فيكيت فيشة الاير باج وركبتها تاني اللمبه نورت هل معني كده ان الاير باج مش شغال

**mohamedbook** · 27-08-2014 09:14 AM

فكيت اللير باج من مكانة ورجعتة تاني اللمبه في شاشة الاعطال نورت
هل معني كده انها مش شغالة ولا هي شغالة بس محتاجة تتلغي عن طرق الكمبيوتر هو ده الي عايز اعرفة واتاكد منة لاني ركبتها تاني مكانها
يعني لا قدر الله لو حصل حاجة هيفتح ولا كمبيوتر الاعطال هيخليها متفتحش لمجرد اني شلت الفيشة وركبتها تاني
اصحاب الخبرة يفيدونا في الموضوع ده

**amrelsaqqa** · 27-08-2014 09:24 AM

في البيجو انا جربت الموضوع ده لمبة الايرباج بتنور والفيشة متشالة بس بتطفى لما تركب تانى

ممكن في الفولكس يكون بيتعمللها ريسيت او تعرفها تانى .. (حاجة زي كدة )

اما بالنسبة انها في الوضع ده لو حصل حاجة هتفتح ولا لا ، لو لمبة الايرباج نفسها هى اللى منورة يبقى المفروض ان فيها مشكلة وكمبيوتر العربية مش هيديها الاشارة ومش هتفتح ، اما لو لمبة الاعطال العادية (تشك انجن) يبقى ممكن مجرد ايرور محتاج يتمسح بس الايرباج شغالة عادى

**mohamedbook** · 27-08-2014 09:43 AM

المشاركة الأصلية كتبت بواسطة amrelsaqqa

في البيجو انا جربت الموضوع ده لمبة الايرباج بتنور والفيشة متشالة بس بتطفى لما تركب تانى

ممكن في الفولكس يكون بيتعمللها ريسيت او تعرفها تانى .. (حاجة زي كدة )

اما بالنسبة انها في الوضع ده لو حصل حاجة هتفتح ولا لا ، لو لمبة الايرباج نفسها هى اللى منورة يبقى المفروض ان فيها مشكلة وكمبيوتر العربية مش هيديها الاشارة ومش هتفتح ، اما لو لمبة الاعطال العادية (تشك انجن) يبقى ممكن مجرد ايرور محتاج يتمسح بس الايرباج شغالة عادى

تمام هو ده الي اقصده ان انا الي شتلت الفيشه وركبتها تاني بدون مشاكل في الاير باج نفسة
بس اللمبه نورت وانا عارف اني مفيهاش مشكلة بس مش هتطفي الا لما اعملها ريستارت
بس قبل معمل الريستارت هل معني كده انها هتشتغل لو لا قدر الله حصل حاجة ولا كمبيوتر الاعطال هيخليها مش شغالة هو ده الي انا عايز اتاكد منة
ولك جزيل الشكر والتقدير وجزاك الله كل خير

**Mecha** · 27-08-2014 09:47 AM

when you take this plug out
you have to disconnect the battery
it is a safety issue
any way you fitted now , try to start and see the light disappear
if not , disconnect the battery
put key, ignition and start to remove any residual voltage , then fit the battery backp
ultimately , if insist you have to delete it with code reader

**Ahmed abdkarim** · 27-08-2014 10:57 AM

افصل البطارية دقيقة مثلا . وارجع ركبها تانى واستنى 3 دقائق قبل تشغيل العربية . عن تجربة بس فى البيجو الموضوع اتحل

**m07mad** · 27-08-2014 03:03 PM

باشا انا حصل معايا نفس الكلام و شلت برضو فيشه الايرباج من تحت كرسي السواق في عربيتي الجيتا و رجعت ركبتو تاني و اللمبه فضلت منوره بعد كده انا مسحتها ببرنامج الــvcds و لا كأن حاجه حصلت وسألت في التوكيل على الموضوع دا قالي لا عادي اللمبه نورت عشان بس فصلت الفيشه و ركبتها ... اطمن :)

**Ahmed Saad** · 27-08-2014 04:11 PM

اللمبه نورت علشان اتسجل عطل على كنترول الايرباج هتخش ببرنامج الأعطال vcds على الايرباج وتمسح الأعطال clear fault هتطفي اللمبه والsystem هيشتغل تاني

**mohamedbook** · 27-08-2014 04:33 PM

المشاركة الأصلية كتبت بواسطة ahmed saad

اللمبه نورت علشان اتسجل عطل على كنترول الايرباج هتخش ببرنامج الأعطال vcds على الايرباج وتمسح الأعطال clear fault هتطفي اللمبه والsystem هيشتغل تاني

انا شاكر ليكم ياخونا بس انا معنديش الكبل عشان اخش علي اي برنامج
فياريت لو حد يعرفني اجيب الكبل من فين واتعامل معاه ازاي يكون ااحسن وياريت لو سعره يكون رخيص مش غالي
العربية فولكس بورا 2002
بس السوال باردوا هل الاير باج كده لو حصل حادث لا قدر الله هتفتح ولا لا مع ان مفيهاش اي عطل في الحقيقه غير ان شاشه الاعطال مديه الخطاء ده