تجربتي مع الاكسارا 2004 اوتوماتيك

**waleedB** · 30-08-2014 09:21 PM

جبت عربية اكسارا 2004 اتوماتيك ب 45000 ج من خمس ايام وطبعا فيها مصاريف (مستعملة) الحالة العامة من جيدة الي جيدة جدا
مساعد كبوت 140 ج جديد في "الحرفيين ب 120 ج" وكشف كمبيوتر علي العربية 50 ج بس مفيش ريبورت بعد الكشف بالبوء كدة (بيسو عند المهندس فريد شوقي)كل الناس بتشكر في المهندس فريد شوقي انه دكتور في تصليح الكنتورول بس انا متعملتش معاه 01223236021
اتنين جوان تاكيهات 250ج ومصنعية 75ج , زرار مرايا كهرباء فيشة بني بيعمل من 150 الي 200ج استيراد نادر تواجدة, قاعدة فتيس كمثري 75ج جديدة اسباني , غطاء بلاستيك ازرق ل اربة المساحات من 20 الي 50ج استيراد, بوجيهات فرنسي 110ج , (مركز الفرنسية :ايمن الخواجة)في الحرفيين اول مرة اتعامل معاه بس جدع وحافظ الاكسارا كويس ومش بيحور وبينجز بسرعة وعنده كهربائي كويس بس غالي كان عايز في تركيب مكنة الازاز 75ج ونزلت 50 ج رقم المركز:01273891766/01154414442
ماكينة ازاز يمين 250ج استيراد(ياسر الحرفيين)
اريال 50ج استيراد(بيت الفرنساوي الحرفيين)
لباد كبوت استيراد250ج نادر لما تلقيه (ابورامي الحرفيين)
اسعار حاجات سئلت عليها في الحرفيين : مقاومة المروحة هما اتنين 0.8 اوم و 0.54 اوم جديدة الواحدة عاملة من 200 ل 250ج عند نورسين في الحرفيين استيراد عاملة 50ج والفيشة 10ج ارخص واحد لاقتها عندة الباقي الي قالي 100ج او 150 استيراد والفيشة واحد قلي 50ج
طنابير جديدة 400ج وتيل 150 جداد تقريبا
انا لفات كتير في الحرفيين ونصحتي متشتريش اي حاجة غير لما تسئل عند كل المحلات لو عايز احسن سعر عشان في تفاوت في الاسعار
انا ساعات بيحصل نتشة في الفتيس بس مش كتير الماتور في زي رعشة كدة والعربية واقفة لو حد عندة فكرة يريت نسمع النصيحة....شكرا

**tareksakr** · 30-08-2014 09:38 PM

مبروك العربية وربنا يديك خيرها ويكغيك شرها الاكسارا من العربيات الممتازة والمظلومة في نفس الوقت

**J A G U A R** · 02-09-2014 08:16 AM

الف مبروك وربنا يبارك فيها

**waleedB** · 09-09-2014 03:38 AM

شكرا يا جماعة علي الرد
العربية اتوماتيك واللي بحصل بالظبط انا ماشي عادي ودايس بنزين لو شلت رجلي او دوست فرامل ال rpm اول لما ينزل تحت اتنين ينط فوق ل اتنين تاني مع نفسو والعربية تكلبش سنة كدة وبعد كدة ينزل ل زيرو طبيعي زائد وان العربية وهية واقفة في رعشة كدة او رجة خفيفة في الموتور
اسف علي الاطالة شكرا بالمناسبة انا جبت input sensor مكنة السرعة بالحساس من الحرفيين 300ج

**jackal** · 09-09-2014 06:18 PM

عادي جدا الفتيس كده اسمها انجين بريك

**waleedB** · 10-09-2014 01:46 AM

دة طبيعي يعني !! في الاكسارا انا بصراحة اول مرة اعرف حوار الانجن بريك ! طب الرجة الخفيفة الي في الموتور ؟؟ وشكرا يا باشا علي الرد

**waleedB** · 10-09-2014 05:30 PM

ياريت بعد اذنكوا اللي يعرف حد كويس يكشف علي الموتور ولو محتاج برمجة يعملها وميكونش غالي ويكون بيفهم ياريت يقولي و شكرا

**jackal** · 11-09-2014 06:22 PM

اولا ده في كل الستروين لاني معايا c4 وبرضو كده

ثانيا مفيش حاجع اسمها برمجه الموتور ديه اشتغاله

تكشف عليها فين؟ عند اي حد عندو جهاز ستروين

**elaustaz2000** · 25-09-2014 12:10 PM

المشاركة الأصلية كتبت بواسطة waleedb

دة طبيعي يعني !! في الاكسارا انا بصراحة اول مرة اعرف حوار الانجن بريك ! طب الرجة الخفيفة الي في الموتور ؟؟ وشكرا يا باشا علي الرد

الرعشة دى لو وانت جايب r أو d بس ولا حتى وانت n
كانت عندى الرعشة دى وانا جايب r أو d وروحت لوليد فى الهرم اعد يظبط شوية حاجت كدا وغيرت اعدة الموتور وربطت المصفحة كويس وظبط حاجت تانية تحت العربية فالرعشة دى راحت