كارينز 2014 بجد معكننة عليه

**houseiny** · 05-09-2014 10:16 PM

اجدع شباب السلام عليكم
انا معايا كارينز 2014 خليجي كاملة اوتوماتيك ، بتحصل معايا حاجة غريبة جداً ، ان الدركسيون لما بيجي يلف يمين او شمال بيعمل صوت طق طق طق طق ، ب وهي واقفة وهي ماشية او فالملفات بتبقى كويسة ، المهم قالوي ده عيب بطاحات ، روحت غيرت البطاحات ودفعت 1000 جنيه بالمصنعية ، ولا الدموع الصوت زي ما هو ، يا تري الصوت ده إيه ، مع العلم ام العربية مافيهاش اي مشكلة غير الصوت ده ومش مأثر على اداء العربية ، قولت يمكن انا موسوس ولا حاجة سمعتها لكذا حد يقولي إيه الصوت ده ، بجد صوت غريب ، انا مشكلتي مبحبش العربية يبقى فيه اي اصوات غريبة ، حرام عربية لسه جديدة ومش رخيصة وتمنها ليه مخلصش وتعمل كده ، امال لو كانت مستعملة ولا رخيصة كانت عملت فيه إيه ، بالله عليكم اللي عارف الصوت ده من إيه يا ريت يقولي عشان بجد الصوت ده معكنن عليه جداً جداً جداً جداً ومكرهتي في العربية والله بعد ما كنت بحبها جداً بقيت قرفان منها ومش عايز اركبها لان مش عارف الصوت ده جاي منين ومن إيه ، مع العلم ان التوكيل كشف على علبة الدركسيون ولقاها سليمة ، ومافيهاش مشاكل وكشف على العفشة كلها زي الفل ، مافيش غير الصوت ده ومحدش عارف له اي سبب ، قريت هنا في مرة اني دي قطمة الدركسيون ، بس مش فاهم تتحل أزاي ؟؟؟ منتظر ردودكم ربنا يكرمكم

**Sameh samy** · 05-09-2014 11:05 PM

ممكن تكون المساعدين علي فكرة فيها بوش

**eng wael** · 05-09-2014 11:19 PM

طبعا حاجه تعكنن بس ازاى غيرت البطاحات بفلوس مش المفروض انها فى الضمان
صوت الطقطقه ده ممكن يكون الكبالم بس العربيه لسه جديده او من الاسكترا والله اعلم

**houseiny** · 05-09-2014 11:20 PM

المشاركة الأصلية كتبت بواسطة sameh samy

ممكن تكون المساعدين علي فكرة فيها بوش

باشا ، والبوش ده علاجه إيه ؟؟؟

**Adnfalcon** · 05-09-2014 11:30 PM

دا حوار علبه دركسيون أو كبالن خارجيه

**trise2** · 05-09-2014 11:42 PM

اسكاترا

**houseiny** · 06-09-2014 12:02 AM

المشاركة الأصلية كتبت بواسطة eng wael

طبعا حاجه تعكنن بس ازاى غيرت البطاحات بفلوس مش المفروض انها فى الضمان
صوت الطقطقه ده ممكن يكون الكبالم بس العربيه لسه جديده او من الاسكترا والله اعلم

هي البطاحات استهلاكية عشان كده بره الضمان وغير كده انا خليجي
بصراحة انا مستبعد الكبالن عشان العربية في الملفات كويسة مبتعملش صوت ، ولو علبة الدركسيون كانت هتتهبد في المطبات وتعمل صوت ، وده مبيحصلش ، للعلم فقط عي الركسيون بتاعها كهرباء مش باور ، كان في موضوع قبل كده بيتكلم في ان الموضوع ليه علاقة بقطمة الدركسيون انه بيكون تليسكوبي يعني حاجة راكبة جوة حاجة ، وانه بيفك من بعضة عشان المطابات الكتير اللي مصر واللي ماسكهم في بعض بنطة نحاس وهي دي اللي بتفك ، بس مينفعش اي حد يعملها غير بطريقة معينة عشان الايرباجز ، طبعاً مش فاهم أوي وعشان كده مش عارف اي حاجة في اي حاجة

**houseiny** · 06-09-2014 12:05 AM

المشاركة الأصلية كتبت بواسطة adnfalcon

دا حوار علبه دركسيون أو كبالن خارجيه

ما هما كشفوا على العلبة في التوكيل وقالولي سليمة ، ما هو ده اللي هيجنني

**houseiny** · 06-09-2014 12:10 AM

المشاركة الأصلية كتبت بواسطة adnfalcon

دا حوار علبه دركسيون أو كبالن خارجيه

الكبالن مش بتطقطق في الملفات كويسة ، والعلبة كشفوا عليها في التوكيل ولقوها كويسة

**abaza_momo** · 06-09-2014 01:15 AM

عاااادي يا باشا لما تكون دايس فرامل وبتلف العجل بيحصل كدااا
لو واقف وبتلف الدركسيون من غير فرامل ممكم يكون فيها حاجه والله اعلم

الموضوع: كارينز 2014 بجد معكننة عليه

LinkBack

أدوات الموضوع

عرض

كارينز 2014 بجد معكننة عليه - انشر الموضوع فى :

-

-

-

-

-

المواضيع المتشابهه

إستطلاع كارينز 2014 ولا كورولا 2014

تجربه كيا كارينز 2014

بيجو 3008 2014 ام ستروين c4 بيكاسو ام كارينز 2014

كارينز 2014 مش عجبانى انا حر !!

الكلمات الدلالية لهذا الموضوع

المفضلات

المفضلات

ضوابط المشاركة