بيجو 208 اسؤا عربية .. ارجو المساعدة !

**salama88** · 06-09-2014 06:43 AM

انا اشتريت العربية فى شهر 10 بيجو 208 الهاى لاين .. و قبلتنى مشاكل كتيير اول مشكلة تيل الفرامل !! ودتها التوكيل غير الطنبير لان التيل بوظها و دة كان بعد مشتريت العربية بشهرين ... تانى مشكلة سنسور الحرارة .. باظ و غيرهولى !! تالت مشكلة و هى فتحت البانورما طقت !!!!!!!!!!!! و دة شى غريب .. قدمت شكوة فى التوكيل و لسه مردوش عليه .. و اخر حاجة ان العربية مكملتش سنه و فى تخبيطة لما بنقل من الاول للتانى !! مع العلم ان لما سنسور الحرارة باظ و اتصلت بخدمة الطرق السريعة و و بعتولى حد يكشف عليها قالى ان الكمبيوتر قال فى عطل فى الفتيس و بعد كدا جربها قالى لاء دة بيخرف !! هل بقى التخبيط دة من الفتييس !! .. حد يساعدنى و يقولى اعمل اية و لو اشتكيت فى حقوق المستهلك هيجبولى حقى !!

**eleanor** · 06-09-2014 08:49 AM

حاول مع توكيل غمره وربنا يصلح الحال ولو عاكسو شد معاهم

**م أحمد** · 06-09-2014 10:09 AM

ممكن بعد إذنك توضح بيانات العربية

النمر أو ال vin

**salama88** · 06-09-2014 03:14 PM

المشاركة الأصلية كتبت بواسطة hany63

هوا الفتيس مانيوال ولا اوتوماتيك ؟
ولو اوتوماتك كام نقله ٤ ولا ٦ ؟

الفتييس اوتوماتك ٤ نقلات

**salama88** · 06-09-2014 03:17 PM

المشاركة الأصلية كتبت بواسطة م أحمد

ممكن بعد إذنك توضح بيانات العربية

النمر أو ال vin

vin es001205 اشترتها من صلاح سالم

**kareeem** · 06-09-2014 05:39 PM

المشاركة الأصلية كتبت بواسطة salama88

انا اشتريت العربية فى شهر 10 بيجو 208 الهاى لاين .. و قبلتنى مشاكل كتيير اول مشكلة تيل الفرامل !! ودتها التوكيل غير الطنبير لان التيل بوظها و دة كان بعد مشتريت العربية بشهرين ... تانى مشكلة سنسور الحرارة .. باظ و غيرهولى !! تالت مشكلة و هى فتحت البانورما طقت !!!!!!!!!!!! و دة شى غريب .. قدمت شكوة فى التوكيل و لسه مردوش عليه .. و اخر حاجة ان العربية مكملتش سنه و فى تخبيطة لما بنقل من الاول للتانى !! مع العلم ان لما سنسور الحرارة باظ و اتصلت بخدمة الطرق السريعة و و بعتولى حد يكشف عليها قالى ان الكمبيوتر قال فى عطل فى الفتيس و بعد كدا جربها قالى لاء دة بيخرف !! هل بقى التخبيط دة من الفتييس !! .. حد يساعدنى و يقولى اعمل اية و لو اشتكيت فى حقوق المستهلك هيجبولى حقى !!

ممكن تقولي النتشة اللي بتحصل معاك بتبقي ازاي عشان انا معايا 308 ماشية 40 الف و بيحصل معايا دبة بين الاول و التاني بس بعد ما العربية بتسخن يعني بعد نص ساعة مشي كدة بلاقي ال rpm بيعلى بين الاول و التاني و فجأة تحس ان النقلة التانية بتيجي مرة وحدة بهبدة كأن حد خبطك من ورا.. نفسي اعرف اية حل المشكلة دية حطيتها على الجهاز و مش كاتب اي error على الفتيس

**A.Adel** · 06-09-2014 07:19 PM

المشاركة الأصلية كتبت بواسطة kareeem

ممكن تقولي النتشة اللي بتحصل معاك بتبقي ازاي عشان انا معايا 308 ماشية 40 الف و بيحصل معايا دبة بين الاول و التاني بس بعد ما العربية بتسخن يعني بعد نص ساعة مشي كدة بلاقي ال rpm بيعلى بين الاول و التاني و فجأة تحس ان النقلة التانية بتيجي مرة وحدة بهبدة كأن حد خبطك من ورا.. نفسي اعرف اية حل المشكلة دية حطيتها على الجهاز و مش كاتب اي error على الفتيس

بص على قاعدة الفتيس وقاعدة الموتور اللي تحت
دول ممكن يعملوا الكلام ده ومش هيطلعوا أي errors على ال scanner

**salama88** · 06-09-2014 08:13 PM

المشاركة الأصلية كتبت بواسطة kareeem

ممكن تقولي النتشة اللي بتحصل معاك بتبقي ازاي عشان انا معايا 308 ماشية 40 الف و بيحصل معايا دبة بين الاول و التاني بس بعد ما العربية بتسخن يعني بعد نص ساعة مشي كدة بلاقي ال rpm بيعلى بين الاول و التاني و فجأة تحس ان النقلة التانية بتيجي مرة وحدة بهبدة كأن حد خبطك من ورا.. نفسي اعرف اية حل المشكلة دية حطيتها على الجهاز و مش كاتب اي error على الفتيس

بيحصل من الاول للتانى تخبيط و رجه فى العربية و ساعات النقل للتانى بيسحب و يطول !!! ده كده عيب فيتيس ولا ايه ؟ انا رايحة توكيل غمرة بعد اسبوع بس يعنى حرام العربيه مبلاقهاش سنه و رحت التوكيل ٦ مرات !!!

**Hany Saad** · 06-09-2014 09:51 PM

المشاركة الأصلية كتبت بواسطة kareeem

ممكن تقولي النتشة اللي بتحصل معاك بتبقي ازاي عشان انا معايا 308 ماشية 40 الف و بيحصل معايا دبة بين الاول و التاني بس بعد ما العربية بتسخن يعني بعد نص ساعة مشي كدة بلاقي ال rpm بيعلى بين الاول و التاني و فجأة تحس ان النقلة التانية بتيجي مرة وحدة بهبدة كأن حد خبطك من ورا.. نفسي اعرف اية حل المشكلة دية حطيتها على الجهاز و مش كاتب اي error على الفتيس

اللى عند حضرتك ده عدم احكام فى ضغوط الزيت داخل الجيربوكس لان نوع الفتيس اللى عند حضرتك بينقل بضغط الزيت
عدم احكام الضغوط بيأخر النقلة و تحس انك بدوس على الفاضى و ال rpm بيعلى معاك و مرة واحدة تعشق النقلة اللى كانت متأخرة بهبدة جامدة و العربية تنط لقدام.....عيب مشهور فى البيجو و الميجان
حله تغيير شنابر ديل فتيس و تشتريهم اصلى من التوكيل و اللى يغيرهم يكون فاهم كويس

تحياتى