الموضوع: حد يعرف ايه بيحصل في الكهربا ؟؟

انا في القطامية عند نادي الصيد وقاطعة من ٧ الصبح !

شد عضلى

بلاك اوت جزئي .. وبيناور علشان يدخل ببعض المحطات

هاها ها . الظاهر الولد الشقى بتاع الخليفة المرسى اللى كان بياخد 20 جنية و ينزل السكينة رجع يلعب تانى و شكله عايز 40 جنية علشان ماينزلهاش .

طبعا ده كلام هبل لكن الحقيقة المشكلة أكبر من كدة بكتير . أكبر من مبارك ( اللى كان السبب فيها ) و من طنطاوى و مرسى و السيسي

إحتياجات مصر حاليا : 27 ألف ميجا (كل حاجة ) + 5 آلاف ميجا سرقات و عشوائيات +2 ألفين ميجا نطاعة ( جهات سيادية و شبه سيادية لا تنقطع عنها الكهرباء و لا تدفع )

إذا إجمالى إحتياجات مصر حاليا 34 ألف ميجا خلاف 8 آلاف ميجا مطلوبة للتوسعات العمرانية و الصناعية خلال سنتين ( المليون وحدة + ال150 ألف وحدة بتاعت الجيش + المصانع الجديدة و المصانع التى يعاد تشغيلها + توسعات مصانع الحديد و الأسمنت لزيادة الإنتاج لتغطية المشاريع الجديدة + إنارة طرق جديدة ......)

يعنى مصر تحتاج إمكانيات توليد 40 ألف ميجا حتى 2016 و المتاح حاليا 22 ألف ميجا لإن ليس كل محطات مصر تعمل فى وقت واحد و بنفس الكفاءة . إذا عجز مصر الحالى 12 ألف ميجا و ليس كما يقول الوزير 3 آلاف .

لسد العجز الحالى نجد أن كل وحدة توليد فى محطة combined تعطى 650 ميجا ( 5 توربينات * 130 ميجا ) و لا يوجد توربينة حرارية فى العالم تعطى أكثر من 130 ميجا حتى الآن . إذا نحتاج 27 وحدة يعنى 13 محطة كهرباء جديدة . والمحطة الواحدة تستغرق من 3-4 سنوات حتى تمام التشغيل و عندها تكون إحتياجات مصر زادت و الكهرباء لا تكفى .

لذلك المشكلة أكبر بكتييييييييير مما نتخيل و مما يقوله لنا المسئولين علما بأن الوزارة الحالية و لا التى قبلها و لا حتى وزارة قوطونيل مسئولة عن هذا .


الحل هو البدء من 10 سنين فاتت على الأقل فى إنشاء محطات نووية لإن الوحدة الواحدة منها تعادل 4 محطات من اللى عندنا فى مصر .

الموضوع محتاج قائد شجاع جرىء ياخد القرار

و لو بدأ السيسى اليوم فى التنفيذ فهناك أمل فى إنكسار المشكلة بداية من سنة 2020 و ماينفعش قبل كدة.

مصادر: انقطاع الكهرباء لخطأ في مناورة بخط السد.. وعودة التيار خلال 5 ساعات | المصري اليوم

كان بيناور بخط السد العالي .. التردد اتغير .. المحطات خرجت نفسها اتوماتيك للحمايه

المشاركة الأصلية كتبت بواسطة ahmedwagdy03

و لا يوجد توربينة حرارية فى العالم تعطى أكثر من 130 ميجا حتى الآن .

فيه تربينات غازيه بطلع لحد 250 ميجا
النوباريه فيها اتنين
سيدي كرير فيها اتنين
العطف فيها اتنين
شمال القاهره اتنين
واكتوبر
وفي كتييييير مس متذكر دلوقتي

المشكله جت منين ؟

1- مفيش وقود يشغل المحطات غاز طبيعي ومازوت (وتقريبا عشان مفيش فلوس نشتري)
2- بقالنا اربع سنين مفيش محطه خلصت بما يرضي الله .. من كتر الاضرابات ووقف العمل في المحطه مثل السخنه وبنها والسويس وطلخا وابو قير والتبين انفجرت ... و و و و و
بعد ده كله طبيعي جدا يحصل عجز

الحل من وجه نظري

1- ع المدى القريب
توفير وقود كافي للتشغيل
انشاء محطات غازيه بسرعه (بتاخد 6 شهور)
نكمل عادي في المحطات البخاريه (بتاخد من 3 الى 4 سنين)
ترشيد الاستهلاك

2- ع المدى البعيد
محطه نوويه في الضبعه في اسرع وقت (بتاخد 10 سنين تقريبا) وبتنتج تقريبا 5 جيجا

المشاركة الأصلية كتبت بواسطة a_nbm

فيه تربينات غازيه بطلع لحد 250 ميجا
النوباريه فيها اتنين
سيدي كرير فيها اتنين
العطف فيها اتنين
شمال القاهره اتنين
واكتوبر
وفي كتييييير مس متذكر دلوقتي

المشكله جت منين ؟

1- مفيش وقود يشغل المحطات غاز طبيعي ومازوت (وتقريبا عشان مفيش فلوس نشتري)
2- بقالنا اربع سنين مفيش محطه خلصت بما يرضي الله .. من كتر الاضرابات ووقف العمل في المحطه مثل السخنه وبنها والسويس وطلخا وابو قير والتبين انفجرت ... و و و و و
بعد ده كله طبيعي جدا يحصل عجز

الحل من وجه نظري

1- ع المدى القريب
توفير وقود كافي للتشغيل
انشاء محطات غازيه بسرعه (بتاخد 6 شهور)
نكمل عادي في المحطات البخاريه (بتاخد من 3 الى 4 سنين)
ترشيد الاستهلاك

2- ع المدى البعيد
محطه نوويه في الضبعه في اسرع وقت (بتاخد 10 سنين تقريبا) وبتنتج تقريبا 5 جيجا

أستاذى :

1- كان لى الشرف فى العمل فى محطة سيدى كرير عام 1996 المرحلة الأولى ثم محطة عيون موسى 1998 و كذلك محطة النوبارية 2005 مع شركة المقاولات التى كانت تنفذ محطة غرب القاهرة فى نفس الوقت . ثم محطة العطف 2008 . ولى أصدقاء فى محطة العين السخنة و أؤكد لك أن كلها 640 ميجا لكل مرحلة .

2- يوجد فى العالم توربينات تولد أكثر من 130 ميجا و لكن ليس فى مصر و لا أعتقد أنها تصلح إنشائيا فى مصر

أوافقك على باقى كلامك