الموضوع: اقوى مقارنة تفصيلية بين (كورولا و سيراتو و الالنترا )

مشكور علي المقارنة بس احب اضيف ان السيراتو بقت ٨ فئات بتفاصيل مختلفة عن البروشور اللي موجود و الكراسي الكهربا مبقتش تنزل.
طبعا شكل السيراتو افضل و خصوصا من الخلف ولكن عشان تجيب الشكل ده اللي فيه ليدات بيبدأ من ١٨٥ الف يعني مش كل فئاتها فيها الدلع و اللعب ده طيب مزود٥٠٠٠ جنيه و اجيب كورولا بوسائل امان اعلي بكتر زي esp و TRC و ebl و hac و isofix و anti whiplash ، حلو الشكل بس الاحلي الامان و طبعا دي ازواق و لولا كدا كنا لاقينا كل الناس راكبين سيراتو او كل الناس راكبين كورولا ،
انا بطبعي بزهق بسرعة من العربية و بغبرها كل ٣ سنين او سنتين لما جيت فكرت في السراتو لما اجي اغير بعد سنتين ان فيها ٨ فئات و يجي ١٠ فئات خليجي و كل واحدة مختلفة عن التانية سعودي علي اردني علي كويتي علي عراقي هبيعها ازاي و لا هسعرها ازاي وسط الموديلات الكتير دي اللي يقولك هاي لاين بدون فتحة سقف و الل يقولك توب لاين بدون بصمة وواحد اتحفني و قالي توب لاين عراقي بدون abs طيب توب لاين ازاي مش فاهم و اللي يقولك توب لاين بدون الكراسي الجلد و دي كانت ملخص جولتي في المعارض و علي كونتاكت حسيت اني بعد سنتين مش هعرف اسعر عربيتي و هتوه وصت المواصفات اللي متلاقيش عربية خليجي زي التانية سبحان الله ،
النقطة التانية اللي خوفتني الجنط ال ١٧ مش عملي بالمرة في مصر و بيبوظ و بيعمل بلالاين.
الملخص لو جيت سالتي هقولك قلبي مختار سيراتو بس مش مطاوعني في مصر و عقلي مختار كورولا بس مستريح اكتر في مصر.
تحياتي للجميع.