مشكله رخمه اوى كيا سيراتو 2015

**ahm.mega007** · 06-09-2014 07:50 PM

مشكله ياجماعه فى موضوع حزام الأمان لو مركبتوش بيفضل يعمل صوت رخم اوى لازم اركبو علشان يفصل مفيش حل ليه

**borio1704** · 06-09-2014 07:56 PM

وإيه المشكلة هنا حضرتك؟؟؟

هو سلامتك مش أهم من أي حاجة تانية؟؟ ولا سيادتك أول مرة تسوق عربية فيها حزام؟؟

عموما.. الصوت بيفصل لوحده بعد دقيقة ونص تقريبا

...

**shoshasam** · 06-09-2014 08:15 PM

ده موجود لتنبيهك مش اكتر وعشان امانك
وكمان هوه مش بيظهر علي طول ...... فقط بعد سرعه 100 كيلو
وانا راي ان حزام الامان مهم جدا علي السرعات العاليه
ونصيحة لوجه الله بلاش تشيل الفيوز بتاعه عشان تبقي مجبر انك تربط الحزام

**شادى عبدالمنعم** · 06-09-2014 08:36 PM

المشاركة الأصلية كتبت بواسطة ahm.mega007

مشكله ياجماعه فى موضوع حزام الأمان لو مركبتوش بيفضل يعمل صوت رخم اوى لازم اركبو علشان يفصل مفيش حل ليه

فى قطعه بتركب مكان الحزام كأنك مركب الحزام بالضبط وطبعا السينسور مش هيشتغل ﻻنك كأنك مركب الحزام .

**ahm.mega007** · 06-09-2014 09:21 PM

المشاركة الأصلية كتبت بواسطة borio1704

وإيه المشكلة هنا حضرتك؟؟؟

هو سلامتك مش أهم من أي حاجة تانية؟؟ ولا سيادتك أول مرة تسوق عربية فيها حزام؟؟

عموما.. الصوت بيفصل لوحده بعد دقيقة ونص تقريبا

...

لا ولله ياباشا كان معايا بى أم بحزام انت هتهرج خلى كلامك لزيز لم متكلمش حركه رخمه وعايز صوتها يفصل بس

**mr.moustafa** · 06-09-2014 09:43 PM

المشاركة الأصلية كتبت بواسطة ahm.mega007

لا ولله ياباشا كان معايا بى أم بحزام انت هتهرج خلى كلامك لزيز لم متكلمش حركه رخمه وعايز صوتها يفصل بس

و البي ام اللي معاك بقى مافيهاش انذار لحزام الأمان ؟؟؟؟؟؟؟؟؟؟؟؟؟؟؟؟؟
و بعدين انت كاتب مشكلة في كيا سيراتو ، ممكن تجيب لادا مافيهاش الصوت ده

**ahm.mega007** · 06-09-2014 10:01 PM

المشاركة الأصلية كتبت بواسطة safsaf43

و البي ام اللي معاك بقى مافيهاش انذار لحزام الأمان ؟؟؟؟؟؟؟؟؟؟؟؟؟؟؟؟؟
و بعدين انت كاتب مشكلة في كيا سيراتو ، ممكن تجيب لادا مافيهاش الصوت ده

انت مال حضرتك أساسا وبعدين حد قلك تكتبلى ف موضوعى حاجه وبعدين هيا مالها الادا مهيا عربية زى عربيه بتادى الغرد فية ناس مش لاقياها وبعدين إلبى أم لو حضرتك بتفهم فيها أساسا 318i مفهاش تنبية للحزام مش فاهم تبقى تسكت وبعدين حضرتك راكب ايه اساسا مش بعيد يكون معكش أساسا عربيه وداخل بجنية وبريزة عامل عضويه فى المنتدى وقاعد ف سيبر وعمال بتفتى وتشغل نفسك وتعمل نفس حضرتك توكيل كيا ماتورز مثلا يبقا بلاش ف موضيعى وف ناس محترمه دخلت قالو آراء محترمه من غير روشنه ف الكلام وفتينه كدابه زيك يا حول الله ربنا يهدى الجميع

تم حصولك على انذار ووقف إسبوع لمخالفة القاعدة رقم 12
م.ع.3

**Abo.Moazz** · 06-09-2014 10:16 PM

المشاركة الأصلية كتبت بواسطة borio1704

ولا سيادتك أول مرة تسوق عربية فيها حزام؟؟

...

ههههههههههههههههههههههههه ههههههههههههههههههههههههه ههههههه
أنا أسف ياجدعان بس التعليق ده خلانى أفطس على نفسى من الضحك ..
أنا مش بسخن والله

ثم الأستاذ صاحب الموضوع ... فى أيه ياعم ؟؟ .. الناس بتهرج معاك .. خللى صدرك واسع كده وأضحك خللى الدنيا تضحكلك
عموماً بالنسبة لعربيتك البى إم سيراتو ... أو أى عربية حديثة صوت تحذير حزام الأمان بيقف بعد زمن بيختلف من عربية للتانية .. ممكن دقيقة أو 2 أو 3

**mr.moustafa** · 06-09-2014 10:18 PM

المشاركة الأصلية كتبت بواسطة ahm.mega007

انت مال حضرتك أساسا وبعدين حد قلك تكتبلى ف موضوعى حاجه وبعدين هيا مالها الادا مهيا عربية زى عربيه بتادى الغرد فية ناس مش لاقياها وبعدين إلبى أم لو حضرتك بتفهم فيها أساسا 318i مفهاش تنبية للحزام مش فاهم تبقى تسكت وبعدين حضرتك راكب ايه اساسا مش بعيد يكون معكش أساسا عربيه وداخل بجنية وبريزة عامل عضويه وعمال بتفتى وتعمل نفس حضرتك كيا ماتورز يبقا بلاش ف موضيعى وف ناس محترمه دخلت قالو آراء محترمه من غير روشنه ف الكلام وفتينه كدابه زيك يا حول الله ربنا يهدى الجميع

أولا : المنتدى ده مش بتاعك و انا حر
ثانيا : اللادا رشحتها ليك لأنها الأنسب ليك و مافيهاش المشكلة الرخمة ديه
ثالثا : البي ام بتاعتك ديه بتتباع عندنا بـ 7000 ريال ، يعني بتاعت الغلابة
رابعا : انا باركب عربيات من قبل انت ما تتولد أساسا
خامسا : انت بكلامك المتطاول ده مش هارد عليك و طبعا انت عارف ان قلة الأدب مافيش اسهل منها