الموضوع: صيانة10000كم

كنت فى اسكندرية الاسبوع اللى فات وقولت اعمل صيانة 10000 لأنى كنت عامل 10500 كم وسمعت عن مركز نور الدين الشريف فى اسكندرية حبيت اجربه يمكن يطلع احسن من التوكيل وكمان علشان مكنتش عايز احط زيت موبيل.
روحتلهم فى يوم لقيت النور قاطع وقدامى 11 عربية مشيت وروحتلهم بعدها بيومين كنت رابع عربية وكان قدامى اوكتافيا صاحبها لسه عامل صيانة 120000 بس العربيه فيها صوت غريب وحاسسها مش مظبوطه وهو ماشى وبيجو 307sw كان عنده مشكله فى الفتيس وعملوهالو والفتيس بيجيب زيت وكل مايروحلهم مبيحلوش حاجه الاتنين كانوا عمالين يتكلوا سوا ويشتكوا من المركز وعدم خبرة وكفاءة اللى شغالين وانا بصراحه اتوغوشت وقولت استخير ربنا يادوب المهندس جاى ياخد بيانات العربية ويسجلها لقيت صاحب 307 بيقولى خد بعضك وامشى من هنا ده انا لولا الفتيس بيجيب زيت والمسافه بعيده كنت روحت التوكيل فى مرغم...انا قولت الحق وقتى وطلعت على هناك.
قابلنى االمهندس سألته على الزيت ينفع اجيب اى نوع انا عايزه..وهنا كانت المفاجئه قاللى هات اللى انت عايزه بس المهم يكون 0w40 روحت جايب شيل هيلكس الترا 10000كم (300 ج) وكنت هجيب توتال بس لقيته 9000 كم (295 ج) بس ورجعتلهم غيرولى فلتر الزيت والزيت وبس كده وفى النهايه كان الاجمالى 300ج زيت + 149ج فلتر ومصنعية.
اللى انا مستغربه بقى وعايز اعرفه هوا مفيش حاجه بتتعمل تانى فى صيانة 10000كم؟
بعتذر جدا على الإطاله

المشاركة الأصلية كتبت بواسطة hany63

فلتر بنزين و فلتر هوا على ١٠٠٠٠ ؟!!!!

غريبه شويه

10,000 is not low km to replace fuel and air filter hany
weather is very dusty , , a lot of carbon and exhaust in big cities so air filter has to be replaced
all of us know the terrible fuel conditions
dirty , mixed
clogging of injectors all the time
so better to go as well