تقيم الأمان لكيا اسبورتاج خمس نجوم

**medoragab** · 06-09-2014 09:09 AM

بما اني توكلت على الله و حجزت اسبورتاج و طبعا كان عيني على الأوروبي قبل الكوري عشان عوامل الأمان والثبات لكن كثرة المشاكل في الأوروبي الآن خوفتني منه و خصوصاً الاسكودا و الفولكس و مشاكل الفتيس المعروفه مع تجربتين غير موفقين في الألماني مع اثنين من أصدقائي .. المهم
وبعد ما استقريت على الاسبورتاج كنت خايف من عوامل الأمان فيها مع العلم أن التوكيل قالي العربيه واخده خمس نجوم بس كنت شاكك لحد ما لقيتها فعلا واخده خمس نجوم
KIA Sportage | Euro NCAP - For safer cars crash test safety rating

**DEVIL333** · 06-09-2014 12:09 PM

الف مبروك مقدما
عربية ممتازة

**medoragab** · 06-09-2014 08:10 PM

المشاركة الأصلية كتبت بواسطة DEVIL333

الف مبروك مقدما
عربية ممتازة

الله يبارك فيك

**swimmer25** · 06-09-2014 08:57 PM

حلو
بس سؤال مهم
حضرتك جايب العربية اللي فيها esc و ايرباج جانبي فوق وتحت زي العربية اللي في الإختبار
نفس الكلام علي السيفيك...اللي واخدة 5 نجوم هي النسخة الي فيها 6 ايرباج مش النسخة اللي بتنزل مصر

**swimmer25** · 07-09-2014 10:38 AM

المشاركة الأصلية كتبت بواسطة medoragab

على حد معلوماتي هي 2 ايرباج فقط و esc ده اول مره اسمع عنه
لو تفيدني عن هذا الاختصار ل ايه و بينزل في اي العربيات ... العربيه فيها esp و بيشتغل اتوماتيك عند الحاجة أو فيه زرار بتشغله منه

هم الاتنين واحد الفرق في التعبير بالإسم
ESC: Electronic stability Control
ESP: Electronic Stability Program

ال ESP موجود في السبورتاج في الفئة الرابعة فقط ومش عارف ليه مبقاش ظاهر علي الموقع بتاعهم
Kia Sportage | Kia Motors Egypt Official Website

بس واضح ان الصفحة مش معروضة مظبوط

هو حضرتك جايب الهاي لاين؟ اللي هي بكام؟

**swimmer25** · 09-09-2014 12:18 PM

المشاركة الأصلية كتبت بواسطة medoragab

ان شاء الله حاجز الهاي لاين أعلى فئة ب 245 الف ودي أعلى فئة
و بالنسبة للموقع انا كلمت خدمة العملاء قالولي أن في تعديل على الموقع عشان كده الموقع مش ظاهر فيه أعلى فئة .. و الموقع ظاهر فيه الفئه القبل الاخيره و نازله تحت الهاي لاين بالخطأ...
وقالي العربيه إلى انا حاجزها هي أعلى فئة وفيها كل الكمليات إلى مش موجوده في الموقع .
وقالي سيبك من الموقع المواصفات إلى موجوده في البانفليت أو البروشور إلى استلمته من
التوكيل ساعة الحجز هيا دي العربية إلى انت متعاقد عليها
و في البروشور الفئه إلى ب 245 الف فيها كل حاجه مش ناقصه حاجة و مفيش أعلى منها .
فتحه بانوراما و اسمارت كي و فرش جلد و باقي المواصفات المعروفه في الهاي لاين...
والحجز مقدم أربعين الف و الاستلام خلال شهرين إلى ثلاث اشهر و بتحدد اللون و التوكيل ب يلتزم بالمواصفات و اللون

تستلمها علي خير بإذن الله ومبارك عليك مقدما
المفروض خلاص العربيات العالية تنزل كلها بال esp مش بس أخر فئة
الله المستعان