شكر خاص لـــــ ahmedcar ــــــ

**BUNSH** · 01-09-2014 02:53 PM

السلام عليكم ورحمة الله وبركاتة ..

عودة مرة أخرى بعد انقطـــاع دام شهر ونص بسبب انقطاع النت وانتظــــار توصيل النت من شركة تى بيضــة

!! والسبب التانى أن فلة اتخبطت فى نفس الامــاكن اللى اترشيت واتظبطت وزيادة عليهم اكصطدام أمامى اتخرم .

المهم كنت ع موعد لصيانة الــ 60.000 كم ودى اخر حاجة فى الضمــان ومن 60.000 : 100.000 بيبقى ع الماتور والفتيس .

كتبت الحاجات اللى عايزهم يشيكوا عليها لأن دى أخر فرصة ,, وكان منهم صوت طقطقة صادر عند الضغط ع الفرامــل من صيانة الــ 10.000 كم وكان ردهم * هيتم تغيير ورد الكبالن بورد ميتل * ومفيش حاجة اتغيــرت من ساعتها !

وخلصــوا وروحت للمهندس طارق * غبور العبور * وسئلتة ع طقطقة وكان ردة أن هيتم تغيير علبة الدريكيسون ومش موجود حاليا وطبعا لحقنى وقالى متقلقيش هتتغير فى الضمــان وهكتبلك الكلام دة فى اكونت العربية بغض النظر أن هدوئة دة وترنى زيادة وحسيت أنة بيثبتنى فخليتوا يكتبلى الكلام دة ع الفاتورة بخط ايدة ومضى تحتيهـــا .. والكلام دة من اخر يومين فى رمضان !

حد يتصل ويعبرنى محدش اتصل وهنـــا كنت لأول مرة اكلم أحمد * AHMEDCAR * وأول مرة اكلمة وكمان اكون عايزة فى مصلحة كان شكلى تيت الصراحة ورحب بيــا ولا أكنى أعرفة من زمن فات واكدلى أن الحاجة لسة واصلة المخازن عندة وقالى تعرف تعدى عليا بكرة ونخلصلك كل حاجة بأمر الله ومكنش فية حجز فابعت اخويا امبارح وتم تغيير علبة الدريكسيون وتركيب انذار غبور بنجـــاح وربنا يلطف ويستر ويجعلها أخر الاحزان .

شكــــــر وتقدير من القلب

لأحمد أبوزيد بية كان سايب شغلة وراح الورشة وكان بيشيك ع العربية بنفسة ,, دة غير أنا كنت هريوا اتصالات كل شووية ! تسلم وجزاك الله كل خير وربنا يحبب فية خلقة ومعلشى تعبتك معــــــــايا ..

شكراا لنـــــــايل موتورز ** الواحد كل يوم بيعرف منة ناس ع حق وع مستوى من الاحترام والاخلاق **

فى رعـــــــ الله ـــــــــاية

**verna2008auto** · 02-09-2014 02:09 PM

احمد ابوزيد جامد AHMEDCAR ..وصاحب صاحبه من زمان
واهم حاجه انه فيرناوي متعصب ومنحاز ومتحيز وعنيف لفيفي واصحاب فيفي
وسعفني شخصيا في مواقف كتتتتتتتتتير مع فيفي
ربنا يجعله ف ميزان حسناته