تغيير شكل الفتيس فى عربية فولكس بيتلز موديل 79 مساعدتكم ونصيحتكم

**محبة الرحمن** · 05-09-2014 04:46 PM

السلام عليكم ورحمة الله وبركاته

إخواني الحمد لله اشتريت عربية فولكس بيتلز موديل 79 فابريكيه
وتم عمل لها عمرة كاملة وتغير عفشة وعملها تليين وكله

طبعا الوالد اشتراها من شخص قريب للعايلة وموثوق فيه
وهوا اللى غير كل حاجه

بس عاوزه اسال سؤال يهمني

دلوقتي الفتيس بتاع العربية مضايقني الحقيقة
هو فتيس العربية عبارة عن حديدة طويلة طالعه من ارضية العربية
ورفيعة جدآآآآ وراس عصاية الفتيس طبعا خالية من الاشارات و الارقام وصغيره جدآ كمان
وبصراحة مش مريح فى السواقة نهااائي

----

أنا نفسي أخلى الفتيس زي ده بالظبط فى الحجم والشكل والاشارات
لان انا تعلمت على عربية كان الفتيس بتاعها كده بالظبط
وكان مريح جدا فى السواقة والتبديل

فين وعند مين وبكام أرجو افادتي يا اخوان
اختكم فى الله بحاجه لنصيحتكم
هل ممكن تغيره لفتيس زي اللى فى الصورة
ويتكلف كام وعند مين

**aymanshebl** · 05-09-2014 06:25 PM

متابع

**mustafaezz** · 07-09-2014 10:23 PM

اعتقد ان حضرتك ممكن تروحى لاى سروجى قوليله عايزه قاعده للفتيس لان شكله كده مش عاجبنى وهو هيقولك تعملى ايه بالضبط وممكن يعمله لحضرتك زى الصورة دى

**محبة الرحمن** · 09-09-2014 03:36 PM

شكرا ليكم ع المعلومات
اخي الكريم شكرا ع الاقتراح
بس لو تفيدني ب المكان و الاسعار أكون شاكرة جدآ
وياريت تفيدوني
لو عاوزه اعمل رشة نظافة للعربية تتكلف كام و فين بس يكون مكان عنده ضمير

**محبة الرحمن** · 09-09-2014 03:37 PM

وكمان استفسار وبعتذر ع الازعاج لو عاوزه اغير كراسى العربية اللى قدام
لكراسي ثانية أقدر اتحكم فى تحريكها
لان كراسي العربية للاسف ثابته ولاصقة فى الكنبة الخلفية بشكل واضح جدااا
ف اقدر اغيرها فين و بكام

**mustafaezz** · 09-09-2014 09:05 PM

بمناسبة الضمير مافيش حد عنده ضمير ممكن تعملى عنده انا كان معايا بولو 99 مابقتش عربية سواء كهرباء ميكانيكه سمكره ودوكو وكله ده بسبب عدم الضمير
انتِِ روحى لكذا سروجى قريب من منطقة حضرتك وشوفى هيقولك ايه والاسعار ايه وشوفي ايه اللى يناسبك ومين اللى ارتحتيله واتكلى على الله بس اقفى على دماغه لانهم معدومين الضمير ولو اللى هيعمله مش عاجبك قوليله مش عاجبنى ماتخديش حاجه غصب عنك ما دام هتدفعى فلوس يبقى لازم تاخدى حاجه مريحاكى والاسعار هتكون تافهه لانه مش هيعمل حاجه صعبه يعنى.
موضوع الكراسى ده انا مش هقدر افيدك فيه لانى مش معايا بيتل ولا عمرى ركبتها وماعرفش حجمها من جوه اد ايه وايه الكراسى اللى ممكن يتركب عليها
بس لو حجمها نفس حجم الفيات 127 فا كراسى الاوبل كورسا هتركب عليها
لو اوسع شوية نصيحه منى ركبى كراسى بولو لان العربية كانت معايا وكراسيها مريحه جدا جدا والاسعار بتختلف من محل لاخر بس مش هتبقى غاليه لان واحد صاحبى كان شارى كرسين اوبل كورسا ب 1100 جنيه من بورسعيد بس كانوا نضاف جدا جدا جدا
ونصيحة من اخ ليكى اعملى حاجه تكونى راضيه عنها 100% علشان تبقى راكبه العربيه ومبسوطه ومرتاحه نفسيآ
وموضوع رش العربيه ده سهله انا كان معايا 127 قبل كده رشتها كله من غير سمكره ب 1400 جنيه وبرضوا الاسعار بتختلف من واحد للتانى وانا والله العظيم ما بعمل عند حد معين لانهم ماعندهمش ضمير
انا معرفش غير واحد بس بتاع عفشة الله اكبر عليه روحتله مره وبقيت اروحله على طول واجيب اصحابى ليه بس ده فى حدائق القبه وغالى
وربنا يوفقك ان شاء الله