تخطيت حادث بتوفيق ربنا

**mahmoud.69** · 24-08-2014 11:57 AM

السلام عليكم ورحمه الله وبركاته
انا بحكي لكم الموضوع دة والله وانا في حالة نفسية سيئة لولا توكلي علي ربنا قبل خروجي بي السيارة لم كنت اكتب هذا الموضوع
فابالله عليكم خالي كلامكم وانتم خرجين بي السيارة او خارج من باب البيت قول (بسم الله توكلت علي الحي الذي لا يموت) بجد ربنا بيسترها معنا مش بفضل خبرتنا لا بفضل ربنا الحمدالله والشكر لك يارب علي الضراء قبل السراء .
الموضوع بختصار ياسادة وانا خارج من التجمع من امام فيلات الجولف في تمام الساعه 11:30 بليل وطبعآ حكومتنا الرشيدة غلقة اغلب العواميد وطبعآ احنا بندفع خدمة في سبيل افضل طرق زبالة او بنساعد بيها الحكومة في تعميمها للجهل والقمع فقط لاغير لكن اننا بندفع في سبيل خدمة جيدة ودة استحالة في بلد الي بنها حلاواني استحالة يكون غير كده وانا طالع علي الدائري في طريقي الي زهراء مدينة نصر طلعة الدئري لفة عاملة زي حرف cبي الظبط المهم طبعآ الطلعة دي لي العرفها في ناس بتخدها بسرعة وهكذا وحصل المفاجأة جاز مرمي في الملف وانا وخد المفلف علي 80 او60 وطبعآ كسر يمين لقيت العربية رايحة اليمن علي الرصيف وانا بحاول الم العربية مافيش وطبعآ قولت خربانة خربانة احاول اخرج من الموقف قمت ضاغط فرامل علي اخري العربية فضلت تلف بتاع مرتين والحمدالله ان مافيش عربية جمبي ولا امامي عايز اقولكم ان العربية وقفت جمب الرصيف والعمود النور جمبي العربية وقفت قبل الرصيف بي مافيش يعني مابين الكوتش والرصيف صباعين وميعدوش اعصابي تلفت اضائة مافيش المهمد عدلت نفسي ومشيت وانا مزهول من الي حصل وفي نفس الوقت فرحان ان ربنا سعدني في محنة هو اعلم بيها وبعد ما مشيت امام توكيل هوندا وتيوتا لقيت اتوبيس هيئة نقل عام واقف بيركب ناس ووراه جاز مدلوق ايقنت هو ده سبب الجريمة
السؤال هيا الحكومة رفعت الدعم اين مقابل رفع الدعم من خدمة الموصلات العامة ؟
ليه مافيش مسؤل يشوف شغلة بضمير الاتوبيسات دي سبب حوادث ليس لي اصحابها ذنب غير انهم مصرين ؟
الواحد سافر دول خليج واوربا واكيد المسؤلين دول سافرة مابيكسفوش لما بيشوفة نظام الدول الاخري وجمالها ؟

**Mohamed_Hamid** · 24-08-2014 12:12 PM

حمدا لله على سلامتك
مش عارف اقولك ايه. احساس صعب جدا ومجربه قبل كدة ومعايا مراتى وابنى وربنا نجانا بفضله ورحمته أولا وآخرا.

**mcomics** · 24-08-2014 12:51 PM

حمدا لله على سلامتك

**amoor89** · 24-08-2014 12:55 PM

الحمد لله على سلامتك وحسبنا الله فى كل مسئول مقصر فى شغله أى كان موقعه

**أسامه الحسيني** · 24-08-2014 01:46 PM

الحمد لله على كل حال
بصراحه ان البلد بتفكر ازاى تاخد فلوس من الناس بدون ما تفكر ازاى تقدم خدمات ولا تعليم ولا صحه ولا طرق
والحمد لله انا كنت هلبس فى رصيف u-turn على طريق مصر السويس الصحراوي الطريق ظلام فى ظلام و لولا فضل الله هوا الى نجانى انا وحمايا ومراتى واولادى وخالتهم ربنا الى وحده الى يعلم لو كنت لبست فى الرصيف كان ايه الى ممكن يحصلنا
بصراحه بندم انى ما سفرتش اى بلد تانيه
وفى الاخر لو لم اكن مصريا لو وددت ان اكون اى شيء اخر