رجاء الافادة من خبراء وملاك الباسات 2013

**waleed001** · 31-08-2014 02:54 PM

السلام عليكم اولا انا بس حابب اخد رأى خبراء وملاك العربية الباسات موديل 2013 فيها لان انا باذن الله ناوى اشترى واحدة وفى واحدة معروضة عليا كسر زيرو وفبريكة الفئة الاولى وباذن الله ناوى اخلص فيها مع العلم ان انا كان معايا عربية سكودا فانتازيا قبل العربية دى ولو فى مقارنة بينها وبين الاسكودا الa7 فى راءئ حضراتكم انهى افضل مع العلم ان الميزانية فى حدود 210 الف ولكم جميعا جزيل الشكر

**mohamed anani** · 31-08-2014 11:59 PM

i have one if you need it please call me

**mohamed anani** · 01-09-2014 12:00 AM

i have one if you need it please call me
email:mohamed_salah30761@yahoo.com

**Mohamedjetta** · 01-09-2014 12:47 AM

بص الباسات فئه والاوكتافيا فئه تانيه خالص
طبعا الباسات تجبها من غير تفكير ولو حبيت تجيب الاوكتافيا يبقي جبها tsi عشان متحسش انها بطه بلدي

**Ahmed Saad** · 01-09-2014 01:27 AM

المشاركة الأصلية كتبت بواسطة waleed001

السلام عليكم اولا انا بس حابب اخد رأى خبراء وملاك العربية الباسات موديل 2013 فيها لان انا باذن الله ناوى اشترى واحدة وفى واحدة معروضة عليا كسر زيرو وفبريكة الفئة الاولى وباذن الله ناوى اخلص فيها مع العلم ان انا كان معايا عربية سكودا فانتازيا قبل العربية دى ولو فى مقارنة بينها وبين الاسكودا الa7 فى راءئ حضراتكم انهى افضل مع العلم ان الميزانية فى حدود 210 الف ولكم جميعا جزيل الشكر

بص انا هقولك على حاجه الباسات عربيه ماتتقارنش بالاسكودا عربيه فئه أعلى وافخم وأكبر واوبشنز أعلى لو هتقارنها بال A7 Tsi الباسات تكسب بما أن الاتنين DSG بس في خوف من الفتيس بالذات المشي في الزحمه عايز معامله خاصه عموما انا رأيي تريح دماغك وتركب زيرو على الأقل عربيتك وانت اللي تربيها فأنا ارشحلك الاوكتافيا A7 ال2015 ال1600 الفتيس ال6 نقلات أو القديم ومعلومه لحضرتك لو مش خايف من الفتيس ال dsg التوكيل بيصلحه حتى لو خرج من الضمان بشرط الصيانه الدوريه للعربية في التوكيل وربنا يوفقك للاصلح وأي استفسار انا تحت أمرك

**waleed001** · 01-09-2014 07:24 AM

[QUOTE=mohamed anani;3875730939]i have one if you need it please call me[/QUOTE
]شكرا لذوق حضرتك بس انا فعلا قدامي واحدة بتاعت ابن خالى وهيا عاملة 6000 كيلو بس وهو مسافر

**waleed001** · 01-09-2014 07:27 AM

المشاركة الأصلية كتبت بواسطة mohamedjetta

بص الباسات فئه والاوكتافيا فئه تانيه خالص
طبعا الباسات تجبها من غير تفكير ولو حبيت تجيب الاوكتافيا يبقي جبها tsi عشان متحسش انها بطه بلدي

شكرا لرد حضرتك وده فعلا اللي بقوله وانا راكب فعلا فانتازيا 2011 بس عايز اغير للاعلى ومش عارف بصراحة اركب اية

**waleed001** · 01-09-2014 07:32 AM

المشاركة الأصلية كتبت بواسطة ahmed saad

بص انا هقولك على حاجه الباسات عربيه ماتتقارنش بالاسكودا عربيه فئه أعلى وافخم وأكبر واوبشنز أعلى لو هتقارنها بال a7 tsi الباسات تكسب بما أن الاتنين dsg بس في خوف من الفتيس بالذات المشي في الزحمه عايز معامله خاصه عموما انا رأيي تريح دماغك وتركب زيرو على الأقل عربيتك وانت اللي تربيها فأنا ارشحلك الاوكتافيا a7 ال2015 ال1600 الفتيس ال6 نقلات أو القديم ومعلومه لحضرتك لو مش خايف من الفتيس ال dsg التوكيل بيصلحه حتى لو خرج من الضمان بشرط الصيانه الدوريه للعربية في التوكيل وربنا يوفقك للاصلح وأي استفسار انا تحت أمرك

اولا انا بشكر حضرتك على الرد
انا فعلا راكب فانتازيا 2011 من الزيرو خليجى وماشي بيها لحد دلوقتى 130 الف كيلو ومفيش اي مشاكل الحمد لله من الفتيس خالص وصيانتها فى مواعيدها حتي تغيير زيت الفتيس بس انا كنت عايز اغير ففكرت لما لقيت ابن خالي مسافر وهيبييع وفى نفس الوقت العربية فعلا زيرو اني اخدها منه بس السؤال هو هل فعلا هحس بالتغيير وسعر اعادة البييع بعد كدة اية اخباره لو فكرت ابيع واسف اني طولت على حضرتك مع الشكر مرة تانية

**Ahmed Saad** · 01-09-2014 12:29 PM

المشاركة الأصلية كتبت بواسطة waleed001

اولا انا بشكر حضرتك على الرد
انا فعلا راكب فانتازيا 2011 من الزيرو خليجى وماشي بيها لحد دلوقتى 130 الف كيلو ومفيش اي مشاكل الحمد لله من الفتيس خالص وصيانتها فى مواعيدها حتي تغيير زيت الفتيس بس انا كنت عايز اغير ففكرت لما لقيت ابن خالي مسافر وهيبييع وفى نفس الوقت العربية فعلا زيرو اني اخدها منه بس السؤال هو هل فعلا هحس بالتغيير وسعر اعادة البييع بعد كدة اية اخباره لو فكرت ابيع واسف اني طولت على حضرتك مع الشكر مرة تانية

بص ياباشا طبعا هتحس بنقله كبيره عن الفانتازيا أسرع وأثبت وموتور أقوى تسارع ممتاز بس للاسف سمعه الفتيس اللي متاخده بيخسف بتمن العربيه الأرض يعني انا شفت باسات 2011 شكل جديد ب 175000 ودي هاي لاين يعني في 3 سنين قلت بتاع 65000ج في حين أن الفانتازيا عمي كان جايبها في 2011 ب 174000 واتعرض له فيها 185000 بس عربيه زيرو يعني اكتر من تمنها ودي ثقافه السوق بتاعنا عموما الفتيس بتاعها الخوف منه في الزحمه وحلها أن تنقل استبترونيك وتمور في الزحمه وبرضه ارجع واقولك العربيه طالما بتعمل صيانتها في التوكيل مش هتدفع مليم في الفتيس لو حصله حاجه بس انا أن شاء الله هعمل استطلاع رأي من ملاك السياره من أمام التوكيل واشوف الفتيس بقت أخباره ايه وربنا يسهل بس فيالاخر خليك في الاوكتافيا الجديده الفتيس القديم واشتري دماغك لحد ما الفتيس ال Dsg سمعته تتحسن وربنا يوفقك للاصلح

**Mohamedjetta** · 02-09-2014 04:42 AM

المشاركة الأصلية كتبت بواسطة waleed001

شكرا لرد حضرتك وده فعلا اللي بقوله وانا راكب فعلا فانتازيا 2011 بس عايز اغير للاعلى ومش عارف بصراحة اركب اية

العفو حضرتك و لو هتجيب الباسات لازم تخلي الفتيس علي s مود في الزحمه و في الاشارات n وصدقني هتروح تغير الكلتشات كل 40 او 50 الف كيلو ومش هتدفع جنيه في الكلتشات لو انت متابع صيانتك في التوكيل حتي لو خارج الضمان
معني الاصح انك هتغير الكلتشات كل سنتين او سنه ونص .... هضيع من وقتك يومين في تغير الكلتشات بس هتركب عربيه فعلا بجد
كل اللي في السوق دلوقت كورولا و النترا وسيراتو ( العربيات دي لاتقارن بالجيتا مش الباسات) ونصيحه اوعي حد يقلك جيب كورولا
نيجي لاوكتافيا a7 لاسف موتور 110 حصان و فتيس ست نقلات وبرضو شايف انها مش قويه زي الفانتزيا بس هي احسن من الفانتزيا في الاداء
احنا عندنا جيتا فتيس dsg7 والعربيه ماشيه 109 الف والحمدلله مغيرناش الا الكلتشات في 60 الف