الموضوع: كروز او رينو فلونس

هفكر مع حضرتك بعملية و بصوت عالى:
- موتور تقريباً نفس الحاجة و العربيتين ممتازين
- عفشة قريبة برده من بعض
- ثبات الأتنين ممتازين و كمان الكروز فيها esp مش موجود فى الفلوانس
- هاندليج برده ممتاز فى الأتنين

يعنى من الأخر أساسيات العربية فى الأتنين واحد و ممتاز فى الأتنين.....و أى إختيار أنت كسبان

لو حضرتك كنت بتتكلم عن فلوانس 155 ألف كنت هقولك خد كروز

أنما بما أنك بتتكلم على فلوانس 170 ألف ففيه حاجات محترمة لا يجب إغفالها لصالح الفلوانس:

1- مساحة صالون خلفية أوسع
2- شنطة أكبر
3- توكيل أفضل (هتضطر تتعامل معاه طول فترة الضمان على الأقل- 3 سنوات أو 100 ألف كم)
4- دريكسيون كهربا....تقيل مع السرعات خفيف و أنت بتركن و مش محمل على الموتور
5- جردل كماليات زيادة :
* نظام ستارت ستوب
* كارت تشغيل و ده حكاية لوحده
* مخارج تكييف خلفية
* بلوتوث تليفون مع تحكم من الطارة و usb و aux
* 3 ستاير خلفية حكاية
* موفرة جداً فى البنزين علشان الفتيس الجديد
* led مع أضواء نهارية drl
* مثبت سرعة
* محدد سرعة
* تانك بنزين 60 لتر
* 4 زجاج كهربا لمسة واحدة طلوع و نزول
* حساس مطر (حكاية)
* حساس ضوء
* إضاءة نور السيارة من الكارت
* فتح و قفل من بصمة الباب

و هكذا و هكذا :)

----ممكن أكون ملغبط شوية فى كماليات الكروز....برجاء التصليح من ملاكها

- تزيد الكروز ال esp

فى رأى.....فئة ال 150/155 ألف تكتسح الكروز فيها
فئة ال 170 ألف تكتسح الفلوانس فيها

طبعاً مرة أخرى أركب دى و أركب دى و اللى ترتاح فيه أكتر توكل على الله....الأتنين ممتازين

تحياتى