عايز اركب سنترلوك بريموت

**sayatask** · 28-08-2014 10:16 PM

السلام عليكم

انا معاية شيفروليه لانوس 2011 فول اوبشن

المفتاح ضاع من كام يوم فقررت اني اغيره عشان الامان وبالمرة عايز اعمل ريموت للعربية عشان ممعاهاش ريموت

سؤالي في الحالة دي مفروض اشتري ايه؟ جهاز سنترلوك بالريموت ولا جهاز انذار فيه لوك وريموت

وهو ينفع يتركب بدل سنترلوك العربية الاصلي؟

ياريت التوضيح من الخبراء واماكن البيع والتركيب انا ساكن في الهرم

جزاكم الله كل خير

**waga** · 29-08-2014 02:12 PM

حضرتك عملت موضوعك من امبارح الخميس28 اغسطس الساعه 9.15 ولحد دلوقتي مافيش حد قالك حاجه؟؟؟ انا عندي احاساس ان قسم الدايو هنا بقي قسم الديزل والشكمانات وتركيب واصلاح العفشه والردياتير لكن الحاجات الدليكات دي حتي لو هتعملها في عربيه دايو تروح تتكلم فيها في قسم تاني .. جرب تعمل موضوع عن ان المساعدين بيجيبو زيت او اسطوانه الدبرياش بتطلع شياط او طرمبه الميه انت عايز تلعب فيها او عايز تفك كرتيره زيت الفتيس وتنضفها بنفسك هتلاقي ميت مشاركه في اقل من نص ساعه

اما عن موضوعك متهيالي علشان تعمل سنتلرلوك جديد ها تغير الكنتاكت معاه

**sayatask** · 30-08-2014 04:41 AM

يا باشا تسلم على الرد بس الناس ممكن تكون مشغولة متنساش اني عملت موضوعي في اخر الاسبوع وبصراحة الاعضاء هنا مش بيبخلو بمعلومة وربنا يكرمهم جميعا

**gadoo30** · 30-08-2014 09:54 AM

بص يا سيدى وعن تجربة
لية واحد صاحبى معاة نيو اكسنت ضاع المفتاح الريموت الاصلى بتاعها وخاف للعربية تتسرق
كلم التوكيل قالولوة طقم كوالين وكونتاكت ومبالغ خرافية
بعتة لواحد صاحبى بتاع مفاتيح فى الحى العاشر فك كوالين العربية وغيرلها الفبرة وخرط المفتاح الاصلى الاحتياطي علية وعملة مفتاح اضافى وبكرة مفتاح العربية الاصلى عمرة ما هيفتحها او يدورها وكل دة واخد منة حوالى 150 جنية
المهم بالنسبة لحالتك محتاج التالى
طقم سنتر (لو كان معندكش سنتر من الأساس)
انزار بالريموت
تغير فبرة الكوالين والكونتاكت لو عايز المفتاح القديم ما يفتحش

**waga** · 01-09-2014 08:56 PM

المشاركة الأصلية كتبت بواسطة gadoo30

بص يا سيدى وعن تجربة
لية واحد صاحبى معاة نيو اكسنت ضاع المفتاح الريموت الاصلى بتاعها وخاف للعربية تتسرق
بعتة لواحد صاحبى بتاع مفاتيح فى الحى العاشر فك كوالين العربية وغيرلها الفبرة وخرط المفتاح الاصلى الاحتياطي علية وعملة مفتاح اضافى وبكرة مفتاح العربية الاصلى عمرة ما هيفتحها او يدورها وكل دة واخد منة حوالى 150 جنية

ممكن ترجمه لو سمحت ...
1- مفتاح الريموت هو اللي ضاع صح اللي هو بيفتخ العربيه عن بعد واللي فيه بطاريه
2- راح لواحد بتاع مفتاح في العاشر ماشي
3- فك الكوالين وغيرلها الفبره كل ده ماشي
4- ازي خرط المفتاح الاصلي الاحتياطي عليها (_محتاج ترجمه )
5- عمل له مفتاح اضافي ماشي (كوالين اعمر )
6- فين بقي مفتاح الريموت الجديد ؟؟؟ اتلغي الريموت ؟؟؟؟؟؟؟؟؟؟؟؟؟