ضرورى جدا يا جماعة صنى 2015 شكل جديد تماما

**Beedozz** · 27-08-2014 09:52 PM

السلام عليكم ورحمة الله وبركاته

يا جماعة دى اول مشاركة ليا واشتركت عشان محتاج مساعدتكم بجد لو حد هنا ممكن يكون عنده معلومة او يقدر يفيدنى

انا حاجز نيسان صنى 2015 وكان ممكن استلم من فترة بس انا أجلت الاستلام بعد ما شوفت على النت ان فى شكل جديد تماما لـ نيسان صنى وده هيكون شكل لـ سنة 2015 والشكل الجديد ده مشابه ومقارب جدا لـ شكل نيسان سنترا وانا هرفع الصور عشان تشوفوه وبالفعل انا شفت عالنت فى كذا موقع عن احتفالية ومؤتمر نيسان لاعلان الشكل الجديد للـ صنى وده كان فى دبى وكان مكتوب انها هتكون متوفرة فى الشرق الاوسط فى خلال شهر اغسطس

الغريب فى الموضوع ان التوكيل هنا ميعرفش اى حاجة عن الموضوع ده بالرغم انى مرة رحت الشهر اللى فات وواحد هناك قألى اه هتنزل فى نص اغسطس وبعد كده كل ما اروح بيعملوا كأنهم مش عارفين حاجة عن الموضوع ولما وريتهم الصور فى اللى قألى لا دى ممكن متنزلش مصر !! وحاجات غريبة كده

وهما كل شوية يتصلوا بيا عشان استلم واخر مرة اتصلوا بيا النهاردة عشان استلم بس عالشكل الجديد بتاعها الـ عادى بس ورق 2015 يعنى مكتوبة فى الورق انها موديل 2015 بس على نفس شكلها بتاع 2013 و 2014

انا خايف لـ يكونوا بيعملوا كده عشان يخلصوا من اللى عندهم وبعد ما استلم الشكل الجديد ده ينزل

ياريت لو حد عنده معلومة يفيدنى بيها وياريت اسمع رأيكم

والصور اهى :

**Mamoud salah H** · 27-08-2014 10:00 PM

مش عارف ليه حاسس انها بقت اوحش والشكل الحالي سوبرصالون افضل

**blazer** · 27-08-2014 10:15 PM

هى هى العربيه ودا فيس ليفت ليها

**ah-elgendy** · 28-08-2014 12:27 AM

الصور ديه شفتها من فتره كبيره وسئلت عليها ع صفحتهم ع الفيس قالوا مش هتنزل مصر ثانيا ده فيس لفت مش شكل جديد

**J A G U A R** · 28-08-2014 07:24 AM

صعب تنزل

وكمان حاطيين اشارات بالمرايه
ايه الحلاوه دى

**aimank** · 28-08-2014 02:07 PM

المشاركة الأصلية كتبت بواسطة j a g u a r

صعب تنزل

وكمان حاطيين اشارات بالمرايه
ايه الحلاوه دى

مش صعب ولا حاجة دى تعديلات بسيطة هى بس ممكن تتاخر شوية

**أبو سهيل** · 28-08-2014 05:00 PM

أنا سألت في التوكيل و قالوا لي إن الشكل الجديد هينزل في آخر أكتوبر و أن أجلت الحجز حتي أكتوبر و الله أعلم

**Beedozz** · 29-08-2014 06:54 AM

المشاركة الأصلية كتبت بواسطة mamoud salah h

مش عارف ليه حاسس انها بقت اوحش والشكل الحالي سوبرصالون افضل

اممم مش عارف بس حاسس انها افضل شوية من شكلها الحالى وعموما معرفش ليه انا من ساعة ما دخلت هنا والناس بسم الله ما شاء الله كرهتنى فى ام العربية d:

مع العلم ان دى هتكون اول عربية ليا

**Beedozz** · 29-08-2014 07:19 AM

المشاركة الأصلية كتبت بواسطة blazer

هى هى العربيه ودا فيس ليفت ليها

انا عارف ان هى هى امكانيات العربية بس فى تغييرات فى الشكل الخارجى وحتى الداخلى
بس هو يعنى ايه فيس ليفت ؟
قصدك تجميل للعربية مش اكتر ؟

الموضوع: ضرورى جدا يا جماعة صنى 2015 شكل جديد تماما

LinkBack

أدوات الموضوع

عرض

-

-

-

المواضيع المتشابهه

موبايل e72 جديد تماما

للبيع جديد تماما sony cdx-gt500u

نوكيا music n73 جديد تماما للبيع

الكلمات الدلالية لهذا الموضوع

المفضلات

المفضلات

ضوابط المشاركة