جدا لما كانت بتنزل يابانى ،، وبعد ما قعدت نص ساعة مع العربية ،،،،،)رأى شخصى )
____
من الخارج ::::
تصميم حلو جدا و شبيه بسحبة المينى كوبر بالقوايم السوداء للزجاج الأمامى
العربية ما شاء الله عالية عن الأرض ، كان واقف جنبها بيكانتو و السويفت اعلى منها بسبب كمان الجنوط ال ١٥ و الكاوتش جوديير ١٩٥/٥٥
من وراء الكشافات حلوة و يعيبها بس ارتفاع الاكصدام الخلفى مخلى الشنطة عالية فمش مريحة لو بتحمل حاجة تقيلة
الشنطة فيها زرار مستخبى ما بين اضاءة النمر تفتح منه لما يكون السنتر مفتوح بس ((( مفيش فتح شنطة من جوه بذراع)))
الأبواب طبعا مش تقيلة قوى لكن فى السعر ده بجد مفيش احسن منها
العربية فيها فوجات من الأمام
الموتور مكانه بعيد عن المقدمة بمسافة مريحة
________
من الداخل :::::
قعدت فى كل كرسى بعد ما ضبط وضعياتهم بما يناسب طولى المتوسط ١٧٨
جنب السواق يادوب رجلك حتبقى وراء التابلوه علشان تعرف تقعد وراء مرتاح
وراء السواق نفس الكلام ولو رجعت كرسى السواق حتزنق شويه اللى وراك. ))))) المجمل أوسع من البيكانتو وكمان الكنبة وراء اوسع منها ((((
التابلوه قطعة فنية بجد كتصميم (البيكانتو برضه حلو ))) بس الكاسيت هنا واخد من التابلوه double din فمدى شياكة
الدركسيون وضعيته مريحة وبيعلى وبيوطى ووراء و ناحيتك ،، الفتيس وضعيته ممتازة مع العلم انك ممكن تعلى وتوطى كرسى السواق
تحكم فى الكاسيت و ٤ زجاج كهرباء و مرايات باشارات كهرباء و بكر تكييف يدوى وو صلة usb و ووصلة ١٢ فولت
مفيش aux
و طبعا لمبة abs-ebd و فيها ٢ ايرباج ،، والاضاءة للعدادات عادية باللون الاصفر
وزرار الفوجات لوحدة تحت ع الشمال
درج التابلوه خفيف قوى بس شغال يعنى ومفيهوش اضاءه
تقفيل الابواب جيد جدا
الشنطة اوسع من البيكانتو
-_________
ما عليها. من سلبيات /:::::::
من بره مفيش تقريبا غير التقفيل حولين العجل مش موجود تقريبا فكل السلوك باينة بشكل مستفز كان ممكن تتقفل بفيبر يدى شكل احسن
_______ من جوه بقى واضح ان الهنود اشتغلوا كتير ،،، الكونسول الأوسط فقير جدا جدا وحامل الاكواب تحت فتحة التكييف كان احسن لو بقى فى الكونسول ومفيش دولاب فى الكونسول للاسطوانات
الشماسات فقيرة ولو كانت اتقل وافخم كانت حتدى شكل للتقفيل العام احسن ،
مفيش ذراع فتح الشنطة من الداخل لكن ممكن تفتحها من بره لو السنتر مفتوح
خامات التابلوه مش بلاستيك فخم زى البيكانتو ،
القعدة وراء والعربية واقفة مش مريحة
،،،
-------- يارب الموضوع يعجبك ويفيد اللى ناوى يجيبها وهى تظل عيوب لاتذكر مقارنة بالسعر والمميزات ،،،

المشاركة الأصلية كتبت بواسطة ahmad7610

من مول العرب معرض الطارق فى عربية. فضى موجودة ، العربية انا معجب بيها من فترة لما كان الموجود الديزاير بس
الهاتشباك سمعتها كويسة جدا لما كانت بتنزل يابانى ،، وبعد ما قعدت نص ساعة مع العربية ،،،،،)رأى شخصى )
____
من الخارج ::::
تصميم حلو جدا و شبيه بسحبة المينى كوبر بالقوايم السوداء للزجاج الأمامى
العربية ما شاء الله عالية عن الأرض ، كان واقف جنبها بيكانتو و السويفت اعلى منها بسبب كمان الجنوط ال ١٥ و الكاوتش جوديير ١٩٥/٥٥
من وراء الكشافات حلوة و يعيبها بس ارتفاع الاكصدام الخلفى مخلى الشنطة عالية فمش مريحة لو بتحمل حاجة تقيلة
الشنطة فيها زرار مستخبى ما بين اضاءة النمر تفتح منه لما يكون السنتر مفتوح بس ((( مفيش فتح شنطة من جوه بذراع)))
الأبواب طبعا مش تقيلة قوى لكن فى السعر ده بجد مفيش احسن منها
العربية فيها فوجات من الأمام
الموتور مكانه بعيد عن المقدمة بمسافة مريحة
________
من الداخل :::::
قعدت فى كل كرسى بعد ما ضبط وضعياتهم بما يناسب طولى المتوسط ١٧٨
جنب السواق يادوب رجلك حتبقى وراء التابلوه علشان تعرف تقعد وراء مرتاح
وراء السواق نفس الكلام ولو رجعت كرسى السواق حتزنق شويه اللى وراك. ))))) المجمل أوسع من البيكانتو وكمان الكنبة وراء اوسع منها ((((
التابلوه قطعة فنية بجد كتصميم (البيكانتو برضه حلو ))) بس الكاسيت هنا واخد من التابلوه double din فمدى شياكة
الدركسيون وضعيته مريحة وبيعلى وبيوطى ووراء و ناحيتك ،، الفتيس وضعيته ممتازة مع العلم انك ممكن تعلى وتوطى كرسى السواق
تحكم فى الكاسيت و ٤ زجاج كهرباء و مرايات باشارات كهرباء و بكر تكييف يدوى وو صلة usb و ووصلة ١٢ فولت
مفيش aux
و طبعا لمبة abs-ebd و فيها ٢ ايرباج ،، والاضاءة للعدادات عادية باللون الاصفر
وزرار الفوجات لوحدة تحت ع الشمال
درج التابلوه خفيف قوى بس شغال يعنى ومفيهوش اضاءه
تقفيل الابواب جيد جدا
الشنطة اوسع من البيكانتو
-_________
ما عليها. من سلبيات /:::::::
من بره مفيش تقريبا غير التقفيل حولين العجل مش موجود تقريبا فكل السلوك باينة بشكل مستفز كان ممكن تتقفل بفيبر يدى شكل احسن
_______ من جوه بقى واضح ان الهنود اشتغلوا كتير ،،، الكونسول الأوسط فقير جدا جدا وحامل الاكواب تحت فتحة التكييف كان احسن لو بقى فى الكونسول ومفيش دولاب فى الكونسول للاسطوانات
الشماسات فقيرة ولو كانت اتقل وافخم كانت حتدى شكل للتقفيل العام احسن ،
مفيش ذراع فتح الشنطة من الداخل لكن ممكن تفتحها من بره لو السنتر مفتوح
خامات التابلوه مش بلاستيك فخم زى البيكانتو ،
القعدة وراء والعربية واقفة مش مريحة
،،،
-------- يارب الموضوع يعجبك ويفيد اللى ناوى يجيبها وهى تظل عيوب لاتذكر مقارنة بالسعر والمميزات ،،،

مقارنة ممتعة ... تسلم إيدك

بس أحب أطمنك إن الحاجات اللى متشالة من العربية زي درج الاسطوانات اللى فوق الكاسيت في التابلوه وحامل الأكواب اللى تحتت فتحة التكييف للراكب الأمامي والـ aux والنور في الشماسات ومراية في الشماسة للسائق ومخدع الذراع اللى في النص بين السائق والراكب الأمامي والتكييف التاتش اللى تحت الكاسيت (وده لوحده بيدي التابلوه منظر خرافي وآية في الجمال) ... كل الكلام ده موجود في النسخة الهندي نفسها .. الكاملة full options

لكن اللى نازلة مصر عربية مطلوبة بمواصافات خاصة بناء على طلب الوكيل أكيد ... ماتفهمش هي كاملة ولا هاف ولا إيه ... لأن فيها حاجات زي الإثنين الإيرباج وإيه بي إس مش موجودة غير في النسخة الكاملة الهندي وناقصة حاجات موجودة حتى في النسخة الفاضية الهندي زي حامل الأكواب للراكب الأمامي

بالنسبة لقفل الشنطة أنا شايفه أفضل إنه يكون بزرار مغناطيسي مع السنتر ... أسهل بكتير للاستخدام من الخارج ... وكدة كدة اللى هايفتح الشنطة لازم هايكون واقف برة جنبها ومش هايبقى محتاج الذراع الداخلي في حاجة