الي عمالقة m11

**mohamed M11** · 24-08-2014 12:23 AM

منذ فترة كبيرة وانا اتابع اخبار اسبيرانزا m11 لرغبتي في شراء سيارة مستعملة وتعلقت بها لامكانيتها الرائعة من كلام الاعضاء وسعرها المناسب لكنني لي سؤال وعلية سيتحدد قراري النهائي بالشراء .
هل اذا تم وقف انتاج M11 سيؤثر ذلك علي توافر قطع الغيار او ارتفاع اسعار قطع الغيار ؟
الرجاء كل الرجاء من من يملك معلومة الافادة
وياريت لو معلوم متوسط سعر السيارة مستعمل موديل 2011
ولكم جزيل الشكر

**MACATHIUS** · 24-08-2014 03:10 PM

بالنسبة لمتوسط السعر لموديلات 2011 من 50 الى 55 حسب الكيلومتر و الحالة.. ان شارى مستعمل من شهرين موديل 2012 43 الف كيلو ب 58 الف جنيه و صرفت 3 الاف صيانة ال 45000 و حاجات تانية... اتأكد كويس من الحالة عشان ماتصرفش كتير بعد الشراء .. معظم اللى بيبيعوا بيبقوا داخلين على مصاريف صيانة جديدة و غالية فبيستكفوا و يقولوا الشارى يبقى هو بقى يصينها ...

**mohamed M11** · 24-08-2014 08:38 PM

المشاركة الأصلية كتبت بواسطة macathius

بالنسبة لمتوسط السعر لموديلات 2011 من 50 الى 55 حسب الكيلومتر و الحالة.. ان شارى مستعمل من شهرين موديل 2012 43 الف كيلو ب 58 الف جنيه و صرفت 3 الاف صيانة ال 45000 و حاجات تانية... اتأكد كويس من الحالة عشان ماتصرفش كتير بعد الشراء .. معظم اللى بيبيعوا بيبقوا داخلين على مصاريف صيانة جديدة و غالية فبيستكفوا و يقولوا الشارى يبقى هو بقى يصينها ...

أشكرك علي ردك هي العربية موديل 2011 وماشية 77الف كيلو
بس انا كان ليا تعليق علي 3000 جنية مصاريف الصيانة هي قطع الغيار غالية عن الفيرنا واللانوس

**MACATHIUS** · 25-08-2014 03:19 PM

بص صيانة ال 45000 بالذات غالية. كمان انا عملتها فى التوكيل عشان كنت لسة شاريها و عايز اعرف كل حاجة فيها.. برة التوكيل ارخص.. هى صيانة ال45000 عملت حوالى بقربة مياه جديدة 2700 بالمصنعية...و من هنا و رايح هعملها برة عند ميكانيكى..
و هى صيانتها اغلى شوية عن اللوجان السابقة اللى كانت معايا و ممكن تكون اغلى كمان من الفيرنا و اللانوس بس صدقنى هى احلى.. اما رايى فى العربية المعروضة عليك فخد باللك من التالى:
1-هل انت داخل على صيانة جامدة و لا لسة بدرى (يعنى هل انت شاريها و الدور عليك تصين و لا لسة)
2-هل جيه اوان تغيير الكاوتش الاربع فرد مثلا و لا متغيرين من قريب عشان دول هيدخلوا فى الافات
3-هل البطارية هتتغير
4-هل الرخصة سارية و لا هتاخدها ترخصها علطول
5- اتأكد كمان من علبة الدركسيون و طلمبة الباور و عمود الدركسيون عشان دول فيهم حوالى 4000 جنيه لو عايزين يتغيروا

يعنى من الاخر العبرة مش بالسعر و الكيلومتر و سنة الصنع و بس انما كمان باللى هتصرفوا عليها عشان تظبطها... اللى ذكرتهولك فوق دا كله هو كبشة فلوس ممكن توصل ل 10 الاف جنيه فوق تمن العربية هتدفعهم بمجرد ماتشتريها.. فتأكد منهم اولا قبل الشراء و لا تشترى الا لما تتأكد منهم و لو محتاجين تغيير تقدر تتكلم بثقة و تنزل من تمن العربية

و ياريت تقولنا هى مطلوب فيها كام
حاول كمان تلاقى حاجة كيلومتر اقل

و ربنا معاك

**mohamed M11** · 25-08-2014 03:33 PM

المشاركة الأصلية كتبت بواسطة macathius

بص صيانة ال 45000 بالذات غالية. كمان انا عملتها فى التوكيل عشان كنت لسة شاريها و عايز اعرف كل حاجة فيها.. برة التوكيل ارخص.. هى صيانة ال45000 عملت حوالى بقربة مياه جديدة 2700 بالمصنعية...و من هنا و رايح هعملها برة عند ميكانيكى..
و هى صيانتها اغلى شوية عن اللوجان السابقة اللى كانت معايا و ممكن تكون اغلى كمان من الفيرنا و اللانوس بس صدقنى هى احلى.. اما رايى فى العربية المعروضة عليك فخد باللك من التالى:
1-هل انت داخل على صيانة جامدة و لا لسة بدرى (يعنى هل انت شاريها و الدور عليك تصين و لا لسة)
2-هل جيه اوان تغيير الكاوتش الاربع فرد مثلا و لا متغيرين من قريب عشان دول هيدخلوا فى الافات
3-هل البطارية هتتغير
4-هل الرخصة سارية و لا هتاخدها ترخصها علطول
5- اتأكد كمان من علبة الدركسيون و طلمبة الباور و عمود الدركسيون عشان دول فيهم حوالى 4000 جنيه لو عايزين يتغيروا

يعنى من الاخر العبرة مش بالسعر و الكيلومتر و سنة الصنع و بس انما كمان باللى هتصرفوا عليها عشان تظبطها... اللى ذكرتهولك فوق دا كله هو كبشة فلوس ممكن توصل ل 10 الاف جنيه فوق تمن العربية هتدفعهم بمجرد ماتشتريها.. فتأكد منهم اولا قبل الشراء و لا تشترى الا لما تتأكد منهم و لو محتاجين تغيير تقدر تتكلم بثقة و تنزل من تمن العربية

و ياريت تقولنا هى مطلوب فيها كام
حاول كمان تلاقى حاجة كيلومتر اقل

و ربنا معاك

اشكرك كثيرا علي ردك الوافي
انا فعلا هدور علي حاجة تكون كيلومتر اقل
اما ثمن العربية فهيا كانت معروضة عليا ب 55000 جنية
ومرة تانية مشكور علي مجهودك وتواصلك معي