سيتى 2013 و لا 2014؟؟؟؟

**a_samy** · 24-08-2014 10:38 PM

لما تفكر تشترى هوندا سيتى فى الوقت الحالى تشترى موديل 2013 ولا 2014 (الشكل الجديد)؟

**kokowasfy** · 25-08-2014 12:35 AM

انا لو منك اشترى الشكل الجديد اكيد

**J A G U A R** · 25-08-2014 12:37 AM

الشكل الجديد

**a_samy** · 25-08-2014 09:18 AM

أنا شوفت الإتنين فى الفطيم وعجبنى الشكل الجديد بس سعرها عالى أوى,أنا لو هشترى هجيب الفئه الأولى سواء فى الجديد أو فى القديم,وأعتقد أن مفيش فرق كبير بين الجديد والقديم غير فى الشكل فقط,وشكل الفئه الأولى من الداخل مش جامد أوى..فأنا شايف أن الفرق مايستهلش إنى أدفع فيها 160,000 جنيه.
المشكله اللى مخليانى متردد بجد إن الشكل القديم موديل 2013,يعنى فى سنه أو أكتر رايحه من عمر العربيه.
وأنا محتار بجد.

**kfarouk** · 25-08-2014 10:38 AM

هو طبعا في فرق بين الشكل الجديد و القديم على الاقل في الفتيس السي في تي و ممكن فتحة التكييف الخلفية بس انا مش عارف دي في البيزيك ولا لأ بس عامة ممكن تروح الفطيم و تعرف الفروقات بالظبط و تقرر بس نصيحة مني هات الشكل الجديد و حكاية سنة رايحة من العربية القديمة دي مش مشكلة لانك بترخص في 2014 و انت اول مالك فأعتقد ما فيش سنة رايحة و لا حاجة

**melouk1** · 25-08-2014 11:23 AM

اكيد السيتي حلوة بس تمن الجديدة مبالغ فيه جدا خالص
بس حضرتك فكر في اختيارات تانيه لاني مش مقتنع ان دي سعر عربيه في الحجم ده
رغم عشقي للهوندا بس التوكيل في مصر بيهرج ....

**matantawy** · 25-08-2014 11:25 AM

كل عربية من الاتنين فيها مزايا و عيوب
ال2013 قديمة زى ما قلت بس على النقيد مفروض ده يخلى سعر قطع غيارها ارخص و متوفرة اكتر و مشاكلها (ان وجدت) معروفة اكتر
ال2014 جديدة و اوسع من الكنبة على فكرة، بس جديدة يعنى محدش عارفها ولا عارف ممكن يكون فيها ايه و لو لا قدر الله احتجت حاجة من بره التوكيل هيكون صعب اظن

فرق السعر حاليا 10 الاف، ال2013 baseline ب 145 الف فى الفطيم، و ال2014 baseline ب 155 الف

روح اتفرج على ال2014 baseline و الhighline ، كمان الكاسيت شكله وحش اوى (ده رأى) فى الbaseline لأنه فى الhigline عبارة عن شاشتين touch جامدين ما شاء الله و ده اللى مغليها

مفيش فروقات جوهرية بين baseline 2013 و 2014
-بلوتوث
-كرسى السائق بيعلى و يوطى
-الكنبة اوسع شوية

انا من رأى لو انا اللى هشترى، يا تجيب 2013 baseline يا 2014 highline
انا عارف ان الفرق كبير بس انا يا اوفر و اجيب عربية مضمونة و عربية انا شايف ان 10 الاف لا يساوو الفرق بين 2013 و 2014 الbaseline بصراحة
او استنى احووش شوية و اتوكل و اجيب 2014 highline لأن دى بصراحة فيها شغل و تستاهل

**S O P H O S** · 31-08-2014 01:28 PM

الجديدة اجمل كشكل

**ahmzd** · 31-08-2014 09:17 PM

إذا كانت الجديدة فتيس cvt فرأيي تتوكل على الله فيها بدون تردد، ويا حبذا لو الهاي لاين !
غير كده يبقى تستفيد فرق الفلوس وتخليك في القديمة وما تقلقش من حاجة .. والله أعلم .