مساعده فى تركيب تابلو ابيزا 2000 على ابيزا 94

**nesr6060** · 24-08-2014 11:39 AM

يا رجاله انا من فتره طويله وانا عاجبنى تابلو ال 2000 وبفكر اركبه على عربيتى وطبعا بعد مشاورات عديده قررت انى اخوض التجربه
دلوقتى انا جبت تابلو ابيزا 2000 كامل بالعدادات و الضفيره بتاعته كامله و علبه الفيوزات و علبه الكتاوت بتاعته و الشاشه بتاعته و كويل التكيف كمان و قطمه الدريكسيون
المطلوب الان تركيب الحاجات دى كلها بس انا عاوز اعرف كهربائى شاطر علشان يركبلى الحاجات دى ممكن بقى مساعده عن كهربائى شاطر لتركيب التابلو ده بكل الى فيه
وياترى مصنعيه التركيب هتبقى حوالى كام
ياريت الى يعرف كهربائى شاطر يقولى بس بلاش رشاد علشان غالى و مبيشتغلش غير بليل وانا مش عاوز اتسحل
وياسلام لو كهربائى قريب من شارع فيصل بس يبقى حافظ ضفيره التابلو بالكامل علشان هيقسمها من الاول

سؤال تانى بقى هو ايه الاحسن فى القوه و العزم والهورس باور موتور الجولف 4 و الاوكتافيا ال 1600 SR
ولا الفهد الابيض ال AFT
ياريت لو فى مقارنه بين الموتورين لان بفكر بعد ما اخلص عربيتى شد هسقطلها واحد من الاتنين ياما ال 1800 بتاع الجولف 4 ياما ال ABF طبعا المقارنه شامله قطع الغيار و الهورس باور واقصى سرعه والتسارع و الاداء و الاعتماديه فى القرص و السير على Rpm عالى

**ehab_mansour** · 24-08-2014 12:22 PM

ربنا يوفقك و يعينك ... انت مش لسه مسقطلها موتور 1600 قريب ...

**nesr6060** · 24-08-2014 03:10 PM

اه لسه مسقط موتور 1600 والحمد الله حالته حلوه وكنت جايبه عامل حوالى 80 الف او 60 مش فاكر
بس الموتور اخر ما جبت بيه كان 190 كم \ س Rpm 52
انا عاوز موتور بيقفل ال 220 زى الجديد ويكون مستريح
والاهم من ده كلوا التابلو عاوز اركبه ومش عارف اركبه فين

**nesr6060** · 24-08-2014 11:13 PM

مفيش اى مساعده لتركيب التابلو و تحديد كهربائى شاطر ؟؟؟

**hossamalsadik** · 25-08-2014 08:04 PM

علاء بالحرافيين شارع المرسيدس أسأل عليه كهربائى فولكس

**nesr6060** · 26-08-2014 08:27 AM

مانا المشكله مستبعد حوار الحرفين ده انا عاوز كهربائى ريب منى

**hossamalsadik** · 26-08-2014 06:52 PM

أنتظر ان شاء الله حد من سكان فيصل يدلك على كهربائى فولكس يكون كويس
لان الموضوع بتاعك عاوز حد حافظ العربيه مش لسى هيتعلم فيها
لأن ديه ضفيره وهيترتب عليها باقى كهربة العربيه كلها مش موضوع صغير وبعلجه
فهمنى

**nesr6060** · 27-08-2014 10:02 AM

ايه يا رجاله محدش هنا يعرف كهربائى شاطر فى فبصل او الهرم
التابلو كدا عندى مرمى فى الشقه بالضفيره جواه و الكويل فقط محتاج كهربائى شاطر يوصل الضفيره

صحيح حد عنده اى افكار او اى تعديلات اعملها بعد مافك التابلو القديم و اركب الجديد
انا قررت اعمل عازل خلف التابلو ايه رايكم ياترى هقدر اعمله لوحدى ولا لازم سروجى لان لو لازم سروجى هتبقى صاعبه علشان الكهربائى لما يفك التابلو مش هعرف اتحرك بالعربيه واروح لسروجى