طلما الماتور مابيكلش زيت يبقى نستمر على الزيت التخليقى مهما كانت عدد الكيلو مترات مافيش مشكله
فهو سريع الانتشار ولايفقد ثبات خواصه قبل 20000كم أما المعدنى فأقصى فترة ثبات 10000كم
الزيت التخليقى اساسى لما يكون نسبة انضغاط الماتور عاليه وده هنجده فى المحركات زى البى ام والمرسيدس وماشبه
الزيت التخليقى ممكن يضر فى حالة الماتير القديمه فقط والضرر هنا انه ممكن بسبب سرعة انتشاره انه يعدى الى غرف الاحتراق علاوة على فقده السريع ( نقصانه بسسب أحتراقه )
أما الزيت المعدنى فيصلح لباقى انواع المواتير ذات الانضغاط القليل او القديمه وهى أغلب المواتير الموجوده
موضوع درجة اللزوجه
الزيت التخليقى زيت تم صناعته فى المعامل وتحديد خواص ودرجة لزوجه له معينه
هوا زيت تم صناعته خصيصا بدرجة لزوجه منخفضه لينتشر فى المحركات ذات نسبة الأنضغاط العالية والتى تكون ضيقة الخولوصات لتتم عملية التزيت لجميع اجزائه بصورة متكمله فى اقل وقت ممكن
أما الزيت المعدنى فهوا مستخلص من البترول المستخرج من باطن الأرض
فيكون بلزوجه أكبر حتى لايتم أحتراقه عبر نفاذه من غرف الاحتراق وذلك فى المواتير ذات الخولوصات الواسعه والقديمه المستهلكه وده الى بنشوفه عملياً من تجاربنا
الخلاصة : لو عربيتك بتاكل زيت بلاش الزيت التخليقى لإنك هترمى فلوسك على الأرض
المفضلات