بلاك بيرى z3

**K.LOTFY** · 23-08-2014 08:37 AM

وانا بدور على النت على موبايلات بلاك بيرى لقيت الموديل ولسه نازل جديد

ايه نظام البلاك بيرى عموما كسوفت وير وامكانيات جهاز بيهنج ويسخن والبطاريه تخلص على طول والمشاكل بتاعت الاندرويد دى ولا مختلف عنه وهو احسن ولا نظام ios ياريت اللي معاه بلاك بيرى يفيدنى

لينك فيه صورة الجهاز والمواصفات والسعر

BlackBerry Z3 Mobile phone| Buy Online | Free Delivery | RayaShop Egypt| موبايل بلاك بيرى z3| أشتري اون لاين | توصيل مجاني | راية شوب | مصر

**bluemagic11** · 23-08-2014 08:55 AM

علشان متدفعش فلوس و تندم عليها لو ملكش او ممسكتش او ما تعملتش مع بلاك بيرى قبل كده بلاش منه .. مش كل الناس تحب البلاك بيرى لانه بصراحه ينقصه حاجات كتير اوى ممكن تلاقيها فى اقل موبايل اندرويد و مثال على كده الapps تقدر تقول ان البلاك بيرى ستور مفهوش apps اصلا ولا games , 98% من الموديلات بتعاته شاشتها صغيره و مش عمليه .. ولكن على الرغم من كده هيبقى هو الموبايل المفضل ليا و برقبه كل الموبايلات التاتش ال 5 انش سكرين .. تقولى ليه .. اقولك معرفش بلاقى نفسى وانا بستخدم البلاك بيرى جدا و مهمه اوى ال QWERTY كى بورد .

**K.LOTFY** · 23-08-2014 09:18 AM

هو استخدامى للموبايل بيبقى مكالمات ونت بس الجيمز ما بقتش استخدمها كتير لأن الموبايل على طول مهنج هو اللى انا بحتاجه برامج سوشيال ميديا زى الفيس بوك وتويتر وتمبلر والشات الواتس اب والفيبر والسكايب هل الاستور بتاعه فيه التطبيقات دى وسهله ؟

واللى خلانى افكر فيه زى ما قلت التهنيج والسخونه والبطاريه الضايعه لأن معايا اس 3 مجننى حتى ابتدى يهنج فى المكالمات وانا اللى اعرفه ان اللى بلاك بيرى معمول للبيزنس اكتر فاعتقد انه يكون بيستحمل اكتر

**S O P H O S** · 28-08-2014 12:56 AM

شوفته وعجبني فالاول
دخلت دورت علي تقيم الموبيل وراي الناس
وملقتش وحسيت الموضوع مش ايجابي

**K.LOTFY** · 28-08-2014 08:48 AM

المشاركة الأصلية كتبت بواسطة s o p h o s

شوفته وعجبني فالاول
دخلت دورت علي تقيم الموبيل وراي الناس
وملقتش وحسيت الموضوع مش ايجابي

هى دى المشكله برضه مش لاقي تقييمات مفيده بس انا اللي يهمنى ان النظام فيه مشاكل ولا لأ والبطاريه برضه بتقعد كتير ولا زى الاندرويد لازم تبقى ماشي بالشاحن في جيبك