سؤال بخصوص ماكينة وفتيس اوكتافيا - هام جدا

**aiscargo.com** · 05-09-2014 08:42 PM

تحية كبيرة لشباب المنتدى خصوصا القسم دة

محتاج مشورتكم لو تكرمتم من اهل الخبرة

اخويا ناوي يشتري بإذن الله اوكتافيا A5 من 2006 إلى 2010 حسب النصيب وقرأت كثير عن مميزات وعيوب العربية من اول الفتيس والماكينة إلى قطع الغيار وطبعا اغلبها سوء استخدام

لكن بما انه هايشتري مستعمل ومحدش عارف الي قبله رجله كانت عامله ازاي محتاج النصائح بخصوص ما يلي :

اولا : هل الموديل 2010 افضل لانو مافيش فيه فتيس DSG وسعر اقل فئة مستعمل في السوق الوقتي ممكن يكون كام بدون مشاكل في العربية او حوادث

ثانيا - نفترض كانت فيه عربية نظيفه لكن الماكينة والفتيس في الضياع هل ممكن اسقط ليها ماكينة وفتيس ثانين جولف مثلا او اي نوع الماني- اواكتافيا موديل اعلى يعني مثلا من نفس السنة بحيث ابعد عن فتيس DSG - وهل هايخلف او ايبرجل حاجة في العربية ؟

ثانيا : ازاي اعرف انو العربية فيها فتيس اتوماتيك غير النوع الي DSG دة

ثالثا : اسعار الفتيس والماكينة ياريت والله ضروري السؤال دة - يعني حسب اجابة السؤال الاول اذا ينفع من موديل اوكتافيا او ينفع من جولف مثلا لاني سامع الموضوع دة فيه ناس بتعمله والاسعار شكلها ايه

بارك الله فيكم وشكرا على اهتمامكم

**طارق _عبد السلام** · 05-09-2014 09:16 PM

ياااااااااااااااه كل ده :)

اولا الاوكتافيا من 2006 الى 2009 دى الشكل الايه فايف ومنها 2009 فانتازيا

ثانيا من 2009 الى 2013 دى بقى الفانتازيا

وعايزك تطمن من 2006 الى 2010 كلها فتيس ستيب ترونيك 6 سرعات مشاكله قليله مع مواظبه الصيانه
وهى تغيير زيت فتيس وفلتر كل 60 الف كيلو

عايز تعرف العربيه فتيسها dsg لازم طبعا الموتور يكون تربو لكن العربيات الموتور mpi 1600 cc كلها فتيس ستيب ترونيك

طبعا موضوع ان الموتور يكون ضايع زى مابتقول بجد صعبه جدا في الموديلات دى ممكن الموتور يكون كفائته ضعفت لكن ضااااااااايع صعبه صعبه

من ناحيه انك تسقط موتور والكلام ده طبعا الموضوع هيكون مكلف

لو بتدور على عربيه من موديل السنه اللى انت كاتبه افضل لك 2010 الفانتازيا

**طارق _عبد السلام** · 05-09-2014 09:21 PM

تكمله بالنسبه لسعر 2010 هتلاقى الفئه الاولى بتلعب في 135 الى 138

الفئه الثانيه بتوصل 145
الفئه الهاى لاين من 155 الى 165

حته انك تلاقى عربيه حالتها نضيفه لكن موتور وفتيس ضايع دى بستبعدها اصلا لانها لو متبهدله خوارج موتورها هتلاقيه لسه بصحته

هتشترى العربيه اول شىء هتسئل على فواتير الصيانه او تعرف العربيه اتعاملت مع اى مركز صيانه وهتسئل هناك هيقولوا لك اخر صيانه للعربيه كانت امتى ومنها هتحدد
لو مكنش فيه فواتير صيانه هتكشف على العربيه في اى مركز متخصص سكودا هيقولك اصلها وفصلها
وطبعا انت لك نظره

**aiscargo.com** · 09-09-2014 05:26 AM

شباب محتاج ردكم الله يباركلكم

**طارق _عبد السلام** · 09-09-2014 05:38 AM

2006 من 95 الى 110

**طارق _عبد السلام** · 06-04-2015 08:57 PM

المشاركة الأصلية كتبت بواسطة goyamasta

السلام عليكم استاذ طارق. هو طبعاً موضوع قديم بس انا شفته بالصدفة و حابب اسأل عن الموتور ال mpi 1.6 اللى بينزل مع الرابيد و التوليدو 2015 و عرفت ان ده نفس الموتور اللى فى a5 و جولف 5. هل الموتور كويس؟ هل استهلاكه للبنزين عالى؟ هل سعر الرابيد اللى هو فى حدود 165000 تقريباً كتير عليها علشان موتورها قديم (بغض النظر عن الكماليات و الاوبشنز) ؟ و لا اتوكل على الله و اجيبها و انا مطمن؟

وعليكم السلام

بجد معنديش معلومه انه نفس موتور الاوكتافيا

لكن لو هو وراكب على الرابيد فهيكون ادائه افضل كتير لان الرابيد اخف فى الوزن..... ومن ناحيه مشاكله ملوش مشاكل من فضل الله زى الفل واستهلاك البنزين كان فى الاوكتافيا ممتاز بالنسبه لاغلب العربيات ال 1600.فيه فرق لصالح الاوكتافيا