الموضوع: طريقة الضبط اليدوى لمستوى الأضاءة فى عدسات الزينون للفلوانس فيس ليفت هاى لاين

بداية كان فى زميل لينا فى القسم اشترى فلوانس فيس ليفت فئة الهاى لاين و طبعاً الفئة دى بتنزل بفوانيس عدسات زينون فى الواطى ذو ضبط تلقائى لمستوى الأضاءة عن طريق اربع حساسات فى الاربع عجلات بتقيس ميل الطريق و ميل العجلات الامامية عن الخلفية و تظبط المستوى تلقائياً دون اى تدخل من السائق
الشكوى كانت ان الزينون مش فارش مسافة كبيرة للأمام و طبعاً بما ان مفيش بكرة من الداخل للتحكم اليدوى فكان الموضوع مش ظريف.....معلوماتى ان دايماً بيكون فيه مسمار رجلاش فى كل فانوس للضبط اليدوى حتى مع وجود بكرة من الداخل او حساسات و لكن قلت برده اسأل التوكيل للتأكد
امبارح سألت مهندس التوكيل و اكد لى وجود هذا المسمار و انهم بالفعل رجلشوه لعميل قبل كده فى الفيس ليفت فئة الهاى لاين
النهاره فتحت الكابوت و دعبست عليه شويه...هو طبعاً مش واضح قوى و لكن بعد شوية تشغيل مخ عطرت على المسمار العكروت
اسيبكم مع الصور.....

- مسمار رجلاش شمال:



- مسمار رجلاش يمين:



طبعاً فى منطقة ظلمة بنوقف العربية امام حائط على مسافة معينة و نقوم بفتح او غلق المسمار لتعلية او توطية العدسات الى ان نحصل على الأضاءة المناسبة و المطلوبة و يكون الكشافين على نفس المستوى
اعتقد المسمار ده كمان موجود فى كل الفئات مش بس الزينون علشان لو البكره محققتش المستوى او كانت الأضاءة مش focused او كشاف مختلف عن الاخر فى المنسوب يبقى المسمار ده هيقوم بالواجب تماماً

تحياتى