الموضوع: مشكلة مع توكيل تويوتا

يا ريت يا جماعة تخلوا بالكم فعلا من الموضوع ده عشان انا حصل معايا اني اشتريت العربية من فرع التجمع الخامس من البائع محمود عسل و تاني يوم اكتشفت ان اعربية كانت مرشوشة دهان قبل كدة.
روحت الفرع تاني يوم بكلمه قاللي العربية مفيهاش مشكلة, عرضناها علي مهندس الدهان قال انها مرشوشة. طلعت لمديرة الفرع راندا عشماوي في الاول عرضت تغير الاكصدام و لما رفضت قالت هتغير العربية,, و بعد كدة قعدوا يماطلوا لغاية ما اتنرفزت عليهم و عملت خناقة و سحبت فلوسي.
و في وقت الخناقة لما زعقت في الفرع, موظف بيقوللي اصل الموضوع مش حيفرق معاهم علشان سمعة العربية معروفة, نظام اخبط دماغك في الحيط... في اخر الموضوع المهندس محمود شمس ,و ده راجل محترم جدا, في الادارة اتدخل و عمل اللي انا طلبته و اخدت الفلوس.

انا اشتريت العربية بعد كدة من معرض برة التوكيل عشان للاسف كنت عايز العربية و للاسف هي احسن عربية في فئتها السعرية من مبدأ ان مش هما اللي هيأثروا علي قراري .. بعد ما الموضوع ما خلص و اخدت الفلوس المهندس محمود شمس اتصل بيا بيشوف اذا كنت غيرت رأيي اذا كنت اشتري الكورولا تاني ولا لأ, و لما عرف اني اشتريتها من معرض قاللي اكلمه لما اعمل الصيانات بعد كده

خاللوا بالكوا يا جماعة في الاخر و اعملوا check كويس علي العربية لما تستلموها.

و دي صورة من محضر استلام العربية, و مكتوب عليه تاني انه تم استرجاع السيارة لوجود مشكلة فب الاكصدام الامامي

انا حصل معايا كدااشتريت شفرولية افيو وبعد كدا اكتشفت ان الاكصدام الخلفى مرشوش كانت من المصرية للسيارات