تكيف صنى 2008 يعمل على السرعه الرابعه فقط، ارجو المساعده للضروره.

**abouelnaga** · 28-08-2014 08:17 PM

السلام عليكم رجاله النيسان،
التكيف عندى بدأ يهيس، الاول مبقاش يشتغل على السرعه الاولى و التانيه و دلوقتى السرعه التالته كمان ماتت اما السرعه الرابعه شغاله زى الفل، ارجو المساعده ضرورى الصراحه معيش فلوس للمرواح للتوكيل و خايف صنايعى يضحك علييا.

**pioneerahmed** · 28-08-2014 11:08 PM

بسيطة دة فيوز ضارب

**aimank** · 29-08-2014 12:32 AM

اغسل السربنتينة بتاعة التكييف وشوف فى تحسن ولا لاء

**abouelnaga** · 02-09-2014 03:46 PM

بعد الكشف عند الكهربائى و فك فيشة المقاومه الموجوده ورا درج التبلوه، الفيشه و صلها كهرباء من مفتاح السرعات يعنى السويتش شغال الحمد الله، يبقى العيب فى المقاومه لان السرعه الرابعه هى بس اللى شغاله و هى السرعه الوحيده اللى المقاومه ملهاش علاقه بيها، المقاومه سعرها فى التوكيل حوالى 350 جنيه، الكهربائى لحم فيها اسلاك نحاس و السرعات شغاله مؤقتاً لحد محوش و اجيب مقاومه جديده ان شاء الله.

**ELBEH** · 03-09-2014 12:48 PM

بص يا باشا ان حصل معايا زى كده بالظابط و كان حاجه اسمها مقاومة سرعات و الراجل فكها و صلحها و ركبت تانى و بقت زى الفل و انساها عملتها عند راجل فى عند مسجد السلام.

**abouelnaga** · 09-09-2014 10:47 AM

تعديل علشان اى حد مهتم: المقاومه سعرها 150 جنيه مش 350 و غيرتها فى مودرن موتورز فى الاسكندريه و الفنى اللى ركبها قالى احتمال يكون العيب فى البلور و ده اللى بيبوظها و لو كده حتضرب تانى، المهم ده اللى حصل و ضربت تانى و الحل دلوقتى اغير البلور و تمنه 1900 جنيه فى التوكيل و بيجى معاه المقاومه بتاعته.

**melkholy** · 09-09-2014 03:45 PM

معايا نفس موديل عربيتك و حصل نفس الكلام من يوميين
المهم رحت لفنى تكييف و قالى أن المقاومة هي السبب
سؤالي بقى ينفع أشترى المقاومة و أركبها برة التوكيل ولا لازم كل حاجة في التوكيل

**abouelnaga** · 10-09-2014 09:01 AM

بص يا سيدى القطعه انا جبتها من مودرن موتورز الاسكندريه ب 150 جنيه و التركيب 20 جنيه بس، علشان تركيبها عباره عن فك مسمارين و تشيل الفيشه و شكراً، اى حد ممكن يغيرها.

**melkholy** · 10-09-2014 09:16 AM

شكرا يا غالى
انا نزلت امبارح لواحد فنى تكييف و قالى نفس الكلام بس هو فك البلاور و لقينا المروحة بتاعته تقيلة جدا فهوا ده اللى بيخلى الحمل على المقاومة فتضرب
فالراجل فك المروحة و مع التشحيم و التزييت و الكلام ده المروحة بقت فلة و مغيرشى المقاومة هو بس لحم الموجودة تانى و الصراحة التكييف رجع زى الأول و أحسن
الفلم دا كله كلفنى 130 جنيه و ادينى حجرب و نشوف.

على فكرة الراجل ده انا بثق فيه من ساعة ما مفتاح توزيع الهوا ثبت على وضع واحد و التوكيل قالى لازم تغير بوردة المكيف بس هو عرف يصلحها

**Dr. Halawa** · 19-09-2014 06:21 PM

لحمها ازاى؟ ديه فيها بوردة؟ السنان يعنى؟ لو تقدر تشرح لي يبقى ربنا يكرمك عشان انا مش لاقيها أصلا!

الموضوع: تكيف صنى 2008 يعمل على السرعه الرابعه فقط، ارجو المساعده للضروره.

LinkBack

أدوات الموضوع

عرض

-

-

-

المواضيع المتشابهه

فحص صنى 2006 فى التوكيل، ارجو المساعده للضروره

ارجو المساعده فى تكيف الميجان2

ياجماعه فيوز مروحة التكييف بيفصل اول لما اجيب السرعه الرابعه

تكيف العربيه بيسخنها بدل ما يبردها ارجو المساعده من اهل الخبره

ارجو المساعده......على وجه السرعه وعن درايه كافيه..........

الكلمات الدلالية لهذا الموضوع

المفضلات

المفضلات

ضوابط المشاركة