هااااام جدا .... صوت تزييق فى نيو صنى

**abohassan** · 06-09-2014 01:00 PM

السلام عليكم ورحمة الله وبركاتة ...

ياجماعه أنا معايا نيو صنى 2014 ولسه يادوب عامل صيانة الألف .. بسمع صوت تزييق خفيف من قبل صيانة الألف وانا باطلع وبنزل من المطبات أو لو فيه حته مش مظبوطه فى الأرض ... ومش متأكد هوه جاى منين بعتقد من قدام ..مش عارف .!!! والصوت دا قلتلهم عليه فى أوتو إيجيبت فى صيانة الألف .. وقالولى إنهم كشفوا على العفشه كلها ومفيش أى حاجه وكله تمام تفتكروا الصوت دا يكون جاى منين .. ... تفتكروا ا إيه إلى ممكن يكون بيزيق ... ؟

شكرا على المساعدة

**bebo382** · 06-09-2014 01:03 PM

كاوتشة مساعدين

**أحمد جودة** · 06-09-2014 01:09 PM

لو على المطبات بس تبقي المساعدين ((( بطاحات .... سوست )))

**hi_nmr** · 06-09-2014 02:36 PM

باشا الموضوع ده بيحصل مع العربيات الجديده عادي لو تزييق بسيط بيكون من العافشه
الحل انك تغسل العربيه من تحت وان شاء الله التزييق ده يروح

**abohassan** · 06-09-2014 09:48 PM

هوه فعلا صوت ضعيف يعنى لازم يكون فيه هدوء وتكون قافل الزجاج كمان .. بس تفتكروا يعنى الواحد لو غسل العربية من تحت ممكن فعلا الصوت دا ممكن يروح علشان الصوت دا عامللى هسهس.. .ولا أروح مركز صيانه تانى .. مودرن موتورز مثلا ... مع إن كل الناس بتشكر فى أوتو إيجيبت والمهندس هناك قالى إنهم فعلا كشفوا على العافشه كلها .. ومعايا تقرير بكدا ..