الرجا الافاده مشكله في ريو 2014

**AYED500** · 06-09-2014 07:29 PM

السلام عليكم
انا لسه شاري ريو 2014 مشيت 560 كم بس العربيه الحمد لله ممتازه في كل شئ بس في حاجه سامعها وقلقااااني جدا جدا
وانا مشغل التكييف بالاخص او حتي من غير ما اشغله وبدووووس بنزين اسمع صوت

((((( وررررررره ))))

غريبه اوي لازم تقفل الازاز عشان تعرف تسمعه انا مشكلتي ودني حساسه شويتين مع العربيات مش بحس بأي نتش في النقل بس اللي عرفته ان الفتيس ده اربع نقلاااات
فهل ده الطبيعي بتاع العربيه ياريت اي حد معااااه العربيه يفيدني ده الطبيعي بتاع العربيه ولا انا اللي عندي المشكله انا بقووول انها ممكن يكون الصوت ده من سير من السيور لما العزم بيزيد او بكره من بكرات سحب السيور عايز يتأرررط عليها بصراحه مش عارف وخصوصا انا مليش تعقيب عليها في حاجه تانيه انا كان معايا السيراتو الشكل الجديد فتيس 6 نقلات مكنش في اي اصوات بصراحه
الرجا الافاده
شكرا

**pioneerahmed** · 06-09-2014 07:46 PM

دة صوت تسقيف
البنزين الى حضرتك حطيتة مش نضيف غير البنزين. و لو الصوت مراحش حط منظف دورة وقود stp
و لو مراحش يبقي تروح التوكيل يفكوا الرشاشات و ينضفوها

و لو مراحش يبقي ارضي بالامر الواقع زي حالاتي

**smalltoto10** · 06-09-2014 07:48 PM

فعلا ده صوت تسقيف هتلاقيك لبست فى بنزين مخشوش

**shoshasam** · 06-09-2014 08:11 PM

كان عندي مشكلتك بالظبط وواحد قالي ده بنزين مغشوش علي الرغم
من اني بحط 92 ولفيت كتير وقليل علي الميكانيكيه ماحدش فاهم حاجه
وكان بيظهر عندي زيك برضه وبنفس الاعراض دي

جربت اغير البنزينه والحمد لله المشكلة اتحلت ومن يومها وانا مش سايب البنزينه دي نهائي
علي الرغم من انها بعيده عني 25كيلو بس هيا الانضف صراحة

جرب بنزينه وطنيه او امارات أهم شئ ماتحطش بنزين من البنزينه الجديده الا لما تفضي التانك من القديمه
وربنا ينتقم منهم علي غشهم لينا

**AYED500** · 06-09-2014 10:07 PM

شكرا علي الرد وياريت يبقي الموضوع موضوع بنزينه
بس ممكن تقولي يا استاذ shoshasam انت بتحط في اي بنزينه ؟؟؟؟
لأن فعلا انا اول مرة حطيط بنزين مكنش في الصوووت ده المره التانيه حصل الصوت ده من بنزينه موبيل الاوتوستراد

**ضى القمر** · 06-09-2014 11:27 PM

ام الغش اللى ملى البلد ده

**Dr_Smart** · 07-09-2014 02:28 AM

متابع .. بقترح لما لمبة التانك تنور تحط ١٠ لتر ولا حاجه بنزين ٩٥ او فول ٩٢ وحط octane booster وجرب

**ezzzzo1983** · 07-09-2014 10:18 AM

المشاركة الأصلية كتبت بواسطة dr_smart

متابع .. بقترح لما لمبة التانك تنور تحط ١٠ لتر ولا حاجه بنزين ٩٥ او فول ٩٢ وحط octane booster وجرب

حجرب وياريت تيجي بفايده

**shoshasam** · 07-09-2014 12:35 PM

المشاركة الأصلية كتبت بواسطة ayed500

شكرا علي الرد وياريت يبقي الموضوع موضوع بنزينه
بس ممكن تقولي يا استاذ shoshasam انت بتحط في اي بنزينه ؟؟؟؟
لأن فعلا انا اول مرة حطيط بنزين مكنش في الصوووت ده المره التانيه حصل الصوت ده من بنزينه موبيل الاوتوستراد

حضرتك انا من المحلة وبسافر طنطا مخصوص عشان افول بنزين
من بنزينه اسمها بنزينة المعرض وهيا تحت كوبري المعرض ومشهورة جدا
وانا بسافر لها مخصوص لانه بنزينها نضيف جدا وهيا الوحيده اللي بحس بقوة عزم الموتور والسحب والكيك داون وطبعا مافيش تسقيف ابدا مهما فركت العربيه في الارض

المشاركة الأصلية كتبت بواسطة dr_smart

متابع .. بقترح لما لمبة التانك تنور تحط ١٠ لتر ولا حاجه بنزين ٩٥ او فول ٩٢ وحط octane booster وجرب

بنزين 95 غالي جدا ومش كل الناس تقدري تشتريه لكن لو الواحد لقه بنزينه نضيفه قريبه منه
يمسك فيها بايديه واسنانه

**Dr_Smart** · 07-09-2014 04:10 PM

المشاركة الأصلية كتبت بواسطة shoshasam

حضرتك انا من المحلة وبسافر طنطا مخصوص عشان افول بنزين
من بنزينه اسمها بنزينة المعرض وهيا تحت كوبري المعرض ومشهورة جدا
وانا بسافر لها مخصوص لانه بنزينها نضيف جدا وهيا الوحيده اللي بحس بقوة عزم الموتور والسحب والكيك داون وطبعا مافيش تسقيف ابدا مهما فركت العربيه في الارض

بنزين 95 غالي جدا ومش كل الناس تقدري تشتريه لكن لو الواحد لقه بنزينه نضيفه قريبه منه
يمسك فيها بايديه واسنانه

انا بقترح الموضوع ده للتجربه فقط .. يمكن تكون العربيه مناسب ليها اكتر الاوكتان الاعلى وبالتالي نبقى عرفنا سبب الصوت ونتعايش معاه لان صعب طبعا نستمر على ٩٥
او ممكن تكون البنزينات بتخلط ال٩٢ب٨٠ عشان كده الصوت ده بيطلع

الموضوع: الرجا الافاده مشكله في ريو 2014

LinkBack

أدوات الموضوع

عرض

-

-

-

-

المواضيع المتشابهه

الرجا المساعدة

نداء إلى خبراء إسبرانزا 516 ....... الرجا المساعدة

مشكله وارجو الافاده

الرجا الافاده في بروتون جين 2 المستعمله

مشكله فى n73 ارجو الافاده

الكلمات الدلالية لهذا الموضوع

المفضلات

المفضلات

ضوابط المشاركة