سؤال لملوك الدايو بخصوص اللاسيتي

**Abo_Mazen** · 05-09-2014 12:42 PM

سؤال لملوك الدايو ..

هي الدايو لاسيتي ..بتتباع في مصر زيرو ..ولو مش بتتباع في مصر زيروا ..كل اللي راكبينها جابوها من فين ..يعني داخله بموافقات إستيراديه ولا إيه مش فاهم ..عشان بقيت أشوفها كتير عندنا عادي ..ولا تكونش بتدخل معاقين ..بس أنا لما بشوفها ما بتكونش مجهزه ..بشوفها عادي يعني ..

ياريت كبارات الدايو يدلو بدلوهم في الموضوع ده ويفيدوني

**waga** · 05-09-2014 12:56 PM

ممكن ترجمه !!! وياريت صوره مصاحبه للترجمه....

**Abo_Mazen** · 05-09-2014 01:09 PM

المشاركة الأصلية كتبت بواسطة waga

ممكن ترجمه !!! وياريت صوره مصاحبه للترجمه....

ترجمه لإيه حضرتك؟؟ ..

أنا كنت بقول ..فيه عربيه ماشيه في شوارع جمهورية مصر العربية إسمها (دايو لاسيتي)..والعربيه عليها الشعار بتاع شركة دايو ..ومن إنتاج شركة دايو ....العربيه دي موجوده وماشيه ومعلقة نمر جمهورية مصر العربية

السؤال بالترجمه ..

العربيه (دايو لاسيتي) أقدر أشتريها زيرو من فين في جمهورية مصر العربية ..؟؟؟

لو السؤال صعب ممكن حضرتك تقولي فين وجه الإلتباس اللي حاصل في السؤال وأنا هحاول جاهدا إني أبسطه عن كده

**OmarAdel98** · 05-09-2014 02:30 PM

في معرض في بورسعيد بيبعها زيرو و في اللي بيجبها من برة عادي يعني

**waga** · 05-09-2014 02:35 PM

المشاركة الأصلية كتبت بواسطة m_m_sh_a

السؤال بالترجمه ..
العربيه (دايو لاسيتي) أقدر أشتريها زيرو من فين في جمهورية مصر العربية ..؟؟؟

ايوه كده حضرتك الترجمه وضحت كل حاجه
والموضوع مش محتاج كبارات ولا حاجه
1- اذا عايز تشتري السياره دايو لاسيتي زيرو من مصر وتكون انت اول يد ما عليك الا انت تروح معرض سيارات منصور شيفورليه في جامعه الدول العربيه هتلاقيها معروضه هناك باسم شيفورليه كرووز
2- لو مصمم تشتري العلامه دايو لاسبتي فا حضرتك ها توصل كوريا هتلاقي منها مستعمل
وهي كان اسمها الاصلي
GM Daewoo Lacetti Premiere

**mahmoudysf** · 05-09-2014 02:45 PM

الموديلات من 2003 الى 2006 اللي هي هنا اوبترا كلها معاقين.
ولو تقد شكل الكروز كنت سمعت ان فيه معرض بتبيعها في بور سعيد.
وعلى فكرة لا يمكن مقارنة اللاسيتي بالكروز اللي بتتباع هنا من حيث الاوشن والخامات والتقفيل.
لو لقيت واحد لاسيتي نضيفة توكل على الله

**أمجد هووز** · 06-09-2014 08:51 PM

المشاركة الأصلية كتبت بواسطة m_m_sh_a

هي الدايو لاسيتي ..بتتباع في مصر زيرو ..ولو مش بتتباع في مصر زيروا ..كل اللي راكبينها جابوها من فين ..يعني داخله بموافقات إستيراديه ولا إيه مش فاهم ..عشان بقيت أشوفها كتير عندنا عادي ..ولا تكونش بتدخل معاقين ..بس أنا لما بشوفها ما بتكونش مجهزه ..بشوفها عادي يعني ..

المشاركة الأصلية كتبت بواسطة m_m_sh_a

ترجمه لإيه حضرتك؟؟ ..
السؤال بالترجمه ..
العربيه (دايو لاسيتي) أقدر أشتريها زيرو من فين في جمهورية مصر العربية ..؟؟؟

m_m مساء القفش
طب انت التاوي ... حد قال لك تيجي الدايو ؟؟؟ اهه بتوع الدايو شكلوا عليك
ما هو الراجل عنده حق يطلب ترجمه... الصراحه يونس شلبي بيسال
( البتاعه دي انت اللي عملتها ولا مين اللي عملها )
بص بقي ابعد عن قسم الدايو ...انا في مره قفشت مع واحد ..تاني يوم جاب لي عيال من الي بيمضمضوا بجاز ..وصبيان جزارين .. نصيحه ا سأل السؤال وارجع علي قسم السوزوكي بسرعه وما تكترش
مساء الفل والله ليك وحشه

**Abo_Mazen** · 06-09-2014 09:11 PM

المشاركة الأصلية كتبت بواسطة waga

ايوه كده حضرتك الترجمه وضحت كل حاجه
والموضوع مش محتاج كبارات ولا حاجه
1- اذا عايز تشتري السياره دايو لاسيتي زيرو من مصر وتكون انت اول يد ما عليك الا انت تروح معرض سيارات منصور شيفورليه في جامعه الدول العربيه هتلاقيها معروضه هناك باسم شيفورليه كرووز
2- لو مصمم تشتري العلامه دايو لاسبتي فا حضرتك ها توصل كوريا هتلاقي منها مستعمل
وهي كان اسمها الاصلي
gm daewoo lacetti premiere

هي حضرتك هنا في مصر إسمها شيفروليه أوبترا مش شيفروليه كروز..

**Abo_Mazen** · 06-09-2014 09:15 PM

المشاركة الأصلية كتبت بواسطة أمجد هووز

m_m مساء القفش
طب انت التاوي ... حد قال لك تيجي الدايو ؟؟؟ اهه بتوع الدايو شكلوا عليك
ما هو الراجل عنده حق يطلب ترجمه... الصراحه يونس شلبي بيسال
( البتاعه دي انت اللي عملتها ولا مين اللي عملها )
بص بقي ابعد عن قسم الدايو ...انا في مره قفشت مع واحد ..تاني يوم جاب لي عيال من الي بيمضمضوا بجاز ..وصبيان جزارين .. نصيحه ا سأل السؤال وارجع علي قسم السوزوكي بسرعه وما تكترش
مساء الفل والله ليك وحشه

يعني أنا عاوز أسال على الدايو ..أسأل عليها فين غير في حارة الدايو ..يعني واحد خريج طب ..هيشتغل إيه غير إنه دكتور..واحد خريج هندسه ..هيشتغل إيه غير إنه مهندس ..واحد خريج زراعه ..يشتغل مزارع ..وتجاره يشتغل متاجر ..واللاسيتي ..أسأل عليها بتوع الدايو ..

بس تصدق أنا فاتتني دي ..ما كان ممكن أسأل في قسم الشيفروليه ..ما هي موجوده في مصر بإسم شيفروليه أوبترا ..تصدق صحيح ينفع ..طيب بقى ..سلام عليكم ..أنا رايح على قسم الشيفروليه أسأل هناك