سعر باسات 2000

**gooo** · 26-08-2014 04:49 PM

ازيكم ياجماعة عاملين اية

لو سمحتم انا معروض عليا باسات 2000 بس من غير تكييف وحالتها الى حد ما كويسة كنت عاوز اعرف تمنها كام فى هذة الحالة ولو حبيت اركبلها تكييف هيتكلف كام واركبة عند مين

**Ahmed Saad** · 26-08-2014 05:22 PM

طيب هيا مانيوال ولا اوتوماتيك وموضوع مفيهاش تكييف ده المفروض كده انها جايه من برا معاقين مثلا وهيا كام سي سي قوللي وانا متابع معاك في الموضوع

**gooo** · 26-08-2014 05:39 PM

تسلم ياباشا على ردك

هيا اوتوماتيك --1600 سى سى

بس هي من غير تكييف وعاملة تقريبا 200000 كيلو

تقريبا كدة تمنها كام

**Ahmed Saad** · 26-08-2014 05:55 PM

بص موضوع من غير تكييف ده صعب شويه عموما هيا حسب حالتها بس من غير تكييف دي يبقى تمنها 65000ج ده لو حالتها حلوه عموما علشان تتأكد انها بتكييف ولا متشال هتشوف الحوض لو لاقيت مروحتين على الريداتير يبقى كان فيها تكييف ولو لقيت مروحه واحده اللي هيا أم سير وقميصها ليها بس يعني مش فيه مكان للمروحه التانيه ويبقى فاضي وتكلفة تركيب التكييف تخش في 3 آلاف جنيه تمن كومبريسور وسربنتينه ومواسير وتلاجه داخليه وتضيف عليهم كمان تمن مروحه تكييف لو مش موجوده بس نصيحتي سيبك منها لأن تركيب تكييف في الباسات هيبقى صعب علشان فك التابلوه رخم بس وفيه عربيات كتير كويسه وفيها تكييفها شغال الموضوع مش محتاج مخاطره وصرف على الفاضي

**gooo** · 26-08-2014 06:01 PM

تسلم ياكبيييييير

**Ahmed Saad** · 26-08-2014 06:21 PM

انت تؤمر ولو عايز أي معلومات عن العربيه اناتحت أمرك

**gooo** · 26-08-2014 07:18 PM

بصراحة هية عاجبانى وعاوز اجيبها

يعنى لو خلصتها على 60000 اشتريها ؟

**Ahmed Saad** · 26-08-2014 07:26 PM

توكل على الله لو حلوه وحالتها حلوه هاتها بس خلي بالك العربيات الألماني مش بتتجاب حاله نص نص وتقول اظبطها لو العربيه مش سليمه هتقرفك في عيشتك عموما اكشف عليها كبس موتور والفتيس يكون مافيهوش نتشه أو دبه أورزعه وتكون نقلاته سلسه ومش محسوسه وبالنسبه للعفشه لازم تكون تمام بالذات طقم المقصات أو الشدادات الاماميه وعددهم 8 مقصات لأن دول غاليين وبيخشوا في 4 آلاف جنيه ده الفيبي الألماني وفيه صيني ب 1300ج بس تعبان وفيه تركي 2000ج والماني درجه تانيه ب 2500ج والاستيراد ب 1200ج وطبعا بقيه الكشف على العربيه من ناحيه الرش والحوادث وكده ولو عايز أي استفسار انا متابع معاك

**blazer** · 27-08-2014 12:47 AM

اتعرض على عربيه باسات قبل كدا نفس الشكل ب 55 الف و كانت تخلص اقل من كدا و مرضتش اشتريها
كان طالع عينها
وفعلا العربيه دى لو فتحت بقها ممكن تصرف 15 الف بدون مبالغه و لو الماتور او الفتيس هيتغيروا المبلغ هيزيد
فإكشف كويس على العربيه قبل ما تخلص فيها عند مركز متخصص مش فى البنزينه