شوية أسئله عن كاسيت وسماعات Pioneer

**marsguy** · 23-08-2014 08:33 PM

السلام عليكم ورحمة الله وبركاته،،،

أنا عربيتي بروتون ساجا وهي بيجي معاها cd player نوعه Clarion بس هو أوديو بس ومافهوش أي كماليات.

أنا بقالي ماشي بيها 4 سنين وبصراحه كنت عاوز أجدد بقى وأجيب كاست فيه USB و AUX كمان

لكن أنا مش عاوز أعمل عده وأجيب صب وجي إم والحاجات دي. أنا كل اللي عاوزه صوت نضيف وعاوز تفاصيل المزيكا تبان... بمعنى إني ساعات باسمع مزيكا كلاسيك معينه على الكومبيوتر وباكون عارف إن في صوت آله معينه في الخلفيه والصوت ده بيكون واضح على الكومبيوتر بس تقريباً مش موجودخالص على كاسيت العربيه.

انا كمان مش فارق معايا البيز ومش باعلي أصلاً أوي

في العادي أنا قبل ما باشتري حاجه باعمل دراسات وأبحاث بس النهارده كنت مستعجل وكل اللي عملته إني دخلت على المنتدى وأنا في شارع دمشق من الموبايل عشان أشوف متوسط الأسعار وأشوف أجيب إيه

اللي وصلتله إني واحد زيي مش محتاج غير إنه يجيب كاست بيونير single din عشان بيونير ماركه نضيفه وصوتها نقي.

وقد كان. جبت كاسيت بيونير 3650 بسعر 775 والراجل ركبه بس حصلت حاجه غريبه. كان كل شويه يفصل لوحده لما ندوس على حته معينه في الكاست أو لما نخبطه. طبعاً بعد محاولات ومداولات أنا قررت إني مش عاوز الكاست ده. مع إنه كان عاجبني وكان الجرافيكس فيه عاليه أوي وبيغير ألوان وكده.

أنا بصراحه خفت أغير بنفس الموديل عشان حاجتين:

ممكن يكون العيب اللي حصلي ده يكون عيب شائع في الموديل
ممكن الراجل ينصب علي ويديني واحد تاني كان حد مرجعه برضه

قررت أجيب موديل أعلى وأغلى 100 جنيه, اللي هو 5350

ده ركب من غير أي مشاكل الحمد لله. بس الغريب إنه مع إن ده المفروض موديل أعلى بس هو الجرافكس أقل وأنا بصراحه مش عارف أصلاً هو أعلى في إيه. الفرق الواضح إنه سنتريت والتاني كان عادي.

يا ريت حد يقولي إيه الفرق الجوهري وإذا كان أعلى فعلاً ولا لأ.

المهم أنا بعد ما ركبت الكاسيت حسيت إني عاوز أركب سماعات :) عشان طبعاً الكاست الجديد بين قد إيه سماعاتي تعبانه عشان الكاسيت الجديد صوته أقوى.

وفقاً لكلام الراجل أنا عندي سماعات 16 مدوره

سالته إنت ترشحلي إيه؟ قال لي بما إنك مش فارق معاك بيز وكده يبقى هات بيونير بيضاوي.

سألته دي هاتحتاج إني أقص حاجه؟ قاللي هانقص حته صغيره.

أنا عندي كام سؤال دلوقت أطمع إني ألاقي إجاباتها عندكم:

إشمعنى سماعات بيضاوي؟ وإيه الفرق الجوهري بين البيضاوي والمدوره
انا معظم اللي باسمعه حاجات كلاسيك ومش فارق معايا بيز وهبد ورقع؟ أجيب إيه حاجه صوتها نقي وتكون حاجه نضيفه ومنين؟
يا ترى الكاست اللي جبته ده كويس؟

شكراً

**rrgrrg** · 23-08-2014 10:27 PM

1-الفرق ان الرق بتاع الوففر اكبر فبيدي بيييس اكتر و اقوي ... و طبعن مدام المساحة اكبر يبقي ممكن تبقي سماعات اقوي في الوات ... لاكن مدام انتا مش غاوي جي ام او بيس جامد اوي جيب حاجة نضيفة مدورة علي قد المقلس عندك و خلاص و ياريت اللي ورا يبقوا 3 way مش 2 غشان تسمع صوت حلو
2-افضل سماعات 6x9 في النقااء الميد و الهاي الjbl بس مش بتاعت بيس جامد بس غالية و نادرة الوجود لما تشتري ... السماعات الممتازة هي الباين و كيدوود طبعن ماركتين غنيتين عن التعريف و الافضل عامة
3-الفرق من الخارج فقط اظن ان الشاشة led فلموديل الجديد غير كدة نفس الاوبشن 2 rca و mosfet 50x4 و كده

**marsguy** · 24-08-2014 12:10 PM

المشاركة الأصلية كتبت بواسطة rrgrrg

1-الفرق ان الرق بتاع الوففر اكبر فبيدي بيييس اكتر و اقوي ... و طبعن مدام المساحة اكبر يبقي ممكن تبقي سماعات اقوي في الوات ... لاكن مدام انتا مش غاوي جي ام او بيس جامد اوي جيب حاجة نضيفة مدورة علي قد المقلس عندك و خلاص و ياريت اللي ورا يبقوا 3 way مش 2 غشان تسمع صوت حلو
2-افضل سماعات 6x9 في النقااء الميد و الهاي الjbl بس مش بتاعت بيس جامد بس غالية و نادرة الوجود لما تشتري ... السماعات الممتازة هي الباين و كيدوود طبعن ماركتين غنيتين عن التعريف و الافضل عامة
3-الفرق من الخارج فقط اظن ان الشاشة led فلموديل الجديد غير كدة نفس الاوبشن 2 rca و mosfet 50x4 و كده

ألف شكر يا أستاذي العزيز :)

انا دلوقت عندي سؤال ... بصراحه أنا إستبعدت السماعات البيضاويه عشان عاوز أجيب حاجه نفس شكل ومقاس السماعات الأصليه. مش عاوز قص وحفر والكلام ده بصراحه.

ترشحلي أجيب إيه؟ ولو ما فيش حاجه نضيفه في مصر بالمواصفات دي ترشحلي أجيب إيه من بره؟

شكراً

**body7733** · 24-08-2014 12:15 PM

عليكم السلام
شوف يا باشا انت ممكن بدل من انك تقطع فى الصاج
تركب نفس المقاس بتاع العربيه الاصلى وبما انك مش بتحب البيز
والصوت العالى اوى يبقه سيبك من السماعات البيضاوى وهات سونى كمبونت 350 وات 16 سم
وممكن تركب زيهم فى الابواب يبقه عندك انتين ورا واتنين فى الابواب مع انى معرفش مقاس السماعات الابواب عندك فى البروتون كام سنتى بس لو 16 سم يبقه تمام ركب اتنين امامى واتنين خلفى على الكاسيت والصوت هيبقه جميل جدا بس المشكله انك هتتعب شويه لحد ما تلاقيهم لانهم مش موجودين دلوقت كتير بس هما اعتقد انهم موجودين عند اوتو ماركت
اما بالنسبه للكاسيت فبصراحه الموديل ده pioneer deh-X3650UI
ممتاز جدا بس ممكن يكون الكاسيت ده بالذات هو اللى كان فيه مشكله بس هو موديل ممتاز
وفيه اوبشنز كتير وكويس وفيه 2 RCA
وفيه تغيير الوان وبيشتغل على الايفون والايبود واى جهاز اندرويد
وفيه تحكم للصب وبصراحه ناس اصدقائى مركبينه عندهم وشغال ممتاز ومحدش بيشتكى منه
اما بالنسبه للكاسيت اللى انت ركبته هو موديل قديم مش موديل 2014 وده طبعا اكيد مركون عنده بس الفرق انه ممكن يكون انه سنتريت + ان موديل 2014 بيكون بيشغل اجهزة الاندرويد واجهزة ابل
واكيد الموديل ده2011ومفيهوش خاصية ميكس تراكس بس الافضل انك كنت لو تعرف تغير الكاسيت بواحد تانى شغال كويس نفس الموديل اللى انت رجعنه يكون افضل
وعموما حاول تغيره وتعرفه انه موديل قديم او ممكن تعلى عن كده وتجيب pioneer deh-x6650bt
ده نفس 3650 بالظبط بس فيه بلوتوث يعنى زياده فى الاوبشنز بس نفس الشكل والامكانيات
وبالتوفيق

**marsguy** · 24-08-2014 03:43 PM

المشاركة الأصلية كتبت بواسطة body7733

عليكم السلام
شوف يا باشا انت ممكن بدل من انك تقطع فى الصاج
تركب نفس المقاس بتاع العربيه الاصلى وبما انك مش بتحب البيز
والصوت العالى اوى يبقه سيبك من السماعات البيضاوى وهات سونى كمبونت 350 وات 16 سم
وممكن تركب زيهم فى الابواب يبقه عندك انتين ورا واتنين فى الابواب مع انى معرفش مقاس السماعات الابواب عندك فى البروتون كام سنتى بس لو 16 سم يبقه تمام ركب اتنين امامى واتنين خلفى على الكاسيت والصوت هيبقه جميل جدا بس المشكله انك هتتعب شويه لحد ما تلاقيهم لانهم مش موجودين دلوقت كتير بس هما اعتقد انهم موجودين عند اوتو ماركت
اما بالنسبه للكاسيت فبصراحه الموديل ده pioneer deh-x3650ui
ممتاز جدا بس ممكن يكون الكاسيت ده بالذات هو اللى كان فيه مشكله بس هو موديل ممتاز
وفيه اوبشنز كتير وكويس وفيه 2 rca
وفيه تغيير الوان وبيشتغل على الايفون والايبود واى جهاز اندرويد
وفيه تحكم للصب وبصراحه ناس اصدقائى مركبينه عندهم وشغال ممتاز ومحدش بيشتكى منه
اما بالنسبه للكاسيت اللى انت ركبته هو موديل قديم مش موديل 2014 وده طبعا اكيد مركون عنده بس الفرق انه ممكن يكون انه سنتريت + ان موديل 2014 بيكون بيشغل اجهزة الاندرويد واجهزة ابل
واكيد الموديل ده2011ومفيهوش خاصية ميكس تراكس بس الافضل انك كنت لو تعرف تغير الكاسيت بواحد تانى شغال كويس نفس الموديل اللى انت رجعنه يكون افضل
وعموما حاول تغيره وتعرفه انه موديل قديم او ممكن تعلى عن كده وتجيب pioneer deh-x6650bt
ده نفس 3650 بالظبط بس فيه بلوتوث يعنى زياده فى الاوبشنز بس نفس الشكل والامكانيات
وبالتوفيق

السلام عليكم ورحمة الله وبركاته،،،

ألف شكر يا باشا على الرد الوافي. ربنا يكرمك

للأسف واضح إن الكاست بتاعي موديا قديم فعلاً بس هو برضه بيشغل أيفون بس مافهوش موضوع الأندرويد.

أنا مش فارق معايا الحبشتكانات الزياده دي بس فارق معايا فرق الجرافكس. بصراحه هناك فرق لصالح ال 3650

بس عامة أنا مش هاقدر أبدله عشان أنا اللي أصريت أخد ال 5350

عامة خلاص أنا هاسيبني من موضوع الكاست ده. عاوز أركز في موضوع السماعات.

يا ترى فين أوتوماركت ده؟ والسماعات بكام تقريباً؟

شكراً

**midooo_119** · 24-08-2014 07:14 PM

نصيحه اعمل الصح عشان تستمتع بالعده سيبك من السماعات المدورة وهات بيضاوى وفتح الصاج مش بيعيب العربيه فحاجة .. ممكن تجيب بايونيير فعلا و مش هتحتاج جى ام والصوت هيبقى تمام

**rrgrrg** · 24-08-2014 11:04 PM

المشاركة الأصلية كتبت بواسطة midooo_119

نصيحه اعمل الصح عشان تستمتع بالعده سيبك من السماعات المدورة وهات بيضاوى وفتح الصاج مش بيعيب العربيه فحاجة .. ممكن تجيب بايونيير فعلا و مش هتحتاج جى ام والصوت هيبقى تمام

+1 انا مع رأي الهندسة

بس يكون حد كويس و فاهم نظام تركيب السماعات يعمللك اخرام للمسامير لأن الموضوع دا ارفني الي الان

-

الموضوع: شوية أسئله عن كاسيت وسماعات Pioneer

LinkBack

أدوات الموضوع

عرض

شوية أسئله عن كاسيت وسماعات Pioneer - انشر الموضوع فى :

-

-

-

-

المواضيع المتشابهه

شوية اسألة عن كاسيت pioneer deh-p6850mp ضرورى

شوية أسئله عن اللادا سمارا؟؟

شوية أسئله للأخوه الجتزاويه

أسئله عن كاسيت وسماعات الأوكتافيا فانتازيا

عاوز اركب cd pioneer وسماعات ومحتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة