مشكله فى فتيس فانتازيا 2010

**MohamedGobran** · 23-08-2014 07:48 PM

السلام عليكم

دلوقتى انهارده انا كنت ماشى على طريق اسكندريه الصحراوى عادى لكن كان كل ما اعدى ال 140 الاقى الحراره طلعت فوق ال 90 شرطه او 2 و تنزل تانى و بعدين عند ماستر كده كنت ماشى 130 و العربيه جايبه السادس عادى و فجأه لاقيت ال rpm راح نازل كانى جبت العربيه على ال n و بعدين ادوس ينزين مفيش حاجه خالص فركنت و طفيت العربيه دقيقتين كده و دورت تانى اول ما اجيب الفتيس على ال r تحصل رزعه جامده و اجيبه على ال d مفيش رزعه و لما ارجع من d ل r مترزعش لكن من p ل r ترزع جيت اتحرك بيها لاقيتها بتجيب اول و تانى بس العربيه بتترج و بعدين تجيب التالت و تمشى عادى و اول ما ازود بنزين كأنها على n مفيش حاجه بتحصل و بعدين اقلبها مانيوال و احرك + و - مفيش حاجه بتحصل خالص فشيلتها على ونش ووديتها التوكيل فى العبور و سيبتها يشفوها الصبح
فانا الصراحه مقلق تتطلع مشكله كبيره فى الفتيس ولا حاجه مع العلم ان انا المالك الاول و العربيه عامله 118 الف كيلو و بعملها صيانه كل 7000 كيلو فى التوكيل و زيت الفتيس غيرته مرتين مره و هى عامله 50 الف كيلو و التانيه العربيه كانت عامله 102 الف كيلو و متغير فى التوكيل طبعا

**Adnfalcon** · 23-08-2014 08:32 PM

مش عارف أقولك ايه بصراحه . . دي أعراض عطل body valve
ربنا يستر بس انت عملت اللي عليك ومش مهمل فتغيير الزيت ف معاده وفالتوكيل
ع العموم تابعنا هنا ومتعملش حاجه فالتوكيل غير لما تاخد رأي الخبراء هنا خوفا من جشع التوكيل
عايزك كمان تخليهم يشيكوا علي دوره المياه بالذات الشجره

**MohamedGobran** · 23-08-2014 08:51 PM

هو طب انا المفروض اتصرف ازاى لو لقدر الله body valve لان انا مش هقدر اعد اشيل العربيه على ونش و الف بيها على الناس و برضو نفسى افهم ازاى يحصل كده و انا العربيه مغيرلعا زيت الفتيس فى معاده ... قدر الله و ماشاء فعل

**Mahmoud.hamedm** · 23-08-2014 09:12 PM

مظبوط قدر الله وما شاء فعل
اقترح عليك تخلي التوكيل هو اللى يعملها عشان ده مشكلة فتيس وملهاش اى سبب ظاهرى بعد اهتمامك بالصيانه وتوقيتها.
على فكرة ايام وانا كنت شغال فى مرسيدس كان فى مشكلة الفتيس بتاعك على اد وصفك لها.
ياريت تتبعنا بالتحديث

**Moratoz** · 23-08-2014 09:24 PM

الهبد والترزيع بيبقي أعراض بادي فلف ولكن ليس في ال r فقط وانما كمان في النقله الثالثه علي الاغلب سواء في النقل من الثاني او النزول من الرابع
وطبعا العربيه لازم تتحط علي الكمبيوتر لأن ممكن يبق في اي حاجه تانيه وممكن يبقي فيه مشكله في تبريد الفتيس
سؤال صغير العربيه بتهبد بعد مشاوير كتير في الحر والزحمه وإجهاد للفتيس ولا في بدايه التشغيل علي طول

**Adnfalcon** · 23-08-2014 09:25 PM

المشاركة الأصلية كتبت بواسطة moratoz

الهبد والترزيع بيبقي أعراض بادي فلف ولكن ليس في ال r فقط وانما كمان في النقله الثالثه علي الاغلب سواء في النقل من الثاني او النزول من الرابع
وطبعا العربيه لازم تتحط علي الكمبيوتر لأن ممكن يبق في اي حاجه تانيه وممكن يبقي فيه مشكله في تبريد الفتيس
سؤال صغير العربيه بتهبد بعد مشاوير كتير في الحر والزحمه وإجهاد للفتيس ولا في بدايه التشغيل علي طول

فعلا أنا شاكك بردو ف تبريد الفتيس !!

**Mahmoud.hamedm** · 23-08-2014 09:26 PM

على ما اتذكر من ايام عملى فى توكيل القاهرة الوطنية.... كان تغيير زيت الفتيس مع الفلتر كل 30 الف ولكن فى انواع فتيس يتم تغيير الزيت عند 60 الف وقليييل على 100 الف
ان شاء الله حنشترى سكودا وعشان كده انا مهتم اشوف اخبارها ايه مع ملاكها
من فضلك بم ان حضرتك مالك الاول للسيارة حاول تشوف فى الكتالوج نوع زيوت الفتيس الموصى بها وكمان كل اااد ايه. هل 30 ام 60 الف.
وعلى فكرة زى ما بيتم تغير زيت المحرك على 5000 بدل من 8000 او 10000 فى حالات الاعمال الشاقه heavy duty work برضه زيت الفتيس بيتم صيانته وتغييره قبل ميعاده .
ياريت لو عندك كتيب المواصفات تكتب كل كام الف يتم التغيير

**MohamedGobran** · 23-08-2014 09:48 PM

العربيه عمرها ما رزعت ولا كان فيها هبده نهائى و الموضوع حصل انهارده فجأه كده و العربيه رزعت على ال r بس و انا بجيب من p ل r لكن بقيت النقلات كانت بتجيب اول و تانى و تالت من غير ترزيع لكن العربيه كانت بتترج و عند التالت ادوس بنزين مفيش اى حاجه بتحصل كأنك جايبها على ال N و بسمع زى صوت ونه كده تحت رجلى

**MohamedGobran** · 23-08-2014 09:50 PM

و يا استاذ محمد مكتوب ان مفروض اغير الزيت كل 60 الف كيلو و انا بغيره كل 50 و ممكن اقل كمان و فى التوكيل الزيت الاصلى الى تمنه فوق الالف جنيه

-

الموضوع: مشكله فى فتيس فانتازيا 2010

LinkBack

أدوات الموضوع

عرض

-

-

المواضيع المتشابهه

مشكله فى فانتازيا 2010

مشكله فى فانتازيا 2010

وعندك كمان مشكله في فتيس فانتازيا 2010 :(:(:(

مشكله في التيل الجديد--فانتازيا 2010

مشكله في التيل الجديد--فانتازيا 2010

الكلمات الدلالية لهذا الموضوع

المفضلات

المفضلات

ضوابط المشاركة