دراع نور السيراتو

**baby_koko** · 29-08-2014 11:05 AM

السادة الزملاء بالمنتدي، عندي مشكلة اتمني تكون بسيطة.

معايا سيراتو خليجي اتوماتيك ٢٠١٠، المشكلة خاصة بدراع النور، لما بكون بليل ومشغل النور واقلب النور العالي الكاسيت بيعمل رستارت، كان بقالي كتير في الموضوع ده وكنت فاكر انو بيحصل عشوائي بس طلع كل ماعمل كده تتكرر، امبارح جربت وقلبت نور وقرصت علي الدراع قوي لورا فصل كهربة العربية كلها واشتغل تاني.

حد عارف المشكلة من ايه وحلها ايه، انا خايف اروح التوكيل يلبسوني في حاجات ملهاش دعوه بالموضوع اصلا.

**DEVIL333** · 29-08-2014 12:45 PM

يوجد مشكلة فى الدراع او فى الفيوز

**baby_koko** · 29-08-2014 02:18 PM

يعني أروح لكهربائي الموضوع عبيط، ولا أروح التوكيل، وبعدين هو لو المشكلة في الدراع، بيتغيير ولا بيتصلح، وسعره كام.

**Ahmed.Essam** · 29-08-2014 02:45 PM

لو عندك زينون في النور العالي .. يبقى هو ده السبب في الكيا الزينون بيخلي الكاسيت يرستر .. بس معرفش ايه الحل عشان الكاسيت ميعملش ريستارت مع الزينون ..

**baby_koko** · 29-08-2014 02:59 PM

لا أنا مش مركب زينون ولا حاجة ولا مغير الكاسيت، كل حاجة بتاعت العربية الأصلية، حتى الدراع نفسه مغيرتوش، وعموما أنا العربية فبكريكة كل حاجة فيها.

**Ahmed.Essam** · 29-08-2014 03:03 PM

المشاركة الأصلية كتبت بواسطة baby_koko

لا أنا مش مركب زينون ولا حاجة ولا مغير الكاسيت، كل حاجة بتاعت العربية الأصلية، حتى الدراع نفسه مغيرتوش، وعموما أنا العربية فبكريكة كل حاجة فيها.

يبقى فعلا فيه مشكلة في دراع النور والفيوز ..

**hi_nmr** · 29-08-2014 08:16 PM

انا سمعت عن المشكله دي بتحصل لما تكون مركب زينون لكن لوحدها كده شئ غريب بصراحه مش عارف

**عبدالله برعى** · 29-08-2014 08:31 PM

مفيش حاجة اسمها قرصت على الدراع لورا الدراع وضعين on\off

ثانيا الموضوع ممكن يساعدك
http://www.nilemotors.net/Nile/374063-2012.html

**baby_koko** · 29-08-2014 11:52 PM

لما حضرتك بتقلب نور ده حاجة غير on/off، يعني حضرتك مشغل مثلا النور العادي (التابلوة بيعمل شكل فانوس اخضر) وبعدين عايز تقلب نور مش تشغل النور العالي، هو ده قصدي بقرصت علي الدراع لورا.

انا فتحت الكابوت وبقيت علي الفيوزات تقريبا كله سليم، شلت فيشة الضفيرة ورجعتها تاني، كمان لقيت الارضي بتاع البطارية سايب ومش مربوط كويس، ربطة. تقتكروا هو ده ممكن يكون السبب، وخصوصا ان كلام الزملاء ان ده مش عادي لو مفيش زينون.

تفتكروا اروح التوكيل واقلهم يكشفوا علي ايه خصوصا انها مش بتحصل كل مرة، ديه ساعات وساعات، كمان الكلاكس احيانا بيفصل، ايه اقتراحاتكم.

**baby_koko** · 30-08-2014 10:57 PM

مفيش أي اقتراحات من حضراتكم.

الموضوع: دراع نور السيراتو

LinkBack

أدوات الموضوع

عرض

-

-

-

المواضيع المتشابهه

فك دراع النور

دراع المساحات

دراع النور

دراع النور ؟

دراع النور

الكلمات الدلالية لهذا الموضوع

المفضلات

المفضلات

ضوابط المشاركة