كيا سول ام دايهاتسو تيريوس

**darkangel345** · 29-08-2014 10:43 PM

السلام عليكم
كنت عايزه اشتري عربية كيا سول 2015 وبقالي اكتر من 3 شهور مستنيه والتوكيل قالي الدفعه الجديده حتوصل شهر 11 فقررت اني مش حستني اكتر من كده وقررت ابحث عن بديل اخر وبعد البحث في فئات مختلفة تماااااااااااااما عن بعض عحبتني دايهاتسو تيريوس ورحت شفتها بالفعل وعملت موضوع عنها http://www.nilemotors.net/Nile/437793-2014.html بس إللي موجوده في التوكيل موديل 2014 بس موديل 2015 حيوصل شهر 11 برضة (مش عارفه ايه حكاية شهر 11 ده )
السؤال هنا بقي:
1- ليه قالي تحجزي وتستلمي في نص 9 اما الشحنة الجديدة توصل ليه مسلمنيش من إللي عنده ؟
2- هل فيه فرق بين موديل 2014 و2015 ؟ يعني اخد 14 ولا استني شهر 11 واخد 15 ؟
3 -هل لو حستني لشهر 11 اخد كيا سول ولا دايهاتسو تيريوس؟ مع التعليل ؟؟؟؟ ههههه اقصد يعني يشرحلي ليه رجح واحده عن التانيه
ارجوكم افادتي لان لو كده ححجز تيريوس خلال يومين
لكم جزيل الشكر

**Hosam_Optrawy** · 29-08-2014 11:17 PM

بلاش تيريوس

عربيه ثباتها ضايع وضيقه وقديمه وضعيفه وماتسواش تمنها خالص

لو مش هاتستنى السول

يبقى داستر بس مانيوال

او لو ينفع تزودى ل 170 بيجو 2008

مش هاينفع يبقى شوفى البريليانس v5

كل دا هايكون ارحم من التيريوس واحنا في 2015 :(

**Hosam_Optrawy** · 30-08-2014 01:33 AM

المشاركة الأصلية كتبت بواسطة darkangel345

شكرا لرد حضرتك
هو حضرتك بالنسبة للتيريوس سمعت انهم عالجوا حكاية الثبات دي وبصراحة هي مش ضيقة خالص انا رحت شوفتها في التوكيل
السول كان نفسي فيها بس لسه من شهرين ل3
داستر ذي ما حضرتك قلت مانيوال
بيجو 2008 حدور عليها واشوفها بس سمعت ان قطع الغيار ومراكز الصيانة مش قد كده وكمان كاعادة بيع
البريليانس صني معقول تبقي احسن من الياباني ؟!

ممكن يكون وسعها مناسب لحضرتك لكن هي تعتبر ضيقه لمعظم الناس وبالمقارنه بغيرها من فئتها

اما بالنسبه للثبات فعالجوه ازاى والعربيه هي هي من 2006 ماتغيرش فيها مسمار

البيجو 2008 لسه جديده وماتجربتش كفايه لو قلقانه منها إسألى على أسعار قطع غيارها وصيانتها

وانا عندى اركب صيني وماركبش التيريوس , جايز يحصل فيها بعض المشاكل في التقفيل او غيره بس في المجمل بالنسبالى هاتبقى أفضل من التيريوس كعربيه هاشتريها النهارده 2015 وأحس إنها جديده غير ان موتورها أقوى وأثبت وأوسع وشكلها أحلى , وانا وحظى بقى مع المشاكل والتقفيل :)

هو أصلا إيه مميزات التيريوس او العوامل اللى تتفوق فيها بالمقارنه بغيرها غير انها ياباني زى ماحضرتك ذكرتى ؟

في رأيى حرام أشترى عربيه قديمه كدا وغير إنها قديمه فهى كعربيه مش اد كدا في الموتور والثبات وغيره

وحتى في الأمان واخده 4 نجوم والتصادم الأمامى سئ جدا 10.6 من 16

**Mohab555** · 30-08-2014 12:46 PM

انا معايا التريوس 2013 ... اقسم بالله عربيه خساره فيها الفلوس مبعنى الكلمه
ابعدى عنها تماما تماما ... تثبات ضايع ... عفشة ناشفة جدا جدا ... و الكتير من العيوب التانية

**KiaSoul** · 04-09-2014 10:30 AM

التيريوس الكنبة اللي ورا ضيقة جدا جدا
وهي مش 1500 سي سي؟

السول واخدة أفضل عربية في فئتها 2012 في أكتر من استطلاع رأي عالمي
والثبات والسحب رائع

معايا من 2010 وأنصحك بها