نيسان سنترا الجديده ولا سيراتو

**semsem8100** · 29-08-2014 05:53 AM

أنا حجزت نيسان سنترا الجديده والمفروض الاستلام بعد شهر وليا واحد صاحبى عمال يلعب فى دماغى ويقولى خليك فى السيراتو وهو لسه شاريها من اسبوع فات 173000 من عند سمير ريان بس أنا مش مقتنع بالسيراتو اساسا كعربيه حاسسها شكل وأوبشن بس بس عربيه واطيه جدا وقعدتها كمان من جو تحس أن كراسيها واطيه يعن بحس وانا فيها انى قاعد على الارض ..وحك السنين بقى فى المطبات وبصراحه انا مش ببص كتير لموضوع الاوبشن ده انا يهمنى اول حاجه الثبات والامان والاتزان على الطريق وتكون عربيه أعتماديه وقويه وانا شايف ده فى السنترا اى نعم مافيهاش الاوبشن كتير بس حاسس ان السنترا اقوى واعلى من الارض والصالون اوسع بكتيييييير وبرده السنترا شكلها مش وحش وعلى فكره السنترا اغلى 2000جم عن الفئه اللى اتعرضت عليا فى السيراتو ... ايه رايكو واسف على الاطاله

**ahmzd** · 29-08-2014 06:38 AM

ككلام نظري ممكن تكون السنترا أحسن، إنما عمليا محدش لسه جربها !! الحاجة التانية الواحد حاسس إن نيسان بتفقد سوقها في مصر تدريجيا اللهم إلا صني اللي انتشرت عشان سعرها بالدرجة الأولى .. والله أعلم.

**ENG.MaRk** · 29-08-2014 10:56 AM

أوبشنز و كماليات و اتزان و ثبات و كل ما تتمناه في عربية يبقي انت كدة بتتكلم عن الفلوانس ... أروع عربية في فئتها و المبلغ المتاح يجيبلك تالت فئة أوتو و ديه فيها كل حاجة (كاملة من مجاميعه)

**drcobra** · 29-08-2014 11:50 AM

المشاركة الأصلية كتبت بواسطة ENG.MaRk

أوبشنز و كماليات و اتزان و ثبات و كل ما تتمناه في عربية يبقي انت كدة بتتكلم عن الفلوانس ... أروع عربية في فئتها و المبلغ المتاح يجيبلك تالت فئة أوتو و ديه فيها كل حاجة (كاملة من مجاميعه)

+1

**DEVIL333** · 29-08-2014 02:47 PM

السيراتو عربية محترمة جدا

**Ahmed.Essam** · 29-08-2014 03:00 PM

مادام مالكش في الاوبشن والرفاهية يبقى بلاش منها السيراتو مش هتبسطك .. كل ملاكها بيقولوا انها ثابتة على الطريق ومتزنة بس مادام انت مش مقتنع بيها حتى لو حلوة يبقى بلاش عشان متندمش لان الاحساس النفسي هيخليك تطلع فيها القطط الفاطسة معلش في الكلمة ..
وممكن تشوف اختيارات تانية مع السيراتو والسنترا زي الفلوانس مثلا زي ما احد الاعضاء قالك وفيه اختيارات تانية
شوف فلوسك تجيب ايه وقارن ما بينهم وشوف احتياجاتك هتلاقيها في ايه واستخير ربنا وتوكل على الله

**J A G U A R** · 29-08-2014 03:14 PM

المشاركة الأصلية كتبت بواسطة semsem8100

انا يهمنى اول حاجه الثبات والامان والاتزان على الطريق وتكون عربيه أعتماديه وقويه وانا شايف ده فى السنترا

ايه عرفك انها ثابته ومتزنه ع الطريق واعتماديه وقويه ..
حضرتك جربتها ..

**S O P H O S** · 01-09-2014 11:57 PM

اميل للسيراتو
وفي بدائل برضوا زي الرينو او الكروز

**bakkarahmed** · 02-09-2014 03:47 AM

كنا خمسه في السيراتو وسافرنا بيها 00 6 كيلو رايح جاي وعدينا علي اكتر من 30 مطب بدون مبالغه اشكال والوان ..اقسم بالله عمرها ما حكت في مطب ..ومش هاتكلم عن ثبات او اتزان,,العربيه ممتازه
لو حضرتك مش مقتنع بيها ماتجيبهاش علشان اي حاجه هاتظهر فيها هاتقفلك منها
فكر في الفلوانس كبديل لانها عربيه كويسه وسوقها هايبقي افضل من النيسان
ماتحاولش تجيب عربيه لسه مانتشرتش او اتجربت كويس
بالتوفيق