ارجوكم مساعده عاجله للسي 4

**amfms** · 06-09-2014 12:11 AM

اشتريت c4 موديل 2005 ماشيه 120 الف المهم روحت كشفت عليها في التوكيل قالولي ان العربيه عامله كل الصيانه عندهم لحد 120 الف يعني قبل ما اشتريها بكام يوم وغيرت كل حاجه سيور وفﻻتر وتيل وطنابير حتى طورمبة البنزين وعمرة فتيس المهم اشتريتها ومشيت بيها مشوار وانا راجع في ميدان الرمايه والدنيا زحمه ومشغل التكييف ﻻقيت العربيه مش عايزه تمشي كأنها ماشيه تﻻته سلندر وبتكركر قفلت التكييف ظبطت المهم رجعتلهم التوكيل فضلت معاهم من 9صباحا حتى 5مساءا واستلمتها قالولي انهم نزلوا سوفت وير للفتيس ونضفوا البوابه وقالوا تمام مشيت بيها تاني وبعد شويه رجعت تاني نفس الوضع قولت انزل صقر قريش روحت قالولي كﻻم غريب اربة فتيس وكمبريسور تكييف المهم مقتنعتش رجعت التوكيل تاني نفس الحوار ومشيوا بالعربيه تجربه 150كيلو وقالوا العربيه مش مسجله اي اخطاء مشيت بيها يوم ونفس الح ار زهقت جدا فرحت انهارده الحرفيين عند زناتي الكهربائي حطها على الجهاز مفيش اي اخطاء خدنى ورحنا عند العسكري شافها ملقاش اي مشاكل وقالي المشكله دي حاجه من تﻻته ماتور خفيف او طورمبة بنزين او سويتش تكييف وبعد كشف قالي هو السويتش اشتريته استيراد وركبته وانا راجع من التوكيل وفي نص صﻻح سالم رجعت تاني العربيه ....المهم ان كل ده مفيش وﻻ مره العربيه عملت فيها الحةار ده اودام الصنايعي او التوكيل يعني معرفوش يشخصوا كويس ...والمةضوع ده العربيه بتعملوا والتكييف شغال وفي زحمه اما لو العربيه ماشيه مفيش اي مشكله .....المشكله تاني هي احيانا والعربيه واقفه والتمييف شغال مترضاش تمشي وار بي ام مايعﻻش وانا دايس اخر الدواسه اقفل التكييف تظبط في ساعتها ....افيدوني ارجوكم ﻻني بفكر ابيع العربيه ..

**ENG.MaRk** · 06-09-2014 01:37 AM

مش هيفيدك في الحوار ده غير بركة دعاء الوالدين ... سيتروين بالتحديد و الفرنساوي عامة مشاكلهم صعبة و كتيرة ... بيعها و ارتاح !!!

**makarther** · 06-09-2014 01:57 AM

بيتهيالى العربية عايزة تتحط على الكومبيوتر بحيث تتم فرمتة الكومبيوتر بتاعها
ده اللى حصل معايا فى عربيتى و بعد لف و دوران و تكاليف
طلع الموضوع مش عايزة غير ان يتم توصيلها بالكومبيوتر فى صيانة التوكيل يعيد فرمتتة الكمبيوتر الخاص بالعربية
أتمنى يكون ده اللى عندك لإنه مش حيكلفك حاجة
بس روحلهم و قولهم كده علشان ما تلفش أكتر من كده
و ربنا معاك

**highspeed** · 31-10-2014 10:00 AM

المشكلة اتحلت بعد حوارات طويلة مع التوكيل والعربية قعدت عندهم اسبوع كلمونا بعد يومين قالوا هنفك الفتيس استغربت وقولتلهم حلو المشكلة بأي شكل...
روحت استلم العربية بعدها بيومين وجدت الاتي:
تم تغيير فالف فتيس والمشكلة اتحلت والحمدلله
تم تغيير فاعدة فتيس في طريقهم بالمرة...
المفاجأة: لمبة الايرباج منورة ومكانتش منورة لما وديتهالهم.. العربية قارية شرطه مكان الغيارات بدل D N R
قولتلهم ايه ده ؟؟؟؟
وصلوها على الجهاز قالوا دع حساس فوق الفتيس multi function عايز يتغير او يتنضف ومعرفوش الايرباج فيه ايه..
خد العربية يابيه جرب المشكلة الاساسية وابقى تعالى نعملك الحاجات التانيه!!!
المشكلة الاساسية اتعملت وروحت كشفت على الحساس بره لقيتهم ناسيين يربطوه... ولقيت اولسيه الفتيس بيرشح زيت .. والايرباج عايز يتفك يتكشف عليه...
والله حاجه تكسف ان الاهمال ده يبقى في التوكيل...

**tottihr** · 31-10-2014 02:47 PM

الحمد الله ان المشكله الاساسية اتحلت و لو التوكيل مش كويس فى ناس كتير بتفهم فى ستروين ممكن تتعامل معاهم

**eslam.maghawry** · 01-11-2014 12:34 AM

المركز الهندسي مان اوتو (بيجو&ستروين)
متفرع من اللبيني خلف أولاد رجب شارع المجزر الآلي مريوطية هرم
مصطفى توفيق 01141848691
المركز فيه جهاز كشف أعطال وونش ومساحته كبيرة بالطول وفيه قاعة إستقبال بالتكييف وتلفزيون وريسيفر :d

المركز ده انا بتعامل معاه بجد فوق الممتاز وابقى عرفهم انك من المنتدي وتعرفني

**ahmdghalwash** · 01-11-2014 12:40 AM

المشاركة الأصلية كتبت بواسطة highspeed

المشكلة اتحلت بعد حوارات طويلة مع التوكيل والعربية قعدت عندهم اسبوع كلمونا بعد يومين قالوا هنفك الفتيس استغربت وقولتلهم حلو المشكلة بأي شكل...
روحت استلم العربية بعدها بيومين وجدت الاتي:
تم تغيير فالف فتيس والمشكلة اتحلت والحمدلله
تم تغيير فاعدة فتيس في طريقهم بالمرة...
المفاجأة: لمبة الايرباج منورة ومكانتش منورة لما وديتهالهم.. العربية قارية شرطه مكان الغيارات بدل d n r
قولتلهم ايه ده ؟؟؟؟
وصلوها على الجهاز قالوا دع حساس فوق الفتيس multi function عايز يتغير او يتنضف ومعرفوش الايرباج فيه ايه..
خد العربية يابيه جرب المشكلة الاساسية وابقى تعالى نعملك الحاجات التانيه!!!
المشكلة الاساسية اتعملت وروحت كشفت على الحساس بره لقيتهم ناسيين يربطوه... ولقيت اولسيه الفتيس بيرشح زيت .. والايرباج عايز يتفك يتكشف عليه...
والله حاجه تكسف ان الاهمال ده يبقى في التوكيل...

السلام عليكم..اخي العزيز هون عليك والحمدلله ان المشكلة تم حلها ......مع ان العيب الخبيث ليس له علاقة بالفتيس...ولو له علاقه كان ظهر ع الجهاز...ولو الفالف بدي في مشكلة كان ظهر ع الجهاز في قياس الضغوط او حتي بيان حركة الصمامات!!!!!طيب...معني ده العيب كان فين...احب اوضحلك ان المشكلة دي بسبب حساس الكرانك كانت فيشته تالفه او غير مثبته جيدا...وده مع حمل التكييف بيسبب اترتيلة واحيانا كان مفيش معاك دواسة بنزين واحيانا اخري بتكون السيارة تسير بشكل طبيعي....كمان لما بتدخل ع الجهاز غالبا لايسجل عطل .......ويفسر احيانا خطا بعيب بوابة الحقن او طلمبة البنزين...وهو شائع جدا في 307...غالبا لما فكم الفتيس الصنايعي ثبت الفيشة كويس لانها بتبقي قدامه......ثانيا يجب اصلاح زور الفتيس لانه هيسبب نقص لزيت الفتيس ومن ثم تلفه ولااعلم كيف يتحدث مهندس في التوكيل عن اخراج السيارة بدون تغيره؟؟؟؟لمبة الايرباج ان شالله سليمه تاكد من سلامة الفيش اسفل كرسي السائق...ويمكن الكشف بالجهاز وتحديد عيبها بدقه....اسف ع الاطالة بس لازم ترجع للتوكيل لحل مشكلة اويل سيل زور الفتيس
م-احمدغلوش

**demonarundo** · 01-11-2014 02:23 AM

عامة توكيل ستروين عن تجربة من أفشل التوكيلات اللى فى مصر
انا كان عندى مشكلة فى الكهرباء, روحت عندنا فرع اسكندرية والعربية قعدت عندهم 4 ساعات وفى الآخر فالولى روح التوكيل بتاعنا فرع ابو رواش عشان هما عندهم امكانيات احسن , ودفعونى 200 جنيه تمن الكشف بالجهاز مع العلم انهم معرفوش يقروا بيه عشان مشكلة الكهربا كانت بتخلى الكنترول يهنج

وفى الآخر سيبتهم وروحت لكهربائى وطلعت المشكلة فى البوجيهات والموبينة

**tottihr** · 01-11-2014 03:40 PM

فعلا توكيل شكله كده اى كلام ناس كتير بيشتكوا منه

**mohamed1992** · 12-11-2014 11:06 AM

المشكله دي في مغظم السي 4 دي حاجه في الفتيس اسمعا كعب ديل الفتيس تقريبا حاجه كده و ملهاش دعوة بالفالف بودي ولا طرمبه البنزين ولا البوجيهات ولا الفيوزات ولا الكنترول ... كل ده ملوش دعوة بمشكلتك ... هو ان شاء الله كعب ديل الفتيس .. انا مش متذكر الاسم بالظبط بس هو تقريبا كده و اي حد يقولك طرمبه فالف بوجيهات كل ده كلام فارغ
و تبقي تطمنا عملت ايه و اي الحل برده