الموضوع: اصلاح سيارة بونتو كلاسيك بعد حادث مروع

تعرضت لحادث مروع بسبب واحد مستهتر ماشى بسرعة جنونية ... كنت ماشى على يمين الطريق وفى تريلا بتعدى من على شمالى وفجأة سمعت صوت فرامل جامدة ولسة بشوف فى ايه ورايا .... كان خبطنى جامد ودخلنى فى الرصيف اليمين وكمل هو لحد ما خبط فى الحاجز الأسمنتى اللى فى نص الطريق ... الحمد لله على كل شىء
طبعا كنت مصور لكم العربية لانه كان هيلبس اصلا فى التريلا وفى اخر لحظة كسر يمين فدخل فى عربيتى فى نص الشنطة ببوز عربيته الشمال ... طبعا ده دمر النص الخلفى كله عندى وطبعا هو بعد الحادثة ادعى انه تعبان وراح المستشفى مع انى انا ايدى الشمال اتفتحت عند الكوع من الخبطة واخدت عرزتين فيها بعدين وطبعا هو اختفى ولم يعود ولكنى عملت المحضر وربنا يوفقنى اعرف اجيب حقى منه على الأقل عشان الناس دى لازم تتربى وتعرف ان القيادة لها أصول لانها ممكن تضيع ارواح ناس.

معلش طولت عليكم .. كنت مصور لكم العربية بس للاسف الصور ضاعت منى ... والمشكلة دلوقتى انى محتاج خبراتكم فى البحث عن نص خلفى كامل لبونتو كلاسيك 2011 وخصوصا انى مش لاقيه فى الحرفيين او عزبة شلبى او الوكالة او حتى الكيلانى ... وفى الوكالة وجدت فقط نصف خلفى لبونتو كلاسيك 2008 فاضى وحاسس انه مختلف عن 2011 ولا ايه رأيكم يا خبراء البونتو ؟؟؟

الحمد لله دى نسخة من الصور ... انصحونى اشترى نص خلفى من فين ؟؟؟

المشاركة الأصلية كتبت بواسطة ENG.MaRk

أنا كنت في بورسعيد الأسبوع اللي فات و شفت قطع غيار فيات كتير و منها النص اللي انت عايزه
بص يا باشا ... انت هتنزل بورسعيد تروح مكان اسمه بنك الإسكان و تسأل علي واحد هناك اسمه الاسماعيلي هتسيبه علي اليمين وتكمل علي طول و بعد 100 متر تقريبا علي الناصية هتلاقي واحد عنده تقريبا كل قطع غيار فيات و إن شاء الله تلاقي النص اللي انت عايزه ... علشان تعرفه هتلاقيه معلق نصين أمامي لبونتو ايفو واحد أحمر و التاني أزرق و أتمني لك التوفيق و إنك تعرف تاخد حقك

شكرا يا مارك وان شاء الله هنزل بورسعيد وأتابعكم باخر الأخبار ولو عند اى نصيحة فى الشراء قووول