الموضوع: استفسار عن سيفيك 2014 و يا ريت سامح يرد عليا برضه

المشاركة الأصلية كتبت بواسطة swimmer25

نفس الكلام دا وبسعر أقل هي البيجو 3008 بس مش عارف فيها مشاكل ولا لأ
بس خلي بالك الموتور ال 156 حصان مش هتحس بيه في البيجو..طلعتها تقيلة أوي وتسارعها ضعيف..متتغرش في الرقم

طيب إيه نظام الأسترا؟ ما هي في نفس رينج السعر!
الحاجة الوحيدة فقط اللي كانت مضايقاني منها إن الفتيس بيأخر النقلة بس ممكن يكونوا حلوها بسوفت وير

ده مين اللي فهم حضرتك ان الموتور ال 156 حصان طلعته تقيله اوي و التسارع ضعيف
مهو حاجه من اتنين تكون حضرتك جربت عربيه بايظه يا سمعت الكلام ده من واحد بيفتي لاء و وسعت منه كمان الصراحه
اولا العربيه بقت ١٦٣ حصان و ده مش كلام ده بعد الكشف عن ال vin
الموتور الضعيف اللي حضرتك بتقول عليه كان مخلي الباسات التربو مش قادره تلاحق عليه لا فوق و لا تحت
و طلعت بيه من مرسيدس e300 و كان هيلبس في الرمل بعد الطريق ما ضاق و بقى يساع عربيه واحده فاضطر يدوس فرامل و انا عديت طبعا لو كنا كملنا كان هيجبني على سرعه عاليه بس هوا مصدقش اساسا اللي حصل
و طلعت بيها بمنتهى السهوله من بي ام فئه خامسه بس موديل قديم بس صاحبها كان واقف على الدواسه
الموتور بعد زاد الحصان بتاعه بيجيب من ٠-١٠٠ في اقل من ٩ ثواني و الاهم و انت ماشي عادي لو دست بنزين بتحس العربيه بتطير و كله بيبقى وراها بعشرات الامتار