سؤال للناس الى فاهمه فى الزيرو فقط ..وضرورى.؟

**ahm.mega007** · 26-08-2014 09:02 AM

انا عاوز اسئل سؤال من فضلكو والاجابة تفدنى ....... وياريت تكون ضرورى علشان انا فى ظروف ضيقة جدا

انا كونت حجزت سيراتو 2015 خلاص وهستلم مفيش 24 ساعه. ..... بس مش جيبها من موزع كيا ماتورز ...

جيبها وكيل وكل حاجه بس من معرض اسمو الطارق فى اسكندرية ..... مع العلم انى دافع 1500 جنية حجز سيارة ......وانا امبارح ماشى لقيت قدامى موزع سيارات كيا ماتورز على الصحراروى طــ اسكندرية القاهرة ليها بس من غير اى نوع لماركه اخرى ... هيا كيا بس
فى الغى الحجز الى هو بتاع الطارق دة واجبها من موزع كيا ماتورز يبقا افضل بس لو عملت كدة للاسف هخسر فلوسى الى دفعتها 1500 جنية انا طبعا محتاج اليهم كتير انا دافع دم قلبى فى العربية مش هتحك عليكم ولله تحويشت عمرى ...يعنى فى المهم دلوقتى حسبتها فى معرض الطارق حسبولى العربية

بسعر 190.000 ....جنية بدون الترخييص هاى لاين بس فى فئة اخيرة بكراسى جلد فقط وبتزيد حقها 2000 جنية فطبعا لغيت الكراسى ملهمشى لازمه الكراسى الجلد وف الحر كمان ...المهم يا جماعه قولت ممكن اسئل والقيها فى كيا ماتورز ارخص من معرض الطارق نفس الفئة واجبها وخلاص بدل منا باصص على 1500 مثلا ممكن اكون موفر من موزع كيا ...5000جنية مثلا وانا اكيد هكون مستفاد بلفلوس دى وساعتها هسيب الفلوس بتعتى 1500 ولة معلشى 5000 ...لئنى ممكن يكون الطارق معلى اسعارو فى السيارات بالاخص انى شوفت الكيا ريو هاتشباك زيرو هاى لاين بى 145.000 الف جنية وعند الطارق قلولى بى 152.000الف جنية فحسيت انى لو وفرت ممكن اكون الكسبان وبردو رائيكو معايا فى الطــارق ولة كيا ماتورز افضل ................... فى كل الحالات لازم اراء منكم للناس الى فاهمه بجد محدش يدخل يتفرج ويخرج من غير ميقول تقيمو المفرود كلنا هنا مع بعضينا ونفيد بعض وانا محتاج افادة منكم ........................................... زى الوان السيارة وكونت هجبها سودة وانتو الى اقنعتونى بصراحه اغير الون .....؟ بس مش عارف اجيب لون اية بردو وبصراحه لسة محتار فية ودى بردو قفشة بس دى سهلة....المهم ثم السهل .......... ارجو الرددد بعد ازنكو واجابات تفيدنى بجد

**El Prince** · 26-08-2014 10:37 AM

هو مين اللى قال لحضرتك انك لو لغيت الحجز فلوسك تضيع عليك ؟؟؟
فى اى منطق ده ؟؟

اذا كنت تقدر ترجع العربية كلها خلال 14 يوم و تاخد فلوسك طبقا للقانون - يبقى ماتقدرش تاخد الحجز بتاعك ؟
نط فى كرشهم

**Batman372** · 26-08-2014 10:57 AM

تقدر تلغى الحجز عادى و تاخد اى مبلغ مدفوع ... لكن الحق كلمهم قبل ما يعملولك جواب المرور و المخالصه الجمركيه ..
طارق اسكندريه كلهم ناس محترمين و عن عده تعامل معهم ...
لكن الى اعرفه ان طارق من كبار موزعين الكيا و الرينو و بيعمل خصم اقله الف جم ... الوكيل مش حينزل جم واحد ...
بالتوفيق ... تحياتى ...

**Egypt_Fiancee** · 26-08-2014 11:57 AM

فعـــــــــــــــــلا
حضرتك انا كمصرفي في بنك مصر واتعاملت مع الطارق في القاهره وفي اكتوبر هنا
الناس محترمين جدا ومفيش اي مشاكل وممكن تلغي الحجز وتسترد فلوسك عادي جدا
بس الفرق اللي انت شوفته مش ممكن يكون في عربيه موديل 2014 اللي هيا موزع كيا عالصحراوي واللي عند الطارق تكون 2015
ربنا ييسرلك الحال

**a7medsh3rawi** · 26-08-2014 12:19 PM

صعب جدا فرق السعر اللى حضرتك بتقوله دا
من 145 الف ل 152 الف أكيد فى اختلاف فى المواصفات والموديل
سواء المعرض او التوكيل دا مجرد بيع وبعد كدا تعاملك مع التوكيل علشان الصيانه
المهم دلوقتى حضرتك دافع عربون ونويت على الشراء ما تحاولش تدور او تقارن باى نوع تانى او معرض تانى علشان الشك والتردد
توكل على الله وربنا يباركلك فيها
الالوان على حسب احتياجك واستخدامك
هتشوف اللون اللى يستحمل التراب والشمس والخدوش
انما الاسود والالوان الغامقه محتاجه اهتمام وغسيل علطول

**Moratoz** · 26-08-2014 01:02 PM

روح الأول موزع الكيا واسئل علي نفس الفئه ئل حضرتك حاجزها وعايزها وشوف كل تفاصيلها الأول وشوف كمان التسليم ممكن يبقي خلال مدة اد أيه وشوف موديل السنه علشان ممكن يبقي عرض علي 2014 وممكن الطارق يبقي عامل اوفر برايس ولا حاجة ( وحضرتك اولي بكل جنيه تقدر توفرة )
مقدم الحجز مفهوش مشكله وكل المعارض بترجعه عادي لأنه مابيعملش حاجة في جوابات المرور ولا أي حاجة غير لما تدفع الفلوس بتاعه العربيه كامله وبعديها بيجيب جواب المرور

**ahm.mega007** · 26-08-2014 07:08 PM

المشاركة الأصلية كتبت بواسطة moratoz

روح الأول موزع الكيا واسئل علي نفس الفئه ئل حضرتك حاجزها وعايزها وشوف كل تفاصيلها الأول وشوف كمان التسليم ممكن يبقي خلال مدة اد أيه وشوف موديل السنه علشان ممكن يبقي عرض علي 2014 وممكن الطارق يبقي عامل اوفر برايس ولا حاجة ( وحضرتك اولي بكل جنيه تقدر توفرة )
مقدم الحجز مفهوش مشكله وكل المعارض بترجعه عادي لأنه مابيعملش حاجة في جوابات المرور ولا أي حاجة غير لما تدفع الفلوس بتاعه العربيه كامله وبعديها بيجيب جواب المرور

اشكرك على الاهتمام كلامك صحيح

**ahm.mega007** · 26-08-2014 07:09 PM

المشاركة الأصلية كتبت بواسطة a7medsh3rawi

صعب جدا فرق السعر اللى حضرتك بتقوله دا
من 145 الف ل 152 الف أكيد فى اختلاف فى المواصفات والموديل
سواء المعرض او التوكيل دا مجرد بيع وبعد كدا تعاملك مع التوكيل علشان الصيانه
المهم دلوقتى حضرتك دافع عربون ونويت على الشراء ما تحاولش تدور او تقارن باى نوع تانى او معرض تانى علشان الشك والتردد
توكل على الله وربنا يباركلك فيها
الالوان على حسب احتياجك واستخدامك
هتشوف اللون اللى يستحمل التراب والشمس والخدوش
انما الاسود والالوان الغامقه محتاجه اهتمام وغسيل علطول

اشكرك جدا على اهتمامك ياريت تقولنا الون المميز اية ومن غير غسيل كتير

**ahm.mega007** · 26-08-2014 07:10 PM

المشاركة الأصلية كتبت بواسطة egypt_fiancee

فعـــــــــــــــــلا
حضرتك انا كمصرفي في بنك مصر واتعاملت مع الطارق في القاهره وفي اكتوبر هنا
الناس محترمين جدا ومفيش اي مشاكل وممكن تلغي الحجز وتسترد فلوسك عادي جدا
بس الفرق اللي انت شوفته مش ممكن يكون في عربيه موديل 2014 اللي هيا موزع كيا عالصحراوي واللي عند الطارق تكون 2015
ربنا ييسرلك الحال

اشكرك على ردك واهتمامك انا هروح كيا ماتورز الاول واسئل ع سعرها

الموضوع: سؤال للناس الى فاهمه فى الزيرو فقط ..وضرورى.؟

LinkBack

أدوات الموضوع

عرض

-

-

-

المواضيع المتشابهه

3 دعوات لـــ iptorrents للناس اللي فاهمه تورنت بس

سؤال مهم وضرورى .

سؤال هام وضرورى جدا جدا

سؤال مهم ... اكيد فى ناس كتير مش فاهمه

للناس اللى فاهمه

الكلمات الدلالية لهذا الموضوع

المفضلات

المفضلات

ضوابط المشاركة