ساعدوووووونى ... فرصه العمر بس قلقان من الاستيبترونيك

**Karim Emad** · 07-09-2014 08:28 PM

بسم الله الرحمن الرحيم
السلام عليكم ورحمه الله
الموضوع بإختصار معايا كرولا 97 خراااافه ماشاء الله عليها ومكنتش بفكر فى التغيير
بس لقيت قدامى كورولا 2008 لقطه بمعنى الكلمه
جنوب افريقيا جميع الكماليات اتوماتيك ((استيبترونيك)) لون اسود فابريكه اول يد وحالتها رائعه
وعرفت من ع النت ان الاستيبترونيك دا اللى هو Mmt
وقفتنى كلمه ((استيبترونيك)) للسمعه اللى مش تمام عليه مع انى مكنتش مهتم بيه اصلا
ياريت ارائكوا فى الموضوع دا وياريت حد يشرحلى ((استيبترونيك)) دا نظامه ايه من الالف للياء
ويكون الشرح بسيط مش معقد (( على قدى فى العربيات لسه معلش ))
المهم بجد الحقوووووونى شايفها فرصه حلوه خصوصا انى مش هغير ماركه العربيه هغير الموديل للاحدث بس
بس موضوع ((استيبترونيك)) دا عاملى صداع فى دماغى
ياريت اراء الخبراء ولو لقيت حد معاه العربيه يقولى رأيه ايه
منتظركم

**ALi Hamdy** · 07-09-2014 09:12 PM

ال MMT دا حاجه والاستيبترونك حاجه تانيه

الجنوب افريقي كانت بتنزل ب MMT وظهرت مشاكل في مصر علشان كده غيروه بفتيس استيبترونك

وعلي فكره استيبترونك يعني اوتوماتيك لو انت مش عارف لكن MMT دا تكنولوجي حديث جدا ومختلف

لو عايز تعرف اكتر عنه اقرأ المعلومات اللي فاللينك
http://www.nilemotors.net/Nile/313929-mmt.html

**Karim Emad** · 07-09-2014 09:22 PM

الف شكر استاذ على
بس ياريت لو فى اى معلومات عند حضرتك عن الاستيبترونيك دا قولى عليه
السحب بتاع mmt كان ضعيف وبيخلى الموتور كسول
ايه نظام الاستيبترونيك فى السحب
وهل الاستيبترونيك دا بيجمع برضه بين المانيوال والاوتوماتيك ولا هو اوتوماتيك بس من غير شيفتات
وايه رأى حضرتك فى العربيه كنظره عااااامه

**abofandy** · 08-09-2014 12:29 AM

زى ما وضح ليك الاستاذ على فى الرد سابقا
ان الفتيس الى كان بينزل فى الجنوب افريقى المعروف ب mmt دة مانيول ولكن بدون دبرياج وكان فصلة الدبرياج فى دواسة البنزين ان حضرتك بتشيل رجلك وتحطه تانى ودة بتعتمد ع حساسية رجلك واسلوب قيادة مختلف ولما الناس اشترته فى الاول كانت مفكراه اتوماتيك ولكن هو فتيس مانيول عادى خالص ولكن بدون دواسة دبرياج وطبعا الثقافة دى مكنش يعملها كل الناس فظهرت مشاكل زى حراره والعربية بتقف وكان مشاكله لا تعد ولا تحصى فى هذا المجال وخلى الناس تتعقد منه ومن العربية

لكن الاستبترونيك دة فتيس الاتوماتيك العادى وفية نقلات مانيول
ودة موجود تقريبا فى كل العربيات الحديثة دلوقتى

البومه فتيسها استبترونيك
السكوودا الجديدة فتيس استبترونيك بعد ما ظهرت مشاكل من DSG بدل الفتيس بالاستبت ترونيك العادى
الالنترا
الكيا
وغيرها