الموضوع: أرجو من خبراء السياره a516 يلحقوني لحسن قربت اتجنن

أولا السلام عليكم
ثانيا اشكر القائمين على اداره هذا المنتدى على الجهد المبذول من سيادتكم

مشكلتي كالتالي .. انا اشتريت سياره اسبرانزا a516 موديل 2007 من حوالي اسبوعين.
المشكله ظهرت بعد حوالي اسبوع من الشراء . وهي كالتالي.

*1* الرشاش رقم 2 من يمين الموتور شغال علطول مش بيفصل غير باقي الرشاشات .. رحت لميكانيكي غير الرشاش و غير المستره وبردوا الرشاش مش بيفصل خالص . قالي روح لكهربائي علشان ده مش عيب ميكانيكي.

*2* بعديها وانا واقف لاقيت الزجاج الخلفي مش راضي يفتح ولايفقل من الكنترول الامامي او من الابواب بالخلف والسنتر مش راضي يقفل خالص و لمبه الاستوب منوره ومش راضيه تقفل. شلط قشاط البطاريه ووصلته تاني الحمد لله ظبط .

*3* الجديد العربيه حاسس انها ملخبطه خالص وحاسس ان الميكانيكا تمام والعيب عيب كهرباء .. والساعه الي في التابلوه لما بقفل الكونتات بتفضل منوره هي والانوار بتاعت مثلا "فرامل اليد" ومش بتفصل غير لما اشيل البطاريه واوصلها تاني والموتور مش بيردا يقوم بردوا غير لما افصل القشاط واوصله تاني .. وبمجرد لما اشغل الموتور وابطل تاني ترجع المشكله تاني ولازم افصل البطاريه علشان النور بتاع الساعه يفصل والموتور يقوم.

** كشفت كمبيوتر ومجبش غير حساس كامه وغيرته بس بردو لاتغير **

ممكن من حد يستوعب مشكلتي ويقولي ايه ممكن يكون السبب لحسن بجد اتجننت وتعبت خالص خصوصا ودي اول عربيه اركبها .. ولو حد يعرب كهربائي دكتور يعني حد بيقدر يشخص صح العربيه ويجيب العيب علشان انا استنزفت اموال و جهد.

شكرا لحضرتكم على الوقت وعلى مشاركتي المشكله.