السياره فى التليين

**buhana** · 02-09-2014 07:45 PM

العباره دى بنشوفها كتير متعلقه عا السيارات وطبعا غلط 100% وطبعا معظمنا بيعلقها بناء على تعليمات الاسطى زقطط المكانيكى وانت يا عم الاسطى ياللى بتقول على نفسك باشمهندس انت لو عامل العمره صح وحسب اصول الصنعه او اسس الميكانيكا الموتور عمره ما يحتاج تليين بدليل لو اشتريت سياره جديده بتمشى بيها عادى بدون تليين لذلك انصح الساده اصحاب السيارات ان يشوفوا الورشه اولا هل هى نظيفه ام لا واذا كان بيعمل العمره عا الرصيف او بيحط المساميرعلى تزجه وسخه وبينفخ المسمار قبل ما يركبه دا اوعى تعمل عندى اى حاجه ثم لازم تكون المسامير نضيفه
جدا ومربوطه حسب جدول ال تورك Bolt Torque Chart | Portland Bolt وعليها نقطه من حاجه اسمها
loctite

http://www.loctite.com/index2.php?cc=u
s
الاحمر لمسامير الكرنك ووش السلندر والازرق للاحمال الخفيفه واتحدى الاسطى زقطط ان يعرفه او يعرف الفرق
كمان العك اللى بيسموه جملكه جوانات دى بتخرب الموتور اكتر ما بتفيده ارجو ان اكون وضحت الامور لكم
تحياتى

ممنوع إستخدام اللون الأحمر حيث أنه مخصص للمداخلات الإدارية
م ب 3

**aymanshebl** · 02-09-2014 07:54 PM

و مين فى مصر كلها او ورشة بتعمل اللى انت بتقول عليه لا احد مافيش جودة فى اى حاجة فى مصر

**3abdo** · 02-09-2014 08:01 PM

يبشا كلو ركب وخلاص محدش بقا عندو ضمير خالص ربنا يصلح حال الناس الناس هطلع من هدومها تقبل تحياتي

**buhana** · 02-09-2014 08:53 PM

مش حكايه ضمير دى امكانياته ما يعرفش اكتر من كده (الاسطى زقطط)

**J A G U A R** · 03-09-2014 01:52 AM

بقى زقطط هايعرف يعمل ده كله !

**abokoko** · 03-09-2014 01:22 PM

كله بثمنه

لو عايز تعمل اللى حضرتك بتقول عليه
دور على توكيل - وشوف الثمن كام

اما الغلابة اللى زينا - لما بيعملوا عمرة -بيدوروا على اشهر ميكانيكى فى العمرات
و بيوصوه يهتم بالعمرة ويعملها بنضافة ووصايه فى الشغل
هههههههههههههههه

ربنا يكفينا شر عمرة الموتور وقرف الانتظار والمصاريف

تقبل تحياتى

**buhana** · 03-09-2014 09:35 PM

المشاركة الأصلية كتبت بواسطة abokoko

كله بثمنه

لو عايز تعمل اللى حضرتك بتقول عليه
دور على توكيل - وشوف الثمن كام

اما الغلابة اللى زينا - لما بيعملوا عمرة -بيدوروا على اشهر ميكانيكى فى العمرات
و بيوصوه يهتم بالعمرة ويعملها بنضافة ووصايه فى الشغل
هههههههههههههههه

ربنا يكفينا شر عمرة الموتور وقرف الانتظار والمصاريف

تقبل تحياتى

اوكى راح توصيه وهو عنده ضمير (افتراضا طبعا) بس السؤال هنا هل هو عنده الخبره الكافيه والعده المتلائمه للشغل؟ وهل بيعرف يستعملها؟ ولو مسمار ضاع وهذا احتمال وارد هل بيغيره بمسمار نفس المواصفات من ناحيه صلابه المعدن؟ هل الورشه نضيفه هل الفرول اللى لابسه عليه نراب من العربيه اللى نام تحتها وهو بيعمل العمره؟ الحاجات دى كلها لازم ناخد بالنا منها عشان بندفع تمنها اضعاف مضاعفه بعد شهر او 2 للعمره وترجع ليه يقول معلش ياباشا عوضك على الله وحصل خير انا اقوله ادفع انت الخساره وخللى الخير يحصل معاك